agriculture news in Marathi, CCI cotton procurement will start Tuesday, Maharashtra | Agrowon

‘सीसीआय’ची कापूस खरेदी मंगळवारपासून सुरू होणार
टीम अॅग्रोवन
रविवार, 18 नोव्हेंबर 2018

आम्ही `सीसीआय’च्या अध्यक्ष डॉ. पी. अली राणी यांची मुंबईत भेट घेऊन तेथे दरांबाबत सविस्तर चर्चा केली. ‘सीसीआय’ने आम्हाला दोन हंगामांत तेलंगणाला जेवढे दर एका गाठीसाठी दिले तेवढे देऊ, असे आश्‍वासन दिले. शेतकरी हित लक्षात घेऊन आम्ही प्रस्ताव स्वीकारला. २० तारखेपासून ‘सीसीआय’ जिनिंगमध्ये कापूस खरेदीला सुरवात करील. 
- अनिल सोमाणी, सदस्य, कॉटन असोसिएशन ऑफ इंडिया

जळगाव : कापूस खरेदीसंबंधी जिनिंगमध्ये केंद्र सुरू करण्याबाबत दरांवरून जिनिंग व्यावसायिक व भारतीय कापूस महामंडळ (सीसीआय) यांच्यातील तिढा अखेर मिटला असून, राज्यातील जिनिंग प्रेसिंग कारखानदार असोसिएशनने ९८५ रुपये प्रतिगाठ (एक गाठ १७० किलो रुई) या दरास सहमती दाखविली आहे. येत्या मंगळवारी (ता. २०) ‘सीसीआय’ राज्यात विविध ठिकाणी कापूस खरेदी सुरु करणार आहे. 

कापूस खरेदीसंबंधी सीसीआयने सुरवातीला खुल्या बाजारात खरेदीचे धोरण राबवू, असे म्हटले होते. परंतु आता हमीभावानुसार (एमएसपी) म्हणजेच मध्यम धाग्याच्या कापसाला ५१५० रुपये प्रतिक्विंटल व लांब धाग्याच्या कापसाला ५४५० रुपये प्रतिक्विंटल दर दिला जाईल. खरेदीसंबंधी कुठलेही उद्दिष्ट ठेवलेले नाही. 
राज्यात पाच वेळेस निविदा काढूनही खरेदी केंद्रासंबंधीचे करार ‘सीसीआय’ करू शकले नव्हते. दरांचा तिढा कायम होता. औरंगाबाद व अकोला येथे मागील महिन्यात एक बैठक निष्फळ ठरली.

जिनर्सनी तेलंगणात ११३४ रुपये प्रतिगाठ, असे दर दिले, तेच दर राज्यातही द्या, अशी मागणी केली होती. दरांच्या मुद्यावर नुकतीच मुंबई येथे ‘सीसीआय’च्या अध्यक्ष डॉ. पी. अली राणी व महाराष्ट्र राज्य जिनिंग प्रेसिंग कारखानदार असोसिएशनचे अध्यक्ष भूपेंद्रसिंग राजपाल, कॉटन असोसिएशन ऑफ इंडियाचे सदस्य अनिल सोमाणी, खानदेश जिनिंग प्रेसिंग असोसिएशनचे जीवन बयस यांच्यात दीड तास चर्चा झाली. 

या चर्चेत ‘सीसीआय’च्या अध्यक्ष डॉ. राणी यांनी शेतकऱ्यांसाठी जिनर्सनी काम करायला हवे. ‘सीसीआय’ या व पुढच्या हंगामात दर वाढवून ते तेलंगणासाठी जेवढे दर (प्रतिगाठ ११३४ रुपये) दिले आहेत, तेवढे देईल, असे स्पष्ट केले. यावर असोसिएशनने सहमती दर्शविली असून, खरेदीसंबंधीची करार प्रक्रिया सुरू आहे. ती अंतिम टप्प्यात असून, येत्या २० तारखेपासून राज्यात खरेदी सुरू होईल. एकूण ६२ खरेदी केंद्र विदर्भ, मराठवाडा व खानदेशात (नगर, नाशिक मिळून) सुरू करण्याचे नियोजन ‘सीसीआय’ने केले आहे. खानदेशात जळगाव जिल्ह्यात एरंडोल, वराड (ता. एरंडोल), जळगाव, आव्हाणे (ता. जळगाव), जामनेर, शेंदूर्णी (ता. जामनेर), बोदवड, पाचोरा, भुसावळ, नंदुरबार जिल्ह्यांत नवापूर, शहादा व नंदुरबार येथे खरेदी सुरू होईल, अशी माहिती सूत्रांनी दिली. 

