agriculture news in Marathi, central state agri minister says gram procurement will start soon in Maharashtra, Maharashtra | Agrowon

हमीभावाने हरभरा खरेदी लवकरच : कृषी राज्यमंत्री शेखावत
टीम अॅग्रोवन
शुक्रवार, 23 फेब्रुवारी 2018

नवी दिल्ली : हरभऱ्याचे यंदा उत्पादन मोठ्या प्रमाणात वाढणार आहे. दरातील मंदी हटविण्यासाठी सरकार लवकरच महाराष्ट्र राज्यात हरभरा खेरदी सुरू करणार आहे, अशी माहिती केंद्रीय कृषी व शेतकरी कल्याण राज्यमंत्री गजेंद्रसिंह शेखावत यांनी दिली. 

नवी दिल्ली : हरभऱ्याचे यंदा उत्पादन मोठ्या प्रमाणात वाढणार आहे. दरातील मंदी हटविण्यासाठी सरकार लवकरच महाराष्ट्र राज्यात हरभरा खेरदी सुरू करणार आहे, अशी माहिती केंद्रीय कृषी व शेतकरी कल्याण राज्यमंत्री गजेंद्रसिंह शेखावत यांनी दिली. 

राज्यमंत्री शेखावत म्हणाले, की मागील वर्षी देशांतर्गत हरभरा उत्पादन कमी झाले होते. परिणामी बाजारात हरभरा दर मोठ्या प्रमाणात वाढले होते. मागील वर्षी दर वाढल्याने शेतकऱ्यांचा ओढा यंदा हरभरा लागवडीकडे राहिला आहे. तसेच देशात मॉन्सून परतीच्या प्रवासात बराच काळ रेंगाळल्याने ज्या भागात खरीप पिके आली नव्हती, त्या भागात शेतकऱ्यांनी हरभरा पेरणीला प्राधान्य दिले आहे. यंदा देशातील जवळपास ९ राज्यांमध्ये १०३.०९ लाख हेक्टरवर हरभरा पेरणी झाली आहे. सरकारने शेतकऱ्यांना निमकोटेड युरिया आणि दर्जेदार बियाणे उपलब्ध करून दिले आहेत. सध्या काही प्रमाणात हरभरा पिकाची काढणी झाली असून, त्याची बाजारात विक्रिसुद्धा होत आहे. 

‘‘शेतकऱ्यांना हमीभाव मिळावा यासाठी सरकारने वाटाणा आयातीवर ५० टक्के शुल्क लावले होते. तसेच २००६ पासून भारतातून हरभरा निर्यात बंद होती आणि आयात शुल्क शून्य होते, जे सरकारने नुकतेच ४० टक्क्यांपर्यंत वाढविले आहे. तरीही हरभरा हमीभावाने विकला जात नाही. त्यामुळे आंतरराष्ट्रीय स्तरावरील किमतीशी स्पर्धा करण्यासाठी सरकार निर्यात अनुदान देण्याच्या विचारात आहे. जेणेकरून शेतकऱ्यांना हमीभावाचा लाभ मिळेल,’’ असेही ते म्हणाले. 

महाराष्ट्र राज्य कृषिमूल्य आयोगाचे अध्यक्ष पाशा पटेल यांनी केंद्रीय कृषी राज्यमंत्री शेखावत यांना भेटून निवेदन दिले. मागील वर्षी महाराष्ट्रात १३ लाख हेक्टरवर हरभरा पेरणी झाली होती, ती यंदा २० लाख हेक्टरवर झाली आहे आणि हरभरा बाजारात येण्यास सुरवात झाली आहे. त्यामुळे तातडीने हमीभावाने हरभरा खेरदी सुरू करावी, अशी मागणी त्यांनी निवेदनात केली.  

केंद्रीय कृषी राज्यमंत्री शेखावत यांनी लवकरच महाराष्ट्रात हमीभावाने हरभरा खरेदी सुरू करणार असल्याचे अाश्वासन श्री. पटेल यांना दिले आहे. तसेच निर्यात अनुदानासाठी केंद्रीय मंत्री सुरेश प्रभू यांच्याशी चर्चा करणार असल्याचेही सांगितले.  

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...