agriculture news in marathi, Chandrapur records highest temperature in country | Agrowon

‘चंद्र’पूर झाले ‘सूर्य’पूर !, देशातील उच्चांकी तापमान !!
टीम अॅग्रोवन
शनिवार, 12 मे 2018

पुणे : उष्णतेच्या लाटेमुळे विदर्भ, मराठवाड्यातील तापमानाचा पारा वाढत आहे. त्यामुळे उन्हाच्या झळा अधिक तीव्र झाल्या आहेत. शुक्रवारी (ता. ११) सकाळी आठ वाजेपर्यंतच्या चोवीस तासांमध्ये विदर्भातील चंद्रपूर येथे ४६.० अंश सेल्सिअसची देशातील उच्चांकी तापमानाची नोंद झाली असल्याचे हवामान विभागाच्या सूत्रांनी सांगितले. 

पुणे : उष्णतेच्या लाटेमुळे विदर्भ, मराठवाड्यातील तापमानाचा पारा वाढत आहे. त्यामुळे उन्हाच्या झळा अधिक तीव्र झाल्या आहेत. शुक्रवारी (ता. ११) सकाळी आठ वाजेपर्यंतच्या चोवीस तासांमध्ये विदर्भातील चंद्रपूर येथे ४६.० अंश सेल्सिअसची देशातील उच्चांकी तापमानाची नोंद झाली असल्याचे हवामान विभागाच्या सूत्रांनी सांगितले. 

विदर्भ व मराठवाड्यात काही ठिकाणी अजून काही दिवस उष्णतेची लाट कायम राहणार आहे. त्यामुळे कमाल तापमानाचा पारा ४५ अंश सेल्सिअसच्या दरम्यान राहील. तसेच मध्य महाराष्ट्रातही तुरळक ठिकाणी कमाल तापमानाचा पारा ४० अंशांच्यावर राहून उन्हाचा चटका कायम राहील. कोकणातही उन्हाची तीव्रता ही कायम राहणार आहे. 

सध्या राजस्थानपासून ते मध्य महाराष्ट्राच्या दक्षिण भागापर्यंत हवेचा कमी दाबाचा पट्टा सक्रिय आहे. तर लक्षद्वीप आणि परिसरावर समुद्र सपाटीपासून ३.१ किलोमीटर उंचीवर चक्राकार वाऱ्यांची स्थिती असून, त्यापासून उत्तर कर्नाटकपर्यंत हवेचा कमी दाबाचा पट्टा तयार झाला आहे. यामुळे राज्यात पावसाला पोषक हवामान तयार होत आहे. येत्या मंगळवार (ता. १५)पर्यंत राज्यात तुरळक ठिकाणी सर्वदूर पाऊस पडण्याची शक्यता आहे.  

उन्हाचा पारा वाढत असताना गुरुवारी दुपारनंतर अचानक मध्य महाराष्ट्रातील दक्षिण भागात ढग जमा झाले. त्यामुळे सातारा जिल्ह्यातील माण तालुक्यातील कळसकरवाडी, पाटण येथे जोरदार वाऱ्यासह पाऊस पडला. सांगली शहरातही वळवाच्या पावसाने जोरदार हजेरी काही ठिकाणी गारांचाही पाऊस पडला. कोल्हापूर जिल्ह्यातील इचलकरंजी, शिरोळ अशा अनेक ठिकाणी वादळी पाऊस पडला. सोलापूर जिल्ह्यात काही ठिकाणी वादळी वाऱ्यासह जोरदार पाऊस पडला. त्यामुळे आंबा, द्राक्षे, डाळिंब, भाजीपाला यांसह उन्हाळी पिकांचे चांगलेच नुकसान झाले. उर्वरित भागात ढगाळ व कडक ऊन पडून उकाडा वाढला होता. 

मराठवाड्यातील उस्मानाबाद जिल्ह्यातील तुरोरी, जेवळी, अनाळा येथेही वादळी वाऱ्यासह जोरदार पाऊस पडला. बीड, लातूर, जालना, औंरंगाबाद जिल्ह्यांत उन्हाच्या झळा तीव्र झालेल्या होत्या. कोकणातील दक्षिणेकडे असलेल्या सिंधुदुर्ग जिल्ह्यातील मालवण तालुक्यातील तारकली येथे सोसाट्याचा वारा सुटून पाऊस पडला. त्यामुळे काजू, आंबा या पिकांचे नुकसान झाले. उर्वरित काही भागात ढगाळ हवामान होते. रायगड, रत्नागिरी, ठाणे जिल्ह्यात आकाश निरभ्र होते. 

शुक्रवारी (ता.११) सकाळी आठ वाजेपर्यंतच्या चोवीस तासांतील कमाल तापमान (अंश सेल्सिअस) : मुंबई ३४.०, सांताक्रूझ ३३.६, रत्नागिरी ३४.०, डहाणू ३५.९, पुणे ४०.८, नगर ४३.२, मालेगाव ४४.६, नाशिक ४१.१, सातारा ३९.७, सोलापूर ४२.२, औरंगाबाद ४१.५, परभणी शहर ४२.७, अकोला ४४.८, अमरावती ४३.४, बुलडाणा ४२.०, ब्रह्मपुरी ४४.७, चंद्रपूर ४६.०, गोंदिया ४३.०, नागपूर ४५.०, वर्धा ४५.०, यवतमाळ ४३.२.

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...