agriculture news in marathi, central minster prabhu assures all initiative will take for gram rate, Maharashtra | Agrowon

हरभऱ्याच्या किमतीत सुधारणांसाठी सर्व पर्याय वापरू : केंद्रीय मंत्री प्रभू
टीम अॅग्रोवन
शनिवार, 24 फेब्रुवारी 2018

हरभरा उत्पादनात यंदा ४० टक्के वाढ आहे. याकरिता हमीभाव केंद्र सुरू होणार आहेत, मात्र निर्यातीलाही प्रोत्साहन देण्याची गरज आहे. या संदर्भात मुख्यमंत्री देवेंद्र फडणवीस, केंद्रीय मंत्री नितीन गडकरी, केंद्रीय कृषी राज्यमंत्री गजेंद्रसिंह शेखावत यांनी केंद्रीय वाणिज्यमंत्री सुरेश प्रभू यांच्याकडे पत्र दिले आहेत. आम्हीही या संदर्भातील निवेदन श्री. प्रभू यांना दिले. याबाबत निर्णय घेऊन शेतकऱ्यांना दिलासा देऊ, असे त्यांनी आश्‍वासित केले आहे. शेतकऱ्यांनीही टप्प्या-टप्प्याने हरभरा बाजारात आणावा, गडबड करू नये.
- पाशा पटेल, अध्यक्ष, राज्य कृषिमूल्य आयोग.

नवी दिल्ली : हरभऱ्याच्या घसरत्या किमती रोखण्यासाठी केंद्र सरकार सर्व पर्याय वापरेल, याकरिता निर्यातीलाही विशेष प्रोत्साहन दिले जाईल, अशी ग्वाही केंद्रीय वाणिज्यमंत्री सुरेश प्रभू यांनी येथे दिली.

राज्य कृषिमूल्य आयोगाचे अध्यक्ष पाशा पटेल यांनी केंद्रीय मंत्री श्री. प्रभू यांची नुकतीच (ता. २२) भेट घेऊन त्यांना हरभरा निर्यातीसाठी विशेष प्रोत्साहन देण्याची मागणी केली. यास मंत्री श्री. प्रभू यांनी तत्काळ प्रतिसाद देत लवकरात लवकर याकरिता केंद्रीय पातळीवरील सर्व पर्याय वापरण्याचे आश्‍वासन श्री. पटेल यांना दिले. देशभरातील ९ राज्यांत हरभरा लागवड क्षेत्र आणि उत्पादनातही ४० वाढ होण्याचे आणि दोन वर्षे पुरेल एवढे उत्पादन होणार असल्याने तत्काळ उपाययोजनांची मागणी केली. व्यापाऱ्यांनीही यापूर्वी हरभरा आयातही करून ठेवल्याने दर हमीभावाच्या खाली आहे, याची माहिती दिली.

हरभरा उत्पादनवाढीचा अंदाज असल्याने केंद्र सरकारने यापूर्वी २००६ नंतर पहिल्यांदाच हरभऱ्यावरील निर्यात बंदी हटविली आणि आयातीवर ४० टक्क शुल्क लावले, तसेच हरभऱ्याच्या देशांतर्गत दरावर परिणाम करणाऱ्या वाटाण्यावरही ५० टक्के आयात शुल्क लावले, मात्र हरभरा दर हमीभावाच्या खालीच आहेत. यंदा ४४०० रुपये प्रतिक्विंटल हरभऱ्यास हमीभाव आहे, मात्र बाजारातील दर ३६००च्या खाली आहेत. दुसरीकडे राज्य सरकारनेही हमीभाव खरेदी केंद्र सुरू करण्याची केंद्राकडे मागणी केली आहे.

ज्याप्रमाणे सरकार हमीभावाने हरभरा खरेदी करणार आहे, त्याचप्रमाणे निर्यातीलाही प्रोत्साहन दिल्यास देशांतर्गत हरभरा दरात सुधारणा होण्याची आशा आहे. सध्या आंतरराष्ट्रीय बाजारात ३६०० रुपये क्विंटलपर्यंत दर आहेत, हमीभाव ४४०० रुपये आहे, अशा वेळी ८०० रुपये फरक आणि ४०० रुपये खर्च मिळून निर्यात प्रोत्साहन मूल्य दिल्यास स्थानिक बाजारात हमीभावापेक्षही पुढे दर जाण्याची शक्यता असल्याचा विश्‍वास श्री. पटेल यांनी या वेळी व्यक्त केला. याप्रसंगी फळबाग तज्ज्ञ डॉ. भगवानराव कापसे उपस्थित होते.

‘‘हरभरा उत्पादनात यंदा ४० टक्के वाढ आहे. परिणामी, केंद्र सरकारकडून पर्यायी उपाय करूनही दरात सुधारणा होत नाही. याकरिता हमीभाव केंद्र सुरू होणार आहेत, मात्र निर्यातीलाही प्रोत्साहन देण्याची गरज आहे. या संदर्भात मुख्यमंत्री देवेंद्र फडणवीस, केंद्रीय मंत्री नितीन गडकरी, केंद्रीय कृषी राज्यमंत्री गजेंद्रसिंह शेखावत यांनी केंद्रीय वाणिज्यमंत्री सुरेश प्रभू यांच्याकडे पत्र दिले आहेत. आम्हीही या संदर्भातील निवेदन श्री. प्रभू यांना दिले. याबाबत निर्णय घेऊन शेतकऱ्यांना दिलासा देऊ, असे आश्‍वासित केले आहे. शेतकऱ्यांनीही टप्प्या-टप्प्याने हरभरा बाजारात आणावा, गडबड करू नये.’’
- पाशा पटेल, अध्यक्ष, राज्य कृषिमूल्य आयोग.

इतर अॅग्रो विशेष
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...
दुष्काळ, मजूरटंचाई समस्येवर सीताफळ,...अौरंगाबाद जिल्ह्यातील कुंभेफळ येथील श्रीराम शेळके...
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
नर्सरी मॅन ऑफ वरुड- जावेद खान अमरावती जिल्‍ह्यातील वरुड मोर्शी या प्रसिद्ध...
दुष्काळातही विस्तारला देशी गोवंश व्यवसायकायम दुष्काळी खानापूर तालुक्यातील अडसरवाडी (जि....
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...