मध्य महाराष्ट्र, मराठवाडा, विदर्भात उद्यापासून पाऊस

मध्य महाराष्ट्र, मराठवाडा, विदर्भात उद्यापासून पाऊस
मध्य महाराष्ट्र, मराठवाडा, विदर्भात उद्यापासून पाऊस

पुणे : पूर्व आणि पश्चिमेकडून वाहणाऱ्या वाऱ्यांमुळे पोषक हवामान होत असल्याने उद्यापासून (ता. २४) राज्यात पावसाची शक्यता आहे. विदर्भ, मध्य महाराष्ट्र, मराठवाड्यात तुरळक ठिकाणी हलका ते मध्यम स्वरूपाचा पाऊस पडण्याचा अंदाज हवामान विभागाने वर्तविला आहे. मध्य प्रदेश आणि छत्तीसगडमध्ये तुरळक ठिकाणी गारपीट होण्याचा इशारा हवामान विभागाने दिला आहे. किमान तापमानात मोठी वाढ झाल्याने राज्यातील थंडी कमी झाली आहे. पश्चिमी चक्रावाताचा प्रभाव वाढल्याने उत्तर भारतात पाऊस पडत असून, दिल्लीसह लगतच्या राज्यांमध्ये गारपीट झाली आहे. आज (ता. २३) उत्तर राजस्थान आणि पूर्व उत्तर प्रदेशामध्ये पावसाची शक्यता आहे. तर उद्यापासून (ता. २४) मध्य प्रदेश, छत्तीसगड राज्यांत हलक्या पावसासह गारपीट होण्याचा अंदाज आहे.  पूर्व आणि पश्चिमेकडून वाहणाऱ्या वाऱ्यांच्या परस्पर विराेधामुळे मध्य, पूर्व आणि दक्षिण भारतातील राज्यांमध्ये तुरळक पाऊस पडणार असून, राज्यात कोकण वगळता उर्वरित भागात पावसाला पोषक हवामान तयार होत आहे.    उत्तरेकडून येणारे वाऱ्यांचे प्रवाह ओसरले असून, बंगालच्या उपसागरावरील उष्ण वाऱ्यांमुळे राज्याच्या किमान तापमानात वाढ झाली आहे. मंगळवारी (ता. २२) धुळे येथील कृषी महाविद्यालयात ८.८ अंश सेल्सिअस तापमानाची नोंद झाली. तर उर्वरित राज्यात सर्वच ठिकाणी तापमान वाढून ११ अंशांच्या वर गेले असल्याने थंडी नाहीशी झाली आहे. राज्यात पुढील काही दिवस थंडी कमी राहण्याची शक्यता आहे.  मंगळवारी (ता. २२) सकाळी राज्यातील विविध ठिकाणचे किमान तापमान, कंसात सरासरीच्या तुलनेत तफावत (अंश सेल्सिअसमध्ये) : पुणे १०.८ (-०.३), जळगाव १३.४ (१.२), कोल्हापूर १६.० (०.७), महाबळेश्‍वर ११.४ (-२.३), मालेगाव १४.२ (३.५), नाशिक १२.२, सांगली १३.३ (-१.०), सातारा १२.७ (-०.१), सोलापूर १६.५ (-०.१), सांताक्रूझ १८.४ (१.६), अलिबाग १८.५ (१.३), रत्नागिरी १७.० (-१.६), डहाणू १७.६ (०.६), आैरंगाबाद १४.६ (२.२), परभणी १४.९ (०.२), नांदेड १५.० (१.१), अकोला १२.५ (-१.९), अमरावती १३.६ (-१.२), बुलडाणा १५.० (०.१), चंद्रपूर १२.४ (-३.१), गोंदिया १३.० (-०.५), नागपूर ४.७ (-१.०), वर्धा १५.० (०.९), यवतमाळ १७.० (१.४).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com