agriculture news in Marathi, BT seed Inspection before sell, Maharashtra | Agrowon

राज्यात बीटी बियाण्यांची यंदाही विक्रीपूर्व तपासणी
टीम अॅग्रोवन
गुरुवार, 29 मार्च 2018

पुणे : प्रथम शुद्धता तपासणी झाल्यानंतर बीटी कपाशी बियाण्यांची प्रत्यक्ष विक्री सुरू करण्यापूर्वी पुन्हा तपासणी करण्याचे धोरण यंदा देखील राबविले जाईल, अशी माहिती कृषी विभागाच्या सूत्रांनी दिली. 

पुणे : प्रथम शुद्धता तपासणी झाल्यानंतर बीटी कपाशी बियाण्यांची प्रत्यक्ष विक्री सुरू करण्यापूर्वी पुन्हा तपासणी करण्याचे धोरण यंदा देखील राबविले जाईल, अशी माहिती कृषी विभागाच्या सूत्रांनी दिली. 

तत्कालीन कृषी आयुक्त सुनील केंद्रेकर यांनी शेतकऱ्यांच्या ताब्यात बियाणे जाण्यापूर्वी तपासणी करण्याचे धोरण गेल्या हंगामात राबविले होते. त्यामुळे राज्यभरात काढण्यात आलेल्या दीड हजार नमुन्यांपैकी १०० वाणांचे नमुने ‘फेल’ निघाले. यामुळे अप्रमाणित लॉटमधील बियाणे शेतकऱ्यांना विकले जाण्यापूर्वीच विक्रीबंद आदेश दिले गेले. यातील काही कंपन्यांवर न्यायालयात दावेदेखील दाखल करण्यात आले. 

विद्यमान आयुक्त सच्चिंद्र प्रताप सिंह यांनी आता गेल्या हंगामापेक्षाही यंदा जास्त काळजी घेण्याच्या सूचना दिलेल्या आहेत. राज्यात तयार झालेल्या बीटी बियाण्यांचे बीजोत्पादन केंद्रांवर तसेच गोदामांच्या ठिकाणी नमुने घ्यावेत. सदर नमुने फेल आढळल्यास त्याचा पुढील प्रवास तात्काळ रोखावा, असा आयुक्तालयाचा प्रयत्न आहे. 

‘‘बीटी कापूस बियाण्यांच्या विक्रीतील बनवेगिरी रोखण्यासाठी राज्यातील सर्व गुणवत्ता निरीक्षकांना सूचना देण्यात आलेल्या आहेत. यंदा कंपन्यांच्या पातळीवरच कठोरपणा आणण्यासाठी आम्ही बियाण्यांची अंतर्गत गुणधर्मांची ‘डीएनए’ तपासणी तसेच बियाण्यांच्या बाह्यगुणधर्मांची ‘डस’ चाचणीदेखील सक्तीची केली आहे,’’ अशी माहिती उच्चपदस्थ कृषी अधिकाऱ्याने दिली. 
कृषी खात्याच्या आधीच्या कामकाजानुसार शेतकऱ्यांच्या हातात बियाणे पडण्यापूर्वी बाजारपेठांमधील बियाण्यांची तपासणी केली जात नव्हती. यामुळे शेतकऱ्यांचे नुकसान तर फसवेगिरी करणाऱ्या व्यक्तींचे फावत होते. 

‘‘बियाणे बाजारात बियाण्यांची पाकिटे गेल्यानंतर शेतकरी ‘फेल’ बियाणेदेखील विकत घेत होते. तसेच, विक्री चालू असताना कृषी खात्याचे निरीक्षक बियाण्यांचे नमुने तपासणीसाठी पाठवत असत. तपासणीत असे नमुने निकृष्ट निघाल्यानंतर कंपनीवर कारवाई केली जात होती. मात्र, इकडे तोपर्यंत शेतकरी सदर फेल बियाणे पेरतो व नुकसानीला सामोरे जात होता. श्री. केंद्रेकर यांनी ही पद्धत बदलण्याचा प्रयत्न केला होता,’’ असे सूत्रांचे म्हणणे आहे. 

तपासणीमुळे पुरवठा विस्कळित होणार नाही
महाराष्ट्र कापूस बियाणे कायदा २००९ आणि पर्यावरण संरक्षण कायदा १९८६ अशा दोन कायद्यांचा आधार घेत बीटी बियाण्यांची विक्रीपूर्व तपासणी करण्याचा प्रयत्न कृषी विभागाकडून केला जाणार आहे. परराज्यातील कंपन्यांच्या बीजप्रक्रिया केंद्रांवर जाण्याचा अधिकार कृषी विभागाला नाही. त्यामुळे या कंपन्यांच्या मुख्य वितरकांकडे माल येताच नमुने ताब्यात घेण्याच्या सूचना देण्यात आल्या आहेत. विक्रीपूर्व तपासणी कालावधीत बियाण्यांचा पुरवठा मात्र विस्कळित न होण्याची काळजी घेतली जाईल, असेही सूत्रांनी स्पष्ट केले.

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...