agriculture news in marathi, capsicum, mutter rates raised, Kolhapur | Agrowon

कोल्हापुरात ढोबळी मिरची, वाटाणा तेजीत
राजकुमार चौगुले
मंगळवार, 10 ऑक्टोबर 2017

अनेक ठिकाणी पाणी साचून राहिल्याने विशेष करून पालेभाज्यांची काढणीही खोळंबली आहे. तसेच शेतात जाता येत नसल्याने जितका आवश्‍यक तितकाच भाजीपाला शेतकऱ्यांकडून काढण्यात येत आहे.

कोल्हापूर : येथील कृषी उत्पन्न बाजारसमितीत या सप्ताहात ढोबळी मिरची, हिरवी मिरची, ओला वटाण्याचे दर सातत्याने तेजीत राहिले. गेल्या पंधरवड्यापासून जिल्ह्याच्या पश्‍चिम भागासह बेळगाव जिल्ह्यातही पावसाने दमदार हजेरी लावल्याने भाजीपाल्याच्या आवकेत घट झाली.

हिरव्या मिरचीस दहा किलोस ८० ते २२० रुपये, ढोबळी मिरचीस २०० ते ३३०, गवारीस दहा किलोस २०० ते ४८० रुपये दर मिळाला. ढोबळी मिरचीस दहा किलोस ३०० पोती, तर गवारीची दररोज तीस ते चाळीस पोती आवक होती. पावसामुळे भाजीपाला पट्याचे पिका काढणीचे नियोजन कोलमडले आहे. 

अनेक ठिकाणी पाणी साचून राहिल्याने विशेष करून पालेभाज्यांची काढणीही खोळंबली आहे. तसेच शेतात जाता येत नसल्याने जितका आवश्‍यक तितकाच भाजीपाला शेतकऱ्यांकडून काढण्यात येत आहे. यामुळे शेतात भाजीपाला असूनही भाजीपाल्याच्या आवकेत घट असल्याचे बाजारसमितीच्या सूत्रांनी सांगितले.

पाणी साचून राहिल्याने मुळेही कुजू लागली आहेत. यामुळे भाजीपाल्याची वाढ आवश्‍यक त्या प्रमाणात होत नसल्याचे शेतकऱ्यांनी सांगितले. याचा एकत्रित परिणाम भाजीपाल्याच्या आवकेवर झाला आहे.  भेंडी, वरणा, दोडक्‍याची दररोज शंभर ते दीडशे पाट्या आवक होत आहे या भाज्यांना दहा किलोस २०० ते ४०० रुपय दर मिळत आहे. 

पालेभाज्यांमध्ये कोथिंबिरीच्या आवकेवरही मोठा परिणाम झाला. कोथिंबिरीची दररोज सात ते आठ हजार पेंढ्या आवक होत आहे. नियमित आवकही साधारणत: पंधरा हजार पेंढ्याच्या आसपास असते. यामध्ये तीस ते चाळीस टक्क्‍यांनी घट झाली आहे. साहजिकच कोथिंबिरीच्या दरात चांगलीच वाढ झाली आहे. काेथिंबिरीस शेकडा १००० ते ३००० रुपये इतका दर मिळाला. तुलनेने मेथीची आवक थोडीशी चांगली होती. 

मेथीची दररोज दहा ते बारा हजार पेंढ्या इतकी आवक झाली. मेथीस शेकडा ५०० ते १४०० रुपये इतका दर होता. पालक, पोकळा, शेपूच्या आवकेतही लक्षणीय घट झाल्याचे चित्र बाजारसमितीत या सप्ताहात होते. दररोज केवळ पाचशे ते एक हजार पेंढ्‌या इतक्‍याच प्रमाणात या भाज्या बाजारसमितीत दाखल झाल्या. यामुळे या भाज्यांचे दरही चढेच राहिले या भाज्यांना शेकडा १००० ते २००० रुपये इतका दर मिळाला. जोपर्यंत पाऊस थांबत नाही तो पर्यंत भाजीपाल्याची आवक रोडावलेलीच राहील अशी शक्‍यता बाजारसमितीच्या सूत्रांनी व्यक्त केली.

इतर ताज्या घडामोडी
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...
शेतकरीप्रश्नी ‘स्वाभिमानी’चे विदर्भ,... पुणे ः पश्चिम महाराष्ट्रातील दूध व ऊस...
औरंगाबादेत बटाटा प्रतिक्‍विंटल १००० ते...औरंगाबाद : येथील कृषी उत्पन्न बाजार समितीमध्ये...
धुळीतील जिवाणूंना रोखण्यासाठी हवे...खिडक्यातून आत येणाऱ्या सूर्यप्रकाशामुळे धुळीमध्ये...
हळदीमध्ये भरणी, खत व्यवस्थापन...हळदीची उगवण आणि शाकीय वाढ यांनतर पुढील दोन...