agriculture news in marathi, Cauliflower, fenugreek and shepu rose in Solapur | Agrowon

सोलापुरात कोथिंबीर, मेथी, शेपूचे दर वधारले
टीम अॅग्रोवन
मंगळवार, 3 जुलै 2018

सोलापूर ः सोलापूर कृषी उत्पन्न बाजार समितीच्या आवारात गतसप्ताहात कोथिंबीर, मेथी, शेपूचे दर पुन्हा वधारले. त्यातही कोथिंबिरीला सर्वाधिक उठाव राहिल्याचे बाजार समितीच्या सूत्रांकडून सांगण्यात आले. हिरवी मिरचीनेही दराचा उच्चांक केला, मिरचीला सर्वाधिक ४५०० रुपये प्रतिक्विंटल इतका दर मिळाला.

सोलापूर ः सोलापूर कृषी उत्पन्न बाजार समितीच्या आवारात गतसप्ताहात कोथिंबीर, मेथी, शेपूचे दर पुन्हा वधारले. त्यातही कोथिंबिरीला सर्वाधिक उठाव राहिल्याचे बाजार समितीच्या सूत्रांकडून सांगण्यात आले. हिरवी मिरचीनेही दराचा उच्चांक केला, मिरचीला सर्वाधिक ४५०० रुपये प्रतिक्विंटल इतका दर मिळाला.

बाजार समितीच्या आवारात गतसप्ताहात मेथीची आवक १० हजार पेंढ्या, कोथिंबिरीची १० ते १४ हजार पेंढ्या आणि शेपूची ८ हजार पेंढ्यांपर्यंत सर्वसाधारण आवक होती. भाज्यांची आवक मुख्यतः स्थानिक भागातून झाली. गेल्या दोन आठवड्यांपासून भाज्यांना मागणी वाढली आहे. पण, मागणीच्या तुलनेत ती कमीच राहिली. त्यामुळे या सप्ताहातही भाज्यांच्या दरातील तेजी कायम राहिली.

विशेषतः कोथिंबिरीला सर्वाधिक उठाव मिळाला. कोथिंबिरीला शंभर पेंढ्यांसाठी ८०० ते १४०० रुपये, मेथीला ९०० ते १२०० रुपये आणि शेपूला ७०० ते ९०० रुपये असा दर मिळाला. त्याशिवाय चुका आणि पालकाला प्रत्येकी ४०० रुपयांपर्यंत दर मिळाला. भाज्यांच्या या दरासह हिरवी मिरची, वांगी, ढोबळी मिरची यांचे दरही पुन्हा तेजीत राहिले. त्यातही हिरव्या मिरचीने दराचा उच्चांक केला. अलिकडच्या काही महिन्यांतील हिरव्या मिरचीचे दर आणि त्यांची आवक याचा विचार करता हिरव्या मिरचीला चांगला उठाव मिळतो आहे.

हिरव्या मिरचीला प्रतिक्विंटल ३००० ते ४००० रुपये असा दर मिळाला. त्याशिवाय वांग्याला १८०० ते ३००० रुपये आणि ढोबळी मिरचीला २५०० ते २८०० रुपये असा दर मिळाला. गवार, भेंडीला काहीसा कमी उठाव मिळत असला, तरी त्यांचे दरही टिकून होते. गवारला २५०० ते ४००० रुपये, भेंडीला १९०० ते ३२०० रुपये असा दर राहिला. कांद्याच्या दरात किंचित सुधारणा होत असली, तरी कांद्याची आवक तुलनेने खूपच कमी राहिली. अगदी एक-दोन गाड्यांपर्यंत त्याची आवक राहिली. कांद्याला प्रतिक्विंटल किमान २०० रुपये, सरासरी ७०० रुपये आणि सर्वाधिक १५०० रुपये असा दर मिळाला.

इतर ताज्या घडामोडी
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
सोलापुरात गाजर, काकडीला उठावसोलापूर ः सोलापूर कृषी उत्पन्न बाजार समितीच्या...
हवामान बदलाशी सुसंगत उपाययोजनांचा शोध...सध्या हवामान बदलाचा परिणाम शेतीवर दुष्काळ, गारपीट...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...