agriculture news in marathi, Chairman Aparna Khoskar Offensive behavior from the officer | Agrowon

सभापती अपर्णा खोसकर यांना अधिकाऱ्याकडून अपमानास्पद वागणूक
टीम अॅग्रोवन
गुरुवार, 11 ऑक्टोबर 2018

नाशिक : पोषण आहार अभियानाच्या पुरस्कारासंदर्भात जिल्हा परिषदेच्या महिला व बालकल्याण समिती सभापती अपर्णा खोसकर यांना अंधारात ठेवल्याच्या आणि त्या अनुषंगाने अपमानास्पद वागणूक देण्याच्या मुद्यावरून सर्वसाधारण सभेत महिला पदाधिकाऱ्यांनी आक्रमक पवित्रा घेतला. जमिनीवर बसून चर्चा करत उपमुख्य कार्यकारी अधिकारी दत्तात्रय मुंडे यांना जाब विचारला.

नाशिक : पोषण आहार अभियानाच्या पुरस्कारासंदर्भात जिल्हा परिषदेच्या महिला व बालकल्याण समिती सभापती अपर्णा खोसकर यांना अंधारात ठेवल्याच्या आणि त्या अनुषंगाने अपमानास्पद वागणूक देण्याच्या मुद्यावरून सर्वसाधारण सभेत महिला पदाधिकाऱ्यांनी आक्रमक पवित्रा घेतला. जमिनीवर बसून चर्चा करत उपमुख्य कार्यकारी अधिकारी दत्तात्रय मुंडे यांना जाब विचारला.

जिल्हा परिषदेच्या अध्यक्षा शीतल सांगळे यांच्या अध्यक्षतेखाली सभेचे कामकाज झाले. पोषण आहार अभियानात जिल्हा परिषदेला पुरस्कार मिळाल्याबद्दल खोसकर यांना माहिती का दिली नाही, अशी विचारणा करून सदस्य उदय जाधव यांनी खुलासा करण्याची मागणी केली. उपाध्यक्षा नयना गावित यांनी महिला सभापतींना मान मिळत नाही, असे सांगून निषेध व्यक्त केला. आसन सोडून त्या व्यासपीठासमोर जमिनीवर येऊन बसल्या. पाठोपाठ खोसकर, बांधकाम समिती सभापती मनीषा पवार, समाजकल्याण सभापती सुनीता चारोस्कर याही जमिनीवर येऊन बसल्या. सदस्य भास्कर गावित यांनी आदिवासी सभापतींवर अन्याय करणे चूक असल्याचे सांगितले.

मुंडे यांच्याकडून वारंवार अपमान केला जात असल्याचा आरोप खोसकर यांनी केला. यावेळी सर्वच सदस्यांनी मुंडे यांचा निषेध केला. मुख्य कार्यकारी अधिकारी डॉ. नरेश गिते यांनी खुलासा करावा म्हणून सदस्यांनी मागणी केली. एक वर्ष अधिकाऱ्यांचा उर्मटपणा खपवून घेतला. यापुढे नाही, असा इशारा त्यांनी दिला. मुंडे हे मुख्य कार्यकारी अधिकारी असल्याच्या अविर्भावात वागतात. त्यांची भाषा योग्य नाही, त्यांना सक्तीच्या रजेवर पाठवा, अशी मागणी जाधव यांनी केली. सांगळे यांनीही ठोस कारवाई होणार म्हणून स्पष्ट केले. आपण दूरध्वनी केल्याचे मुंडे यांनी सांगितले. नयना गावित यांनी चूक झाली म्हणून मान्य करा, असे फर्मावले. सदस्य नीलेश केदार यांनी मुंडे यांना सभागृहातून बाहेर काढण्याची मागणी केली. यावेळी सभागृहातील वातावरण तप्त झाले होते. हे पाहून मुंडे यांनी माफी मागत यापुढे दक्षता घेईल, असे आश्‍वासन दिले.

इतर बातम्या
पीकविम्याच्या हप्त्याची वेळ अत्यंत...हवामानातील विविध घटकांमुळे पिकांचे अनेक वेळा...
टेंभूच्या पाण्यातून दहा बंधारे भरून द्यासोलापूर : टेंभू-म्हैसाळ योजनेतून सांगोला...
खानदेशात रब्बीचे ७९ टक्के क्षेत्र नापेरजळगाव :खानदेशात रब्बी पिकांमध्ये मका, गव्हाची...
'सिद्धेश्वर यात्रेची कामे समन्वयाने करा'सोलापूर : सिध्देश्वर यात्रा सुरळीतपणे पार...
उन्हाळी कांद्याच्या उत्पादनात घट...देवळा, जि. नाशिक : देवळा तालुक्यात मोठ्या...
फरदड कपाशीचे उत्पादन टाळावे ः कुलगुरू...नांदेड ः आगामी खरीप हंगामामध्ये कपाशीवर गुलाबी...
मका भुशाला तीन हजारांचा भावजायखेडा, जि. नाशिक : यंदा तालुक्‍यात अत्यल्प...
सीताफळ विकासाकडे कृषी सचिवांचे वेधले...औरंगाबाद : झपाट्याने विस्तारत असलेल्या...
पायाभूत सुविधांअभावी रेशीम उत्पादक...बीड : रेशीम कोष उत्पादन वाढीसाठी महारेशीम अभियान...
‘एफआरपी’ थकविलेल्या कारखान्यांना दणकाकोल्हापूर : हंगाम सुरू होऊन दीड महिन्याचा कालावधी...
अकोल्यात ‘अात्मा’ शेतकरी सल्लागार...अकोला ः शेतकऱ्यांपर्यंत आधुनिक तंत्रज्ञान पोचवण्‍...
भंडारा जिल्ह्यातील भूजल पातळी खोलभंडारा : जिल्ह्यात सामान्य पर्जन्यमानाच्या...
दुष्काळी स्थितीत प्राधान्याने उपाययोजना...परभणीः परभणी जिल्ह्यातील दुष्काळी परिस्थितीचे...
येणेचवंडी प्रकल्पाला गळतीगडहिंग्लज, जि. कोल्हापूर : येणेचवंडी (ता....
ऐन दुष्काळात राज्याला सहकार आयुक्त नाही पुणे  : तीव्र दुष्काळाकडे राज्याची सुरू...
पाच मिनिटांत १२० कोटींच्या नियोजनास...जळगाव : समान निधी वाटपाच्या मुद्यावरून गेल्या...
कात्रज मिठाईसाठी वापरणार नायट्रोजन...पुणे  : पुणे जिल्हा दूध उत्पादक संघ अर्थात...
कुलगुरू निवड प्रक्रियेतील विलंब ...मुंबई : राज्यातील कृषी विद्यापीठांच्या...
नवेगावबांधमध्ये पावसाने शेकडो क्विंटल...नवेगावबांध, जि. गोंदिया : येथील शासकीय...
अधिस्वीकृती समितीच्या बैठकीकडे माफसूचे...नागपूर   ः राज्यातील काही कृषी...