agriculture news in marathi, bulk cooler failed in milk collection center, parbhani, maharashtra | Agrowon

पाथरीतील शासकीय दूध संकलन केंद्रातील दोन बल्क कूलरमध्ये बिघाड
टीम अॅग्रोवन
गुरुवार, 15 मार्च 2018
पाथरी, जि. परभणी : पाथरी येथील शासकीय दूध संकलन केंद्रातील दोन बल्क कूलर बंद पडल्याने बुधवारी (ता. १४) सकाळी दूध संकलन केंद्र सुरूच झाले नाही.
 
पाथरी, जि. परभणी : पाथरी येथील शासकीय दूध संकलन केंद्रातील दोन बल्क कूलर बंद पडल्याने बुधवारी (ता. १४) सकाळी दूध संकलन केंद्र सुरूच झाले नाही.
 
अचानक दूध संकलन केंद्राला कुलूप लावलेले दिसल्यामुळे दूध उत्पादक शेतकरी संतप्त झाले. दुधाची नासाडी होण्याच्या भीतीमुळे शेतकरी आक्रमक झाले. त्यामुळे पोलिस घटनास्थळी दाखल झाले. अखेर परभणी येथील शासकीय दुग्धशाळेत दूध पाठवण्याचा निर्णय घेण्यात आल्यामुळे सकाळी संकलित झालेल्या ९ हजार लिटर दुधाचा तात्पुरता मार्गी लागला. दूध साठविण्यासाठी पुरेशी व्यवस्था नसल्यामुळे दररोजच्या दूध संकलनाचा प्रश्न कायम आहे. त्यामुळे दूध उत्पादक शेतकरी आंदोलनाच्या पावित्र्यात आहेत.
 
परभणी येथील शासकीय दूध योजनेअंतर्गत गेल्या १२ वर्षांपासून पाथरी येथे दूध संकलन केले जाते. गेल्या काही वर्षांत या भागातील शेतकरी दुग्ध व्यवसायाकडे वळल्यामुळे दूध संकलन मोठ्या प्रमाणावर वाढले आहे. विशेषतः गतवर्षीच्या तुलनेत अडीच ते तीन हजार लिटरने दुधाची वाढ झाली आहे. सध्या तालुक्यातील दूध उत्पादक संस्थाकडून दररोज सरासरी १४ हजार लिटर दूध संकलन होते. तापमानात वाढ झाल्यामुळे गेल्या पंधरा दिवसांपासून सकाळी ९ हजार लिटर आणि संध्याकाळी ५ हजार लिटर दूध संकलन केले जात आहे.
 
पाथरी येथील केंद्रात चार हजार लिटर दूध संकलन करण्याची क्षमता आहे. या ठिकाणी दूध थंड करण्यासाठी तीन बल्क कूलर आहेत. त्यापैकी एक बल्क कूलर गेल्या अनेक महिन्यांपासून बंद आहे. त्यामुळे दोन बल्क कूलरवर काम सुरू आहे. त्यात गेल्या चार दिवसांपूर्वी आणखी एक बल्क कूलर बंद पडल्याने दूध संकलनाचा प्रश्न निर्माण झाला.
 
दूध संकलन वाढल्यामुळे जिल्हा कार्यालयाने मंगळवारी (ता. १३) एक पत्र काढून दूध उत्पादक संस्थांकडून दूध संकलन केले जाणार नाही. संकलित केलेले दूध संस्थांनी परभणी येथे आणून घालावे, असे कळवले आहे. मात्र काही संस्थांना तसे पत्रच मिळाले नाही, त्यामुळे बुधवारी (ता. १४) नेहमीप्रमाणे सकाळी दूध घेऊन आलेली वाहने पाथरी बाजार समितीच्या परिसरातील संकलन केंद्रात आणली. मात्र केंद्राला कुलूप लावलेले दिसल्यामुळे दूध खराब होईल या भीतीने शेतकरी आक्रमक झाले.
 
