नेरच्या नदी पात्रातील भराव काढा

नेरच्या नदी पात्रातील भराव काढा
नेरच्या नदी पात्रातील भराव काढा

देऊर, ता.धुळे : पांझरा नदी पात्रातील नव्या पूलाजवळील कच्चा रस्त्याची माती, मोठे दगड व सिमेंट भराव बाजूला करून पाणी प्रवाहित करा, अशी मागणी धुळे पाटबंधारे विभागाने महामार्ग प्राधिकरण प्रकल्प व्यवस्थापकांकडे केली.

अक्कलपाडा धरणातून पांझरा नदीत सोडलेले आवर्तन काल रात्री नेर जवळ पोहचले. नेर जवळ महामार्ग चौपदरीकरणातर्गंत नवीन पूल बांधकाम लगत कच्चा रस्ता जीएचव्ही कंपनीने काही दिवसांपूर्वी तयार केला. मात्र पाच महिन्यापासून काम ठप्प असल्याने, माती व सिमेंट भराव जैसे थे स्थितीत पडून आहे. त्यामुळे पाणी वाहण्यास अडचणी येतील. त्यामुळे १५ एमसीएफटी पाणी नाश होण्याची शक्यता आहे.

हा भराव महामार्ग प्राधिकरणाने बाजूला करावा. पाणी वाया जाऊ नये, ही काळजी पाटबंधारे विभाग घेत आहे. एकीकडे जिल्हा प्रशासनाने पाणी कुठे थांबू नये, यासाठी काटेकोर पालन करून नियोजन केले. त्या पार्श्वभूमीवर संबंधित पथक सोडलेल्या पाण्यावर लक्ष ठेवून आहे. शेवटच्या गावापर्यंत पाणी पोचविण्याचे नियोजन आहे. पुलाचे काम बंद असल्याने कंपनीची कुठलेही वाहन अथवा मदत नाही. महामार्ग प्राधिकरणाचे अधिकारी काय निर्णय घेतात. त्यावर अंवलंबून आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com