agriculture news in marathi, change in law against milk adulteration says minister Girish Bapat | Agrowon

दूध भेसळ रोखण्यासाठी फौजदारी कायद्यात बदल
टीम अॅग्रोवन
गुरुवार, 15 मार्च 2018

मुंबई : राज्यातील भेसळयुक्त दुधाच्या विक्रीवर प्रतिबंध घालण्यासाठी केंद्र सरकारने फौजदारी कायद्यात बदल करण्यास राज्याला परवानगी दिली आहे. त्यानुसार कायद्यात बदल करण्याच्या दृष्टीने विधी विभागाकडून कायदेतज्ज्ञांचे मार्गदर्शन घेतले जात आहे. या कायद्यात सहा महिन्यांपर्यंत असलेली शिक्षेची मर्यादा कमीत कमी तीन वर्षे, तर जास्तीत जास्त जन्मठेपेपर्यंत करण्याचा विचार होणार आहे. लवकर हा कायदा आणला जाणार असल्याची माहिती अन्न व नागरी पुरवठामंत्री गिरीश बापट यांनी मंगळवारी (ता.१३) विधानसभेत दिली.

मुंबई : राज्यातील भेसळयुक्त दुधाच्या विक्रीवर प्रतिबंध घालण्यासाठी केंद्र सरकारने फौजदारी कायद्यात बदल करण्यास राज्याला परवानगी दिली आहे. त्यानुसार कायद्यात बदल करण्याच्या दृष्टीने विधी विभागाकडून कायदेतज्ज्ञांचे मार्गदर्शन घेतले जात आहे. या कायद्यात सहा महिन्यांपर्यंत असलेली शिक्षेची मर्यादा कमीत कमी तीन वर्षे, तर जास्तीत जास्त जन्मठेपेपर्यंत करण्याचा विचार होणार आहे. लवकर हा कायदा आणला जाणार असल्याची माहिती अन्न व नागरी पुरवठामंत्री गिरीश बापट यांनी मंगळवारी (ता.१३) विधानसभेत दिली.

राज्यात भेसळयुक्त दुधाची विक्री होत असल्याप्रकरणी विधानसभा सदस्य अमित साटम, मनीषा चौधरी, राधाकृष्ण विखे पाटील यांनी लक्षवेधी सूचना मांडली होती. या लक्षवेधीला उत्तर देताना मंत्री गिरीश बापट म्हणाले, की भेसळयुक्त दुधाची विक्री रोखण्यासाठी फौजदारी संहिता कलम २७२ ते २७६ पर्यंतमध्ये बदल करण्याची प्रक्रिया केली जाणार आहे. केंद्र सरकारने कायद्यातील कलमांच्या शिक्षेमध्ये बदल करण्यास राज्य सरकारला परवानगी दिली आहे. त्यानुसार विधी विभागाच्या कायदेतज्ज्ञांकडून मार्गदर्शन घेण्यात येत असून, शिक्षेची मर्यादा वाढविण्याचा त्यातून प्रयत्न केला जाणार आहे. भेसळीच्या संदर्भातील कायद्यातील पळवाट रोखण्याचे उद्दिष्ट समोर ठेवण्यात आले आहे. दुधासह खाद्य पदार्थातील भेसळ रोखण्याकरिता प्रयत्न केले जातील. कायद्यातील तरतुदीबदलाच्या दृष्टीने राज्यात १४९ ठिकाणी २४ हजार नागरिकांना प्रशिक्षण देण्यात आले आहे. या वेळी चर्चेत बाळासाहेब थोरात, सुभाष साबणे, राहुल कुल, अतुल भातखळकर आदींनी भाग घेतला.

अन्न सुरक्षा व्यवस्थापन राबविणार -
राज्यात खाद्य पदार्थामधील भेसळ रोखण्यासाठी लवकरच अन्न सुरक्षा व्यवस्थापन राबविले जाणार आहे. यामध्ये सर्वांचा समावेश केला जाईल. व्यवस्थापनाचे प्रशिक्षण देऊन त्यांना सुरक्षा ठेवण्याचे तंत्र दिले जाईल.

चार मोबाईल व्हॅनची कामगिरी असमाधानकारक -
राज्यात अन्न व औषधी प्रशासनाने दुधासह अन्न पदार्थामधील भेसळ रोखण्यासाठी चार मोबाईल व्हॅन खरेदी केल्या आहेत. परंतु, या मोबाईल व्हॅनव्दारे तपासणी फारशी समाधानकारक झालेली नाही. त्याबद्दल संबंधितांना समज देण्यात येऊन त्यांना नवीन कार्यक्रम आखून दिला जाईल. मुंबईच्या मार्गावरून येणाऱ्या दुधाच्या टँकरची तपासणी करण्यात येईल. त्यासाठी अधिक कडक बंधने घालण्यात येतील, असे मंत्री गिरीश बापट यांनी सांगितली.

इतर अॅग्रो विशेष
फलोत्पादन अनुदान अर्जासाठी शेवटचे चार...पुणे : एकात्मिक फलोत्पादन अभियानातून (एमआयडीएच)...
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
ऊस पट्ट्यात द्राक्ष शेतीतून साधली...लातूर जिल्ह्यातील आनंदवाडी (ता. चाकूर) हे गाव ऊस...
खारपाणपट्ट्यात कृषी विद्यापीठाने दिला...खारपाणपट्ट्यात विविध हंगामात पिके घेण्यावर...
शेतीमाल दरवाढीचे लाभार्थी सधन शेतकरीचमिलिंद मुरुगकर यांनी अटलबिहारी वाजपेयी यांच्या...
व्यवस्था परिवर्तन कधी?सतराव्या लोकसभेची निवडणूक सध्या सुरू आहे. एक...
राज्यातील दहा मतदारसंघांत आज मतदानपुणे ः लोकसभा निवडणुकीच्या दुसऱ्या टप्प्यात...
मराठवाड्यात सव्वाचार लाख जनावरे चारा...औरंगाबाद : गत आठवड्याच्या तुलनेत औरंगाबाद, बीड व...
नुकसानीचे पंचनामे होणार केव्हा?जळगाव  ः खानदेशात सलग तिसऱ्या दिवशी म्हणजेच...
जीपीएसद्वारे टँकर्सचे नियंत्रण करा ः...मुंबई : राज्यातील धरण व तलावांमध्ये उपलब्ध...
राज्यात कोरड्या हवामानाचा अंदाजपुणे : पूर्वमोसमी पावसाच्या सर्वच भागात हजेरी...
चीनची दारे भारतीय केळीसाठी बंदच जळगाव ः अतिथंडी व फी जारियम विल्ट या रोगामुळे...
वादळी पावसाने दाणादाणपुणे  : सोसाट्याचा वारा, मेघगर्जना, विजा,...
उत्पादन वाढले; पण उठाव ठप्पशेतकऱ्यांच्या दृष्टीने चालू ऊस हंगाम फारसा ठीक...
शुभवार्तांकनावर शिक्कामोर्तबअर्धा देश दुष्काळाने आपल्या कवेत घेतला आहे....
'कोरडवाहू'साठी एक तरी शाश्‍वत पीक...माझ्याकडे उत्तम बागायतीची सुविधा असून, गेल्या २०-...