परभणीत गाजर प्रतिक्विंटल ६०० ते १२०० रुपये

परभणी : कृषी उत्पन्न बाजार समितीअंतर्गत फळे-भाजीपाला मार्केटमध्ये शुक्रवारी (ता. १) गाजराची २५ क्विंटल आवक असताना प्रतिक्विंटल ६०० ते १२०० रुपये दर मिळाला, अशी माहिती मार्केटमधील सूत्रांनी दिली. पालेभाज्यांमध्ये पालकची २० क्विंटल आवक होऊन प्रतिक्विंटल ४०० ते ८०० रुपये दर मिळाले. चुक्याची ६ क्विंटल आवक तर प्रतिक्विंटल १००० ते १५०० रुपये दर मिळाले. मेथीची २५ हजार जुड्यांची आवक होऊन प्रतिशेकडा १५० ते २५० रुपये दर मिळाले. कोथिंबिरीची ३५ क्विंटल आवक, तर दर प्रतिक्विंटल ५०० ते १००० रुपये मिळाले. करडईच्या भाजीची ५ क्विंटल आवक आणि प्रतिक्विंटल १००० ते १५०० रुपये क्विंटल दर मिळाले. वांग्याची ४० क्विंटल आवक होऊन प्रतिक्विंटल १२०० ते २००० रुपये दर मिळाले. टोमॅटोची ४५० क्विंटल आवक असताना प्रतिक्विंटल २००० ते ३००० रुपये दर मिळाले. हिरव्या मिरचीची ३५ क्विंटल आवक असताना प्रतिक्विंटल ८०० ते १५०० रुपये दर मिळाले. ढोबळ्या मिरचीची ७ क्विंटल आवक होऊन प्रतिक्विंटल २००० ते २५०० रुपये दर मिळाले. शेवग्याची २ क्विंटल आवक होऊन प्रतिक्विंटल ५००० ते ८००० रुपये दर मिळाले. गवारीची ८ क्विंटल आवक असताना प्रतिक्विंटल २००० ते ३००० रुपये दर मिळाले. वाटाण्याची १० क्विंटल आवक होऊन प्रतिक्विंटल २००० ते ३००० रुपये दर मिळाले. भेंडीची १० क्विंटल आवक असताना २५०० ते ३५०० रुयये प्रतिक्विंटल दर मिळाले. फ्लाॅवरची ३० क्विंटल आवक, तर दर प्रतिक्विंटल ८०० ते १२०० रुपये मिळाले. बाजार समितीतील शेतमालाची आवक व दर (प्रतिक्विंटल/रुपये)