agriculture news in marathi, canal repairing work start, nagar, maharashtra | Agrowon

गोदावरी कालव्यांचे लोकसहभागातून दुरुस्तीचे काम पथदर्शी : पालकमंत्री शिंदे
टीम अॅग्रोवन
गुरुवार, 24 जानेवारी 2019

कोपरगाव, जि. नगर ः शंभर वर्षांहुन अधिक आयुर्मांन असलेल्या गोदावरी कालव्यांचे लोकसहभागातून दुरुस्तीचे सुरु केलेले काम देशात पथदर्शी ठरेल. कालव्यांच्या दुरुस्तीसाठी तातडीने दोन कोटी रुपयांचा निधी उपलब्ध करुन देणार असल्याची घोषणा मृ‍द व जलसंधारण, राजशिष्टाचार, विमुक्त जाती, भटक्या जमाती, इतर मागासवर्ग व विशेष मागास प्रवर्ग कल्याण तथा पालकमंत्री प्रा. राम शिंदे यांनी केली. शेतकऱ्यांनी हाती घेतलेल्या या कामाला शासनाकडूनही आवश्यक सहकार्य केले जाईल. यासाठी शासन शेतकऱ्यांच्या पाठीशी खंबीरपणे उभे असल्याचे त्यांनी सांगितले.

कोपरगाव, जि. नगर ः शंभर वर्षांहुन अधिक आयुर्मांन असलेल्या गोदावरी कालव्यांचे लोकसहभागातून दुरुस्तीचे सुरु केलेले काम देशात पथदर्शी ठरेल. कालव्यांच्या दुरुस्तीसाठी तातडीने दोन कोटी रुपयांचा निधी उपलब्ध करुन देणार असल्याची घोषणा मृ‍द व जलसंधारण, राजशिष्टाचार, विमुक्त जाती, भटक्या जमाती, इतर मागासवर्ग व विशेष मागास प्रवर्ग कल्याण तथा पालकमंत्री प्रा. राम शिंदे यांनी केली. शेतकऱ्यांनी हाती घेतलेल्या या कामाला शासनाकडूनही आवश्यक सहकार्य केले जाईल. यासाठी शासन शेतकऱ्यांच्या पाठीशी खंबीरपणे उभे असल्याचे त्यांनी सांगितले.

कोपरगाव तालुक्यातील रवंदे येथे गोदावरी कालव्यांचा दुरुस्ती कामांचा प्रारंभ बुधवारी (ता.२३) पालकमंत्री प्रा. शिंदे यांच्या हस्ते झाला. या वेळी आमदार स्नेहलता कोल्हे, संजीवनी साखर कारखान्याचे अध्यक्ष बिपीन कोल्हे, नाशिक पाटबंधारे विभागाचे कार्यकारी अभियंता राजेंद्र शिंदे, तहसीलदार किशोर कदम, संजय होन, साहेबराव कदम, बाळासाहेब कदम, विश्वासराव महाले, सचिन तांबे, अनिता कदम उपस्थित होते.

प्रा. शिंदे म्हणाले, की गोदावरी कालव्यांनी शंभरी ओलांडली आहे. त्यामुळे त्याची सिंचनक्षमता घटली असून, ते जीर्णावस्थेत आहेत. त्यासाठी लोकसहभाग चळवळ सुरू करण्यात आली, ही बाब कौतुकास्पद आहे. यासाठी शासनाचे आर्थिक पाठबळ मिळवून देण्यासाठी सर्वेतोपरी प्रयत्न करू. नाशिक पाटबंधारे विभागाने गोदावरी पाटबंधारे विकास महामंडळाकडे प्रस्ताव सादर करावा, त्यासाठी दोन कोटी रुपयांचा निधी मंजूर करण्यात येईल. उर्वरित खर्चासाठी जिल्हा नियोजन, जलसंधारण विभागामार्फत निधी उपलब्ध करून देणार असल्याचे त्यांनी सांगतले.

जलयुक्त शिवार अभियानाने राज्यात पथदर्शी काम उभे केले असल्याचे सांगून पालकमंत्री प्रा. शिंदे म्हणाले, की लोकसहभागातून जलयुक्त शिवार अभियानाने गती घेतली. या अभियानातून राज्यातील अनेक गावांना दिलासा मिळाला आहे. कोपरगाव तालुक्यालाही जलयुक्त शिवार अभियानातून भरीव निधी दिला आहे. 

आमदार स्नेहलता कोल्हे म्हणाल्या, की गोदावरी कालव्यांची लोकसहभागातून दुरुस्तीचे काम पूर्ण करण्यासाठी आपण आवश्यक निधीसाठी कायम पाठपुरावा करणार असून, या कामातून शेतकऱ्यांना मोठा फायदा होईल. कोपरगाव तालुक्यात जलयुक्त शिवार अभियानाच्या माध्यमातून भरीव काम झाले असून, रस्ते, पाणी व वीज या मूलभूत कामांना प्राधान्य देत असल्याचे त्यांनी सांगितले.
या वेळी निवृत्त उपअभियंता भास्कर सुरळे यांनी प्रास्ताविक केले.  माजी सभापती सुनील देवकर यांनी आभार मानले.

इतर ताज्या घडामोडी
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
सिंचनाच्या पाण्याचे मोजमाप करण्याच्या...शेतीमध्ये पाणी हा अत्यंत महत्त्वाचा घटक असून,...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
राज्यात काकडी प्रतिक्विंटल ४००ते २०००...नाशिकला काकडी प्रतिक्विंटल १२५० ते १७५० रुपये...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...