'भुजबळ ब्रिगेड' २ जानेवारीला रस्त्यावर उतरणार !

'भुजबळ ब्रिगेड' २ जानेवारीला रस्त्यावर उतरणार!
'भुजबळ ब्रिगेड' २ जानेवारीला रस्त्यावर उतरणार!

नाशिक : माजी उपमुख्यमंत्री छगन भुजबळ यांचा जामीन अर्ज फेटाळण्यात आल्याने त्यांच्या समर्थकांनी रस्त्यावर उतरण्याचा निर्णय घेतला आहे. 2 जानेवारी 2018 ला राज्यात ठिकठिकाणी आंदोलन होणार आहे.  यासंदर्भात महात्मा फुले समता परिषदेच्या माध्यमातून राज्यभर आंदोलनाची तयारी सुरु केली आहे. आज सकाळी याबाबत नाशिक शहरात प्रमुख पदाधिका-यांची बैठक झाली. याविषयी सोशल मीडियाच्या माध्यमातून भुजबळ समर्थकांनी आंदोलनासंबंधीच्या पोस्ट "व्हायरल' करण्यास प्रारंभ केला आहे. यामध्ये कार्यकर्ते, समर्थकांना भावनीक आवाहन केले आहे. "तुम्ही आम्हा कार्यकर्त्यांसाठी खूप काही केले, पण राजकीय आकस आणि सर्वसामान्यांचे नेतृत्व संपवण्यासाठी सुरू असलेल्या कटकारस्थानामुळे तुम्ही 22 महिन्यांपासून कोठडीत आहात. त्यामुळे आता केवळ बोलण्याची नव्हे, तर संघर्षात प्रत्यक्ष साथ देण्याची वेळ आली आहे."

याविषयी समता परिषदेचे नेते दिलीप खैरे म्हणाले, केवळ छगन भुजबळ साहेब लढवय्ये नेते आहेत. ओबीसी समाजाचे प्रतिनिधीत्व करतात. ते बाहेर आले तर प्रतिगामी राजकारण्यांना त्यांची भिती वाटते. यासाठी सर्व कारस्थान आहे. आम्ही शांत बसुच शकत नाही. त्यामुळे सबंध राज्यभर आंदोलन होईल. सर्व समतावादी संघटना, कार्यकर्ते यांनीही त्यात सहभागी व्हावे असे आमचे प्रयत्न आहेत. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com