agriculture news in marathi, Center to review BT cotton Seed price structure | Agrowon

बीटी बियाणे दराचा केंद्राकडून पुनर्विचार
विनोद इंगोले
शनिवार, 24 फेब्रुवारी 2018

नागपूर ः बीटी दराबाबत पुनर्विचार करण्याच्या मानसिकतेत केंद्र सरकार असून, तंत्रज्ञान शुल्क कमी करण्यासोबतच बीटी कंपन्यांनादेखील येत्या हंगामात कमी दराने बियाणेपुरवठा करण्याचे सांगितले जाणार असल्याची माहिती विश्‍वसनीय सूत्रांनी दिली. बियाणे कंपन्यांनी तंत्रज्ञान शुल्क कमी करण्याला पाठिंबा दर्शविला असला, तरी बियाणे दर कमी करण्याला मात्र विरोध केला आहे. 

नागपूर ः बीटी दराबाबत पुनर्विचार करण्याच्या मानसिकतेत केंद्र सरकार असून, तंत्रज्ञान शुल्क कमी करण्यासोबतच बीटी कंपन्यांनादेखील येत्या हंगामात कमी दराने बियाणेपुरवठा करण्याचे सांगितले जाणार असल्याची माहिती विश्‍वसनीय सूत्रांनी दिली. बियाणे कंपन्यांनी तंत्रज्ञान शुल्क कमी करण्याला पाठिंबा दर्शविला असला, तरी बियाणे दर कमी करण्याला मात्र विरोध केला आहे. 

देशभरातील अनेक कापूस उत्पादक राज्यांमध्ये गुलाबी बोंड अळीचा प्रादुर्भाव मोठ्या प्रमाणावर झाला. महाराष्ट्रातदेखील गेल्या खरिपात बोंड अळीच्या प्रादुर्भावामुळे कापूस पीक हातचे गेले. बीजी-२ तंत्रज्ञान याप्रकारे गुलाबी बोंड अळीला बळी पडल्याने त्या संदर्भाने महिको-मॉन्सॅन्टोला दिले जाणारे तंत्रज्ञान शुल्क सरसकट रद्द करावे, अशी मागणी बियाणे कंपन्यांकडून होऊ लागली. केंद्रशासन स्तरावरदेखील बियाणे कंपन्यांच्या संघटनेकडून या संदर्भाने पाठपुरावा करीत हे शुल्क रद्द करावे, असा आग्रह धरण्यात आला आहे. 

दरम्यान केंद्रीय कृषी मंत्रालयाच्या अखत्यारीतील बीटी बियाणे दर नियंत्रण समिती येत्या हंगामात बीटी बियाणे कमी दराने पुरवठ्यासाठी आग्रही असल्याचे सूत्रांनी सांगितले. त्याकरिता तंत्रज्ञान शुल्कात कपातीचा फॉर्म्युला वापरला जाणार असल्याचेदेखील सांगण्यात आले. गुरुवारी (ता. २२) दर नियंत्रण समितीची दिल्लीत बैठक झाली. त्यापूर्वी सीड असोसिएशनकडून बियाणे दर नियंत्रण समितीचे संयुक्‍त सचिव अश्‍विनी कुमार यांना पत्र लिहीत बीटी बियाणे दरवाढीची मागणी करण्यात आली आहे. 

बीजोत्पादनाच्या खर्चात झालेली वाढ, तसेच वाढलेले मजुरी दर, बियाणे कंपन्यांद्वारे तंत्रज्ञानाकरिता संशोधन आणि विकासकामावर होणारा खर्च, अशा अनेक कारणांमुळे बियाणे दरात वाढीची मागणी कंपन्यांनी केली आहे. सुरवातीला एक जीन असताना ९३० रुपयांना ४५० ग्रॅम बीटी बियाणे विकले जात होते. त्यानंतर महागाई वाढली असताना, सरकारने बीटी दर ८०० रुपयांपपर्यंत खाली आणला. हा प्रकार बियाणे कंपन्यांवर अन्याय करणारा असून, सर्व घटकांचा विचार करीत त्यात वाढ करावी, अशी मागणी बियाणे कंपन्यांची आहे. 

तंत्रज्ञान शुल्क रद्दच करा
मॉन्सॅन्टोचे बीजी-२ हे तंत्रज्ञान गुलाबी बोंड अळीला बळी पडले. त्यामुळे तंत्रज्ञान शुल्कात कपात केली जावी किंवा ते रद्दच करावे, अशीदेखील मागणी सीड असोसिएशनची आहे. तंत्रज्ञानापोटी महिको मॉन्सॅटोला ४९ रुपये दिले जातात. त्यामुळे तंत्रज्ञान अपयशी ठरले तर भरपाईदेखील मग त्यांच्याकडूनच वसूल झाली पाहिजे, असेही संघटनेचे म्हणणे आहे.

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...