साताऱ्यात ७ हजार क्विंटल सोयाबीन खरेदी

संग्रहित छायाचित्र
संग्रहित छायाचित्र

सातारा : शेतकऱ्यांच्या सोयाबीनला आधारभूत किंमत मिळावी, यासाठी जिल्हा मार्केटिंग विभागाकडून सुरू करण्यात आलेल्या खरेदी केंद्रांवर सहा हजार ९५४ क्विंटल सोयाबीनची खरेदी करण्यात आली. मात्र, या केंद्रांच्या तुलनेत शेतकऱ्यांचा खासगी व्यापाऱ्यांकडे सोयाबीन विक्री करण्याकडे कल दिसत आहे.

दरात घसरण झाल्याने जिल्हा मार्केटिंग विभागाकडून जिल्ह्यात सातारा, कऱ्हाड, कोरेगाव व वाई या खरेदी केंद्रांवर सोयाबीन ३०५० रुपये दराने खरेदी करण्यात येत आहे. मात्र आर्द्रतेमुळे  खरेदी केंद्रांवर सोयाबीन विक्री करण्यात अडचणी येत आहे. त्यामुळे शेतकरी खासगी व्यापाऱ्यांकडे सोयबीन विक्री करत आहेत.

खरेदी केंद्रांवर आजपर्यंत सहा हजार ९५४ क्विंटल सोयाबीनची आवक झाली आहे. त्यापैकी १६ नोव्हेंबरपर्यंत आलेल्या चार हजार ६२५ क्विंटल सोयाबीनचे एक कोटी ४१ लाख तीन हजार १३७ रुपये संबंधित शेतकऱ्यांच्या बॅंक खात्यावर जमा करण्यात आले आहेत.

जिल्ह्यात ७३ हजार हेक्‍टर क्षेत्रावर सोयाबीनची लागवड झाल्याने सहा ते सात लाख क्विंटल सोयाबीनचे उत्पादन होण्याचा अंदाज आहे. या उत्पादनाचे आकडे व खरेदी केंद्रांवरील होणारी सोयाबीनची आवक बघता सोयाबीनची विक्री व्यापाऱ्यांकडे जास्त होत असल्याचे दिसून येत आहे. केंद्रांवर जावे लागणारे अंतर, त्यासाठीचा येणारा भाडे खर्च, रोख पैसे मिळत नसल्याने तसेच व्यापाऱ्यांनी सोयाबीनचे दर वाढवले आहेत. यामुळे शेतकऱ्यांचा खरेदी केंद्रांचा कल कमी होऊ लागला आहे.

खरेदी केंद्राचा सकारात्मक परिणाम जिल्ह्यात सोयाबीन खरेदी केंद्र सुरू करण्याची ही पहिलीच वेळ आहे. या केंद्रांवर सुरवातीच्या काळात जाचक अटी आणि कमकुवत नियोजनामुळे प्रतिसाद कमी होता. त्यानंतर काही अटी शिथिल केल्याने व केंद्रांवर सुधारणा केल्याने सोयाबीन विक्रीस प्रतिसाद वाढला आहे. ही केंद्र सुरू केल्यामुळे काही प्रमाणात का होईना सोयाबीन खरेदीदार व्यापाऱ्यांवर दबाब वाढला आहे. त्यामुळे व्यापाऱ्यांकडून दर वाढवला जात आहे.

सोयबीनला आधारभूत दर मिळावा यासाठी जिल्ह्यात चार केंद्रे सुरू आहेत, तसेच सोयबीन काडीकचरा काढण्यासाठी चाळे उपलब्ध करण्यात आले आहेत..शेतकऱ्यांनी सोयाबीनची विक्री खरेदी केंद्रावर करावी. -ए. एस. देसाई, जिल्हा मार्केटिंग अधिकारी, सातारा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com