agriculture news in marathi, canal damage in parbhani, maharashtra | Agrowon

कालव्यातून पाणी झिरपत असल्याने शेकडो एकर जमीन पडीक
टीम अॅग्रोवन
सोमवार, 12 मार्च 2018
निधी उपलब्ध असल्यामुळे अस्तरीकरणाचे काम तत्काळ पूर्ण करावे, त्यामुळे पाण्याचा अपव्यय थांबेल. आवर्तनाचा कालावधी कमी होईल. सिंचनक्षेत्रात वाढ होईल. जमीनदेखील खराब होणार नाही. 
- डाॅ. पांडुरंग ठोंबरे, अध्यक्ष, 
करपरा प्रकल्पग्रस्त संघर्ष समिती, निवळी खु., जि. परभणी
परभणी  :  निवळी खुर्द (ता. जिंतूर) येथील करपरा मध्यम प्रकल्पातून कालव्यामध्ये पाणी सोडण्याचा दरवाजा नादुरुस्त आहे, परिणामी कालव्यामध्ये सतत पाणी साचून राहात आहे. अस्तरीकरणाअभावी कालव्यातून पाणी झिरपत आहे. यामुळे निवळी खुर्द ते निवळी बुद्रुक या दोन गावांदरम्यानची शेकडो एकर जमीन चिबड (क्षारपड) झाली आहे. निधी मंजूर असूनही अस्तरीकरणाचे काम पूर्ण केले जात नाही. दोन गावांमधील जमिनीचा पट्टा पडीक झाला आहे. चिबड आणि पडीक जमिनीमुळे अनेक वर्षांपासून शेतकऱ्यांचे उत्पन्न बुडत आहे.
 
करपरा मध्यम प्रकल्पाच्या जलाशयातून सिंचनासाठी २४ किलोमीटर लांबीचा एकमेव कालवा काढण्यात आलेला आहे. या प्रकल्पाच्या लाभक्षेत्रात निवळी खुर्द, निवळी बु., गौरवाडी, मंगरूळ, वर्णा, बोरी, मुडा, करवली, कसर, डोहरा या दहा गावांच्या शिवारातील २८६९ हेक्टर जमिनीचा समावेश आहे. परंतु कालवा, चाऱ्यांमध्ये झाडेझुडपे वाढल्यामुळे पाण्याच्या प्रवाहात अडथळे निर्माण झाले आहेत.
 
कालवा तसेच चाऱ्या, वितरिका फुटल्यामुळे पाण्याचा मोठ्या प्रमाणावर अपव्यय होत आहे. त्यामुळे लाभक्षेत्रातील अनेक गावांतील शेतकऱ्यांना सिंचनासाठी पाणी मिळत नाही.
 
विशेष म्हणजे जलाशयातून कालव्यात पाणी सोडण्याचा दरवाजा नादुरुस्त आहे, त्यामुळे पाणी आवर्तन बंद केले तरी दरवाजातून काही प्रमाणात पाणी वाहत राहते. हे पाणी कालव्यामध्ये दोन ते तीन किलोमीटर अंतरापर्यंत साचून राहात आहे. कालवा उंचीवर आहे, त्यास अस्तरीकरण नाही, त्यामुळे खालच्या बाजूच्या जमिनीमध्ये पाणी झिरपत राहते. सतत पाणी साचून राहात असल्यामुळे निवळी खुर्द ते निवळी बु. या दोन गावांच्या दरम्यानची ३०० ते ४०० एकर जमीन क्षारपड (चिबड) झाली आहे.
 
या जमिनीवर शेतकऱ्यांना मशागतदेखील व्यवस्थित करता येत नाही. पिकांपेक्षा तणाची वाढ जास्त होते. निवळी खुर्द शिवारातील धरणाच्या पायथ्यापासून ते निवळी बु. शिवारापर्यंत सुमारे ३० मीटर ते २ किलोमीटर लांबीच्या पट्ट्यातील जमीन पाणथळ पडीक झाली आहे. कालव्याच्या ० ते २ किलोमीटर अस्तरीकरणासाठी ५२ लाख २२ रुपये निधी मंजूर आहे. या भागातील शेतकऱ्यांनी वारंवार मागणी करूनही अस्तरीकरणाच्या कामाकडे जलसंपदा विभागाकडून दुर्लक्ष केले 
जात आहे.
 

इतर ताज्या घडामोडी
सरकारने शेतकऱ्यांच्या समस्यांत टाकली...नागपूर ः दुष्काळी मदत नाही, कर्जमाफीच्या...
वडगाव येथील पाटबंधारे कार्यालयासमोर...वडगाव निंबाळकर, जि. पुणे  ः नीरा डावा...
पुणे बाजार समितीवर पुन्हा प्रशासकीय...पुणे : विधानसभा निवडणुकांच्या तोंडावर पुणे बाजार...
अळिंबी उत्पादनातून केली संकटांवर मातलोणी (जि. जळगाव) येथील अनिल माळी यांच्याकडे कृषी...
पाण्याअभावी होरपळली तुती; रेशीम उत्पादक...नांदेड : दुष्काळी स्थितीमुळे सिंचनासाठी...
हुमणी नियंत्रणासाठी सातारा कृषी...सातारा  : हुमणी नियंत्रणासाठी कृषी विभागाने...
अमरावती जिल्ह्यातील नदीनाल्यांमध्ये...अमरावती : पावसाचे पाणी जमिनीत मुरून...
राणी सावरगाव येथील चारा छावणीत चौदाशेवर...परभणी  ः दुष्काळी स्थितीमुळे जिल्ह्यात...
येवल्यातील ८० हजारांवर विहिरी कोरड्याठाकयेवला, जि. नाशिक : ब्रिटिशकालीन अवर्षणप्रवण अन्...
धनोली धरणाचे गेट तोडल्याने पाण्याचा...नाशिक   : कळवण तालुक्यातील धनोली येथील...
पुण्यात कांदा, टोमॅटो, ढोबळी मिरचीचे दर...पुणे  : गुलटेकडी येथील कृषी उत्पन्न बाजार...
सेंद्रिय, विषमुक्त शेतीचा बांधापर्यंत...पुणे: सेंद्रिय व विषमुक्त शेती तंत्रज्ञानाचा...
SakalSaamExitPolls : कोकणात युतीचीच लाट...यंदाच्या लोकसभा निवडणुकीमध्ये कोकणचा बालेकिल्ला...
SakalSaamExitPolls : मुंबईत भाजप,...सकाळ आणि सामच्या सर्वेक्षणानुसार, - मुबईत युतीला...
SakalSaamExitPolls : मराठवाड्यात युतीला...मराठवाड्यात भाजपला ०३, शिवसेनेला ०२, काँग्रेसला...
SakalSaamExitPolls : उत्तर महाराष्ट्रात...महाराष्ट्रातील उत्तर महाराष्ट्रात भाजपचे 'कमळ' ५...
SakalSaamExitPolls : भाजपच्या...महाराष्ट्रातील विदर्भात काँग्रेसला ३ जागा...
SakalSaamExitPolls : पश्चिम...आघाडीच्या बालेकिल्ला असलेल्या पश्चिम महाराष्ट्रात...
सातारा जिल्हा बॅंक देणार मध्यम मुदत...सातारा :  स्थापनेपासून गेल्या ६८ वर्षांत...
औरंगाबादेत हिरवी मिरची ४००० ते ५०००...औरंगाबाद : येथील कृषी उत्पन्न बाजार...