‘ॲग्रोवन’ने व्यक्त केली होती शक्‍यता
‘सीसीआय’ राज्यात २० नोव्हेंबरपासून कापूस खरेदी करू शकते, अशी शक्‍यता ‘ॲग्रोवन’ने मागील मंगळवारी (ता. १३) प्रसिद्ध केलेल्या वृत्तात वर्तविली होती. जिनर्स कापूस खरेदी केंद्रांसाठी ९०० रुपये प्रतिगाठीने तयार, हे वृत्त प्रसिद्ध केले होते. ‘ॲग्रोवन’चा अंदाज खरा ठरला आहे. 

अटी व शर्तीही मंजूर
असोसिएशनने ‘सीसीआय’च्या अटी व शर्तीही मान्य केल्या आहेत. त्यात अडीच टक्के ट्रॅश व आठ टक्के आर्द्रतेचा कापूस खरेदी केला जाईल. तर घट क्विंटलमागे तीन टक्के गृहीत धरली जाईल. एका गाठीसाठी ९०० रुपये दर असेल. तर उर्वरित ८५ रुपये रुईची प्रेसिंग केल्यानंतर गाठ बांधण्यासाठी लागणाऱ्या कापडापोटी दिले जातील. एका गाठीसाठी ८५ रुपये असतील. 

 

इतर अॅग्रो विशेष
परभणीत मुगाची चार क्विंटल, तर उडदाची...परभणी ः जिल्ह्यात यंदाच्या खरीप हंगामातील मुगाची...
कृषीच्या पदव्युत्तर अभ्यासक्रम प्रवेश... पुणे ः राज्यातील चारही कृषी विद्यापीठांमध्ये...
दर कपातीने दूध उत्पादक मेटाकुटीसपुणे ः शासनाने गाईच्या दुधासाठी प्रतिलिटर २५...
‘ईपीआर’ कंपन्यांच्या भल्यासाठी दूध...पुणे : पॉलिथिन फिल्मचे पुनर्चक्रण करणाऱ्या काही '...
जिद्द दुष्काळातही गोड पेरू पिकवण्याची...पुणे जिल्ह्यात शिरूर या कायम दुष्काळी तालुक्यातील...
सुधारीत तंत्राने तरारला दर्जेदार भुईमूग तुळ्याचा पाडा (जि. पालघर) येथील आर्थिकदृष्ट्या...
विदर्भात तुरळक ठिकाणी पावसाचा अंदाजपुणे ः मध्य महाराष्ट्राच्या परिसरात चक्राकार...
दुष्काळी भागात चारा छावण्या ः चंद्रकांत...मुंबई : राज्यातील दुष्काळी भागात गरज आणि...
कृषिकेंद्रित ग्रामविकासाची पायाभरणी! स्वातंत्र्योत्तर कालखंडापासून भारतीय कृषी...
जाणिवेचा दुष्काळ नको राज्य शासनाने दुष्काळ जाहीर...
वृक्ष होऊन जगू यामागील आठवड्यात असाच एक मुलाखतीचा सुंदर, कार्यक्रम...
एकत्र या, निर्यात वाढेलकेंद्रात मोदी सरकार सत्तेत आल्यापासून शेतमाल...
राज्यात कांदा उत्पादकांचा आक्रोश... पुणे ः राज्यातील विविध बाजार समित्यांमध्ये...
रोजगाराच्या शोधात गेलेल्या १२ जणांचा...महागाव, जि. यवतमाळ : कापूस वेचणीसाठी गेलेल्या...
देशभरात ४१४ लाख हेक्टरवर रब्बी पेरणी नवी दिल्ली ः देशात अनेक ठिकाणी दुष्काळी...
संत्रा बाग छाटणी सयंत्र ठरतेय केवळ...नागपूर ः शेतकऱ्यांना पूरक तंत्रज्ञान देण्यात...
होय... सरकीपासून चॉकलेट, कुकीज नागपूर : सरकीपासून ढेप आणि तेल मिळते ही झाली...
पीकपद्धतीनूसार बहुविध यंत्रांचा...हंगामी व वार्षिक नगदी पिके व फळपिके अशा बहुविध...
विदर्भात गारपिटीचा अंदाजपुणे : पूर्वेकडून वाहत असलेल्या उष्ण वाऱ्यांमुळे...
गाळपेर क्षेत्रातून उपलब्ध होणार ३४ लाख...पुणे ः राज्यातील दुष्काळी परिस्थितीच्या...