कृषी उत्पादनवाढीची जबाबदारी सर्वांची : केंद्रीय मंत्री सुदर्शन भगत

कृषी उत्पादनवाढीची जबाबदारी सर्वांची : केंद्रीय मंत्री सुदर्शन भगत
कृषी उत्पादनवाढीची जबाबदारी सर्वांची : केंद्रीय मंत्री सुदर्शन भगत

कोल्हापूर : भारतीय अर्थ व्यवस्थेचा कणा असलेल्या शेतकरी वर्गाच्या सर्वांगीण विकासातच देशाची प्रगती अवलंबून आहे . त्यासाठीच येत्या २०२२ सालापर्यंत अर्थात देश स्वातंत्र्याच्या अमृतमहोत्सवी वर्षी शेतकरी राजाचे उत्पन्न दुप्पट होण्यासाठी सर्वांच्या योगदानाची गरज आहे असे मत आदिवासी कौशल्य विकास विभागाचे केंद्रीय मंत्री सुदर्शन भगत यांनी व्यक्त केले.  कणेरी येथे सुरू असलेल्या सिद्धगिरी कारागीर महोत्सवाच्या तिसऱ्या दिवशी आयोजित कार्यक्रमात ते बोलत होते. मंगळवारी पहाटे साडेपाच वाजता काकड आरती व विधिवत पूजनाने सोहळ्यास प्रारंभ झाला. या वेळी केंद्रीय मंत्री श्री. भगत, काडसिद्धेश्‍वर स्वामी, स्वामी विद्नान्दजींसह मान्यवर उपस्थित होते. केंद्रीय मंत्री श्री. भगत कार्यकर्त्या समावेत सिद्धगिरी कारागीर महोत्सवाच्या प्रदर्शनात आले. तेथे त्यांनी कलाकारांनी निर्माण केलेल्या विविध कलात्मक वस्तूंच्या निर्मितीची माहिती घेतली. शेती व ग्रामीण परंपरागत उद्योगाकडे झालेले दुर्लक्ष हे फार चिंतनीय आहे, ही चूक वेळीच सुधारली पाहिजे. आश्रमशाळा संस्कृतीमधूनच आपण आदिवासी युवक ते केंद्रीय मंत्री अशी प्रगती केल्याचे सागत त्यांनी वाल्मीकी आणि शबरी माता असे आदिवासी युवक-युवतींसाठी आश्रमशाळा सुरू करत असल्याचेही त्यांनी घोषित केले.  या वेळी विजय कदम, मुक्ता दाभोलकर, विवेक सिद्ध, डॉ. सौ व श्री. चंद्रशेखर, रूपाश्री सिद्धापुरे, डॉ. दत्ता निकम, डॉ. सचिन पाटील यांचा सत्कार करण्यात आला. या वेळी माजी मंत्री अण्णा डांगे, एसबीआयचे राजेश आयदे, समन्वयक बसंतकुमारसिंह यांच्या सहमान्यवर उपस्थित होते. महाराष्ट्र गोव्यासह कर्नाटकातून आलेल्या लाखो भाविकांची रात्री उशिरापर्यंत गर्दी होती.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com