रस्त्यावर दूध फेकून देण्याच्या तयारीत असताना घटनास्थळी पोलिस दाखल झाले. त्यांनी शासकीय अधिकारी, दूध उत्पादक संस्थेचे पप्पू घाडगे, विठ्ठल गिराम, अविनाश आम्ले शिवाजीराव नखाते, विजय कोल्हे, शेख खय्यूम यांच्याशी चर्चा घडवून आणली. या वेळी सर्व दूध परभणी येथील दुग्धशाळेत नेण्याचा निर्णय झाला. परंतु पुरेशा व्यवस्थेभावी दररोजचे दूध संकलन करण्याचा प्रश्न कायम आहे.
 
दरम्यान, पाथरी येथील शीतकरण केंद्रातील दूध साठवण क्षमता वाढविण्यासाठी आवश्यक ती यंत्रणा कार्यान्वित करण्यासाठी मंजुरी मिळाली आहे. सध्या वाढीव दूध परभणी येथे स्वीकारणार आहोत. वाढत्या तापमानामुळे नासाडी होऊ नये यासाठी संस्थांना बर्फपुरवठा केला जात आहे, असे शासकीय दुग्धशाळेचे व्यवस्थापक एस. सी. पाखले यांनी सांगितले.
----------------------

इतर ताज्या घडामोडी
दीड टक्‍क्‍यावर मराठवाड्यातील पाणीऔरंगाबाद : मराठवाड्यातील ८७२ प्रकल्प व...
‘संत्रा उत्पादकांना द्या भरीव मदत’नागपूर ः उन्हामुळे संत्रा उत्पादकांचे झालेल्या...
कर्ज नाकारणाऱ्या बॅंकांवर गुन्हे नोंदवू...सोलापूर : खरीप हंगामात किती शेतकऱ्यांना...
पीकविमा, दुष्काळी मदतीसाठी शेतकऱ्यांचा...माळाकोळी,जि.नांदेड : गतवर्षीच्या खरीप पिकांच्या...
बचत गट चळवळ बनली गावासाठी आधारनागठाणे, जि. सातारा : ‘गाव करील ते राव काय करील’...
नगरमध्ये चांगला पाऊस पडेपर्यंत छावण्या...नगर : नगर जिल्ह्यामध्ये ४९८ छावण्या सुरू आहेत....
पुणे : पावसाअभावी खरीप पेरण्या खोळंबल्यापुणे ः जूनचा अर्धा महिना ओलांडला तरी अजूनही...
कोवळ्या ज्वारीच्या विषबाधेपासून जनावरे...कोवळ्या ज्वारीची पाने अधिक प्रमाणात खाल्ल्याने...
जमिनीची सुपीकता, सूक्ष्मजीवांचा अतूट...वॉक्समन यांच्या सॉईल अॅण्ड मायक्रोब्स या...
शेतकऱ्यांचा सातबारा कोरा करण्याची मागणी...मुंबई  शेतकऱ्यांचा सातबारा उतारा कोरा झालाच...
अकोल्यात सोयाबीन सरासरी ३५९० रुपये...अकोला ः हंगामाच्या तोंडावर पैशांची तजवीज...
कृषी सहायकांसाठी ग्रामपंचायतीत बैठक...मुंबई : शेतकरी आणि शासन यांच्यातला दुवा...
आकड्यांचा खेळ आणि पोकळ घोषणा : शेतकरी...पुणे ः राज्य अर्थसंकल्पात शेतकऱ्यांची निराशा झाली...
राज्यावर पावणेपाच लाख कोटींचे कर्जमुंबई  : मुख्यमंत्री देवेंद्र फडणवीस यांच्या...
अर्थसंकल्पावेळी विरोधकांचा सभात्यागमुंबई : अर्थसंकल्प विधिमंडळात सादर...
संत श्री निवृत्तिनाथ महाराज यांच्या...नाशिक  : आषाढी एकादशी वारीसाठी संत श्री...
नदी नांगरणीचे सातपुड्याच्या पायथ्याशी...जळगाव ः शिवार व गावांमधील जलसंकट लक्षात घेता...
प्रत्येक गावात नेमणार भूजल...नगर ः राज्य शासनाच्या पाणीपुरवठा व स्वच्छता...
अरुणाग्रस्तांच्या स्थलांतराचा तिढा कायम सिंधुदुर्ग : अरुणा प्रकल्पग्रस्त आणि जिल्हा...
पाणीप्रश्नावरील आंदोलनाचे नेतृत्व करणार...नगर : ‘कुकडी’सह घोड धरणातील पाणीसाठे वाढविणे...