agriculture news in marathi, Buy and sell of farmimng product in online issue | Agrowon

ऑनलाइन अन् निकषांच्या फेऱ्यात शेतमाल खरेदी
संतोष मुंढे
शनिवार, 28 ऑक्टोबर 2017

औरंगाबाद :  शेतमालाची हमीभावाने खरेदी ऑनलाइन नोंदणी करून केली जाणार असली, तरी या प्रक्रियेला अजून तरी फारसा प्रतिसाद मिळाल्याचे दिसत नाही. नोंदणीसाठी केंद्र सुरू असले, तरी त्यांच्याकडे नोंदी करण्यासाठी शेतकरी वळले नाही. जे वळले त्यांना निकषांमुळे हमीभावाने विक्री करता आली नसल्याचे चित्र आहे. त्यामुळे एकूणच ऑनलाइन प्रक्रियेविषयी शेतकऱ्यांना माहिती मिळाली का, हा प्रश्न आहे.

औरंगाबाद :  शेतमालाची हमीभावाने खरेदी ऑनलाइन नोंदणी करून केली जाणार असली, तरी या प्रक्रियेला अजून तरी फारसा प्रतिसाद मिळाल्याचे दिसत नाही. नोंदणीसाठी केंद्र सुरू असले, तरी त्यांच्याकडे नोंदी करण्यासाठी शेतकरी वळले नाही. जे वळले त्यांना निकषांमुळे हमीभावाने विक्री करता आली नसल्याचे चित्र आहे. त्यामुळे एकूणच ऑनलाइन प्रक्रियेविषयी शेतकऱ्यांना माहिती मिळाली का, हा प्रश्न आहे.

राज्य शासनाने शेतमालाचे पडलेले दर पाहता आधारभूत किमतीनुसार शेतमालाची खरेदी करण्याचा निर्णय घेतला. त्यासाठी यंदाच्या खरिपापासून शेतकऱ्यांना त्यांच्या पिकपेऱ्यासह सातबारा, आधार कार्ड व इतर आवश्‍यक कागदपत्रांसह ऑनलाइन नोंदणी करण्याचे धोरण अमलात आणले. त्यासाठी औरंगाबाद जिल्ह्यात पंधरवड्यापूर्वी औरंगाबाद, लासूर स्टेशन, वैजापूर या तीन केंद्रांवर शेतकऱ्यांची हमीभावाने शेतमाल विक्रीसाठी नोंदणी सुरू झाली.

जालना जिल्ह्यातील अंबड, बीड जिल्ह्यातील अकरा तालुक्‍यांसह उस्ममानाबाद जिल्ह्यातील सात केंद्रांवर शेतमाल हमीभावाने विक्रीसाठी शेतकऱ्यांची नोंदणी सुरू झाली. प्रत्यक्षात या नोंदणीसाठी आजवर औरंगाबाद जिल्ह्यात मोजक्‍याच शेतकऱ्यांनी नोंदणी केल्याची माहिती सूत्रांनी दिली. उडीद, मूग व सोयाबीनचा पेरा औरंगाबाद जिल्ह्यात इतर जिल्ह्यांच्या तुलनेने कमी असल्याने तीनही केंद्रांवर खरेदी सुरू होऊनही या केंद्रावर उडीद, मूग इतर शेतमालाची दखलपात्र खरेदी झाली नसल्याची चित्र आहे.

जालना जिल्ह्यात नाफेडमार्फत हमीभावाने सोयाबीन, मूग, उडीद खरेदीचा तिढा गुरुवारी (ता. २६) जिल्हाधिकाऱ्यांच्या अध्यक्षतेखाली झालेल्या बैठकीत सुटला. जालना जिल्ह्यात अंबड येथे शेतकऱ्यांची नोंदणी सुरू करण्यात आली होती. परंतु शेतकऱ्यांच्या ऑनलाइन सातबारावर यंदाचा पीकपेरा नसल्याने शेतकऱ्यांना हमीभावाने मालाची विक्री करण्यासाठी नोंदणी करता आली नसल्याचे सूत्रांनी सांगितले.

अंबड येथे केवळ एका शेतकऱ्याची ऑनलाइन शेतमाल विक्रीसाठी नोंद झाली असून, जालना येथील नोंदणी व खरेदी केंद्र शुक्रवारी (ता. २७) सायंकाळपर्यंत सुरू होणे अपेक्षित होते. जाफ्राबाद व भोकरदन येथे खरेदी केंद्रे सुरू करण्यासाठी नाफेडकडे प्रस्ताव देण्यात आला असून, त्याला मंजुरी येणे बाकी असल्याची माहिती सूत्रांनी दिली.

