agriculture news in marathi, chandrashekhar bavankule speaks about crop loan, bhandara, maharashtra | Agrowon

`पीककर्ज न दिल्यास राष्ट्रीयीकृत बॅंकांमधील शासकीय खाती गोठवू`
टीम अॅग्रोवन
बुधवार, 20 जून 2018

भंडारा : जिल्ह्यातील शेतकऱ्यांना १५ जुलैपर्यंत खरीप पीककर्ज वाटप न करणाऱ्या राष्ट्रीयीकृत बॅंकांमधील शासकीय खाती गोठवून जिल्हा बॅंकेकडे वळती करण्याचा इशारा पालकमंत्री चंद्रशेखर बावनकुळे यांनी दिला. राष्ट्रीयीकृत बॅंकांनी पीककर्ज वाटपाचे उद्दिष्ट १०० टक्के पूर्ण करणे आवश्‍यक असल्याचे श्री. बावनकुळे यांनी सांगितले.

भंडारा : जिल्ह्यातील शेतकऱ्यांना १५ जुलैपर्यंत खरीप पीककर्ज वाटप न करणाऱ्या राष्ट्रीयीकृत बॅंकांमधील शासकीय खाती गोठवून जिल्हा बॅंकेकडे वळती करण्याचा इशारा पालकमंत्री चंद्रशेखर बावनकुळे यांनी दिला. राष्ट्रीयीकृत बॅंकांनी पीककर्ज वाटपाचे उद्दिष्ट १०० टक्के पूर्ण करणे आवश्‍यक असल्याचे श्री. बावनकुळे यांनी सांगितले.

येथील जिल्हाधिकारी कार्यालयात आयोजित बैठकीत ते बोलत होते. बैठकीला आमदार परिणय फुके, डॉ. रामचंद्र अवसरे, चरण वाघमारे, बाळा काशिवार, जिल्हाधिकारी शांतनू गोयल, मुख्य कार्यकारी अधिकारी मनोजकुमार सूर्यवंशी, तुमसर नगराध्यक्ष प्रदीप पडोळे व विविध विभागांचे अधिकारी उपस्थित होते.

खरीप पीककर्ज वाटपात जिल्हा मध्यवर्ती बॅंकेने ३५ हजार ६४४ सभासदांना १६४ कोटी ७६ लाखांचे पीककर्ज वाटप केले आहे. त्यातुलनेत राष्ट्रीयीकृत बॅंकांनी उद्दिष्टांपेक्षा अत्यंत कमी कर्ज वाटप केले आहे. या वेळी पालकमंत्री बावनकुळे यांनी बॅंकनिहाय कर्जवाटपाचा आढावा घेतला. १५ जुलैपर्यंत कर्जवाटपाचे उद्दिष्ट १०० टक्के पूर्ण करण्याची हमी या वेळी बॅंकांच्या प्रतिनिधींनी पालकमंत्र्यांना दिली.  

जिल्ह्यात एकूण १ लाख ७२ हजार ७०९ शेतकरी नुकसानीमुळे बाधित असून यासाठी विभागीय आयुक्त कार्यालयाकडून भंडारा जिल्ह्यासाठी ६७ कोटी ९२ लाख रुपये प्राप्त झाले आहे. यापैकी ६७ हजार ४३६ शेतकऱ्यांच्या खात्यावर २७ कोटी ८२ लाख २८ हजार रुपये जमा करण्यात आले आहेत. उर्वरित सर्व रक्कम आठ दिवसांत शेतकऱ्यांच्या खात्यावर जमा करण्यात येईल, असे जिल्हाधिकारी शंतनू गोयल यांनी बैठकीत सांगितले.

छत्रपती शिवाजी महाराज शेतकरी सन्मान योजनेत जिल्ह्यातील ६४ हजार ४१५  शेतकऱ्यांच्या कर्ज खात्यात १८८ कोटी ४३ लाख रुपये जमा करण्यात आल्याची माहिती देण्यात आली. यावर बोलताना पालकमंत्री बावनकुळे म्हणाले, की प्रत्येक शेतकऱ्यांना कर्जमाफीपोटी त्यांच्या खात्यात किती रक्कम जमा झाली याविषयीची माहिती शेतकऱ्यांना लेखी स्वरूपात कळवावी. कर्जमाफी झालेल्या शेतकऱ्यांनासुद्धा पीककर्ज वाटप करावे, असे निर्देश त्यांनी दिले. एक लाख रुपयांपर्यंतच्या कर्जासाठी केवळ सातबारा उतारा मागण्यात यावा. या व्यतिरिक्त कुठलेही कागदपत्र मागू नये अशा सूचना त्यांनी दिल्या.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...