agriculture news in marathi, Cashew trees in flowering stage | Agrowon

थंडीने काजू मोहोरला...!
सकाळ वृत्तसेवा
बुधवार, 17 जानेवारी 2018

देवरूख, रत्नागिरी : जानेवारी महिना मध्यावर आला असून मध्यंतरी पडलेल्या कडाक्‍याच्या थंडीने परिसरातील काजू कलमे मोहोराने लगडली आहेत. काजू मोहरले तरी आंब्याला मोहोराची प्रतीक्षा असून खाडी भागात मात्र आंबा आणि काजूचा मोहोर समाधानकारक आहे.

देवरूख, रत्नागिरी : जानेवारी महिना मध्यावर आला असून मध्यंतरी पडलेल्या कडाक्‍याच्या थंडीने परिसरातील काजू कलमे मोहोराने लगडली आहेत. काजू मोहरले तरी आंब्याला मोहोराची प्रतीक्षा असून खाडी भागात मात्र आंबा आणि काजूचा मोहोर समाधानकारक आहे.

गेल्यावर्षी अवकाळी पावसाने सर्वांचाच हिरमोड केला. दरवर्षी सप्टेंबर-आॅक्‍टोबरपर्यंत मर्यादित असलेला पाऊस गेल्यावर्षीही लांबला. त्यामुळे थंडीचा मोसम लांबला आणि बदललेल्या वातावरणामुळे मोहोर येण्याच्या प्रक्रियेस उशीर झाला. तालुक्‍यातील खाडीभाग वगळता अन्य भागांत जानेवारीच्या पहिल्या आठवड्यात मोहोराला सुरुवात झाली. जानेवारीच्या पहिल्या आठवड्यात कडाक्‍याची थंडी होती. मात्र मध्येच आलेल्या ढगाळ वातावरणाने मोहोराचा घात होण्याची शक्‍यता होती. मात्र पुन्हा ढगाळ वातावरण गायब झाले आणि थंडीचा कडाका वाढल्याने तालुक्‍यातील बहुतांश भागांतील काजू कलमे भरगच्च मोहरताना दिसत आहेत. तालुक्‍यातील इतर भागात काजूच्या तुलनेत आंब्याला मोहोर कमी असल्याचे दिसत आहे.

खाडीभागातील खाऱ्या हवामानामुळे या परिसरात आंबा कलमे भरगच्च मोहरली असून मोहोराचे रुपांतर छोट्या कैऱ्यांमध्ये होत आहे. दरवर्षी जानेवारीच्या शेवटच्या आठवड्यात बाजारात कैऱ्या विक्रीसाठी येतात यावर्षी यासाठी फेब्रुवारी महिना उजाडणार आहे. लांबलेल्या प्रक्रियेमुळे आंबा पिकण्यालाही उशीर होणार असून यावर्षीचा तालुक्‍यातील आंब्याचा हंगाम एप्रिल-मे महिन्यात जाण्याची शक्‍यता आहे. हवामानाने साथ दिली तर आंबा लवकर पिकेल, असा अंदाज वर्तविण्यात येत आहे. दरवर्षी प्रमाणे तालुक्‍यातील शेतकऱ्यांना लहरी वातावरणाचा फटका यावर्षीही बसला असून भातशेतीच्या नुकसानानंतर निदान आलेला आंबा तरी हातात पडू दे अशी प्रार्थना बागायतदार निसर्गाकडे करीत आहेत.

इतर अॅग्रो विशेष
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...
दुष्काळ, मजूरटंचाई समस्येवर सीताफळ,...अौरंगाबाद जिल्ह्यातील कुंभेफळ येथील श्रीराम शेळके...
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
नर्सरी मॅन ऑफ वरुड- जावेद खान अमरावती जिल्‍ह्यातील वरुड मोर्शी या प्रसिद्ध...
दुष्काळातही विस्तारला देशी गोवंश व्यवसायकायम दुष्काळी खानापूर तालुक्यातील अडसरवाडी (जि....
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...