बीड जिल्ह्यात अकरा केंद्रांवरून शेतकऱ्यांची नोंदणी सुरू करण्यात आली. २६ ऑक्‍टोबरपर्यंत जवळपास १४५० शेतकऱ्यांनी नोंदणी केली. बीड, गेवराई, माजलगाव, पाटोदा कडा ही पाच खरेदी केंद्रेही सुरू करण्यात आली. परंतु एफएक्‍यू प्रतीच्या निकषात बसणारा शेतमाल विक्रीस न आल्याने अजून खरेदी सुरू झाली नसल्याचे जिल्हा मार्केटिंग अधिकाऱ्यांनी सांगितले.

शुक्रवारी जिल्ह्यातील वडवणी, धारूर, परळी व केज येथील खरेदी केंद्रे सुरू करता येतील का, याची चाचपणी सुरू होती. उस्मानाबाद जिल्ह्यात सात केंद्रांवरून शेतकऱ्यांची नोंदणी व खरेदीची प्रक्रिया सुरू होती. ऑनलाइन प्रक्रियेनुसार दरदिवशी निकषाच्या अाधीन राहून ५० ते ६० क्‍विंटलच मालाची खरेदी होत असल्याची माहिती उस्मानाबाद जिल्हा मार्केटिंग अधिकाऱ्यांनी दिली.

इतर बातम्या
देशातील रब्बी पेरणी माघारलीनवी दिल्ली  : देशभरात शुक्रवारअखेर (ता. ८)...
कुपोषण, प्रथिने जागृतीकडे लक्ष...पुणे : भारतात प्रथिनांच्या कमततेअभावी होणाऱ्या...
थंडी पुन्हा परतण्याची चिन्हेपुणे : गेल्या दहा ते बारा दिवसांपासून गायब झालेली...
कापूस उत्पादकांना एकरी २५ हजारांची मदत...नागपूर : बोंडअळीमुळे कापूस पट्ट्यातील शेतकऱ्यांचे...
‘त्या’ कंपनीला काळ्या यादीत टाका :...लातूर ः येथील शासनाच्या सोयाबीन खरेदी केंद्रावर...
कारखान्यांपुढे शॉर्ट मार्जिनचे संकटकोल्हापूर ः गेल्या तीन महिन्यांपासून साखरेच्या...
रेशन धान्य दुकानदारांनी ई-पॉस मशिन...वडूज, जि. सातारा : रेशन घेण्यास आलेल्या...
मावळातील शेतकऱ्यांची इंद्रायणी भाताला...कामशेत, जि. पुणे ः मावळ तालुक्‍याची ओळख असलेला...
भारनियमनामुळे शेती ऑफलाइननांदुरा, जि. बुलढाणा : शासनाने सर्व योजनांचे...
"स्वामिनाथन'बाबत पुन्हा सर्वोच्च...पुणे : शेतीमालाचा उत्पादन खर्च अधिक पन्नास टक्के...
अन्नसुरक्षा मुद्दाच भारतासाठी महत्वाचा ब्युनाॅर्स अायर्स, अर्जेंटिना : येथे होत असलेल्या...
दूध संघांना अनुदान द्या : अरुण नरकेपुणे ः राज्य सरकारने दुधाला २७ रुपये प्रतिलिटरचा...
कर्जमाफी, यवतमाळ विषबाधा,...नागपूर : ऑनलाइन कर्जमाफीतील घोळ, पाच...
साहित्य संमेलनाध्यक्षपदी लक्ष्मीकांत...नागपूर : बडोदा येथे फेब्रुवारीत होणाऱ्या 91 व्या...
सोयाबीनच्या दर्जेदार बीजोत्पादनासाठी...महाराष्ट्राचे प्रमुख पीक म्हणून कापूस व सोयाबीनचा...
नरभक्षक बिबट्याला अखेर ठार मारलेमेहुणबारे/ पिलखोड/ चाळीसगाव : गिरणा परिसरात...
कोणताही पक्ष, सरकार, शेतकऱ्यांना न्याय...शेतकरी प्रश्‍नांबाबत रघुनाथदादांची खंत आजपासून...
नगर जिल्ह्यात बोंड अळीने साडेतीनशे...नगर : उसाचे क्षेत्र असेलल्या नगर जिल्ह्यामध्ये...
सरसकट कर्जमाफीसाठी होणार जेल भरो औरंगाबाद  ः शेतकरी, शेतमजूर, शेतीपूरक...
उद्धव ठाकरे गप्प बसा; अन्यथा रहस्ये...सांगली ः शिवसेना सोडण्याचे कारण उद्धव ठाकरे आहेत...