agriculture news in marathi, Chavi Rajavat, interview, Rajasthan | Agrowon

...या गावाची मुलगी म्हणून मी पुढाकार घेतला !
विनया पाटील
रविवार, 24 सप्टेंबर 2017

या गावाची मुलगी म्हणून मी पुढाकार घेतला. सरपंचपदाच्या पहिल्या कार्यकाळात गावात पाणी, वीज, रस्ते, गटारी, घनकचरा व्यवस्थापन प्रकल्प अशा मूलभूत सुविधांवर काम केले. त्यानंतर दुसऱ्यांदाही गावकऱ्यांनीच मला सरपंचपदी कायम राहण्याचा आग्रह केला. या दुसऱ्या टप्प्यात मी शिक्षण, कौशल्य विकास, शेतीचा विकास, पर्यावरण संतुलनावर भर दिला.

-  छवी राजावत, सरपंच, सोडा, राजस्थान

राजस्थानमधील सोडा गावच्या सरपंच छवी राजावत यांनी प्रयत्नपूर्वक गावाचा कायापालट केला आहे. ग्रामीण विकास आणि ग्रामीण भागात उच्चशिक्षित महिला सरपंच म्हणून काम करताना त्यांना अनेक अनुभव आले. ‘सकाळ टाइम्स’च्या प्रतिनिधी विनया पाटील यांनी राजावत यांची घेतलेली ही मुलाखत...

तुमच्या आजवरच्या प्रवासाबद्दल तसेच
सरपंचपद स्वीकारण्याबद्दल काय सांगाल?

ः खरे तर, सोडाचे सरपंचपद महिलेसाठी राखीव असल्याने मी गावकऱ्यांच्या आग्रहास्तव सरपंच होण्यास तयार झाले. सोडामध्ये २००९-१०च्या भीषण दुष्काळात कृषीआधारित असलेले गाव पूर्ण उद्‌ध्वस्त झाले. त्यामुळे या गावाची मुलगी म्हणून मी पुढाकार घेतला. सरपंचपदाच्या पहिल्या कार्यकाळात गावात पाणी, वीज, रस्ते, गटारी, घनकचरा व्यवस्थापन प्रकल्प अशा मूलभूत सुविधांवर काम केले. त्यानंतर दुसऱ्यांदाही गावकऱ्यांनीच मला सरपंचपदी कायम राहण्याचा आग्रह केला. या दुसऱ्या टप्प्यात मी शिक्षण, कौशल्य विकास, शेतीचा विकास, पर्यावरण संतुलनावर भर दिला.

पर्यावरण संतुलनाची तयारी कशी केली?
ः गावामध्ये पाण्याचे प्रचंड दुर्भिक्ष असल्याने जलस्रोत आणि जंगलांचे रक्षण आणि पुनरुज्जीवन केले. आता आम्ही तज्ज्ञांच्या साहाय्याने पुढच्या पिढीला मानव आणि निसर्गामधील सहचर्याचे नाते समजून देण्याचा प्रयत्न करीत आहोत. 

तुमच्यासमोरील प्रमुख आव्हाने कोणती?
ः निधीचा आणि कौशल्याची कमतरता ही प्रमुख आव्हाने आहेत. दर्जेदार शिक्षण, कृषी आदी विषय माझ्या अभ्यासाचे नसल्याने तज्ज्ञांच्या मदतीने आम्ही या आव्हानावर मात करण्याची आशा बाळगून आहोत. 

यासंदर्भात तुमच्या भोवतालच्या व्यवस्थेचे सहकार्य कसे आहे?
ः भारतातील पंचायत व्यवस्थेचे खऱ्या अर्थाने सक्षमीकरण झालेले नाही. कोणत्याही गावच्या सरपंचाचा बाहेरील जगाशी फारसा संपर्क नसतो. ते पंचायत सचिवांवर अवलंबून असतात. त्यामुळे व्यवस्था प्रत्यक्षात व्यक्तिगत पातळीवर काम करते. सत्तेत असणाऱ्या सर्व व्यक्तिगत घटकांकडे विकासाची समान दृष्टी असल्यासच विकास घडून येतो. 

महिला म्हणून सामना कराव्या लागलेल्या आव्हानांबद्दल...
ः मी सांगितल्याप्रमाणे पंचायत व्यवस्था सक्षम नसणे, हे पहिले आव्हान आहे. माझ्या महिला असण्याचा मुद्दा नंतरचा आहे. अपेक्षित साहाय्य न मिळाल्याने गोंधळलेले अनेक पुरुष सरपंच मी पाहिले आहेत. अर्थात, तरुण महिला असल्याने फरक पडतोच. बहुतांश सरकारी अधिकारी पुरुष असल्याने एखाद्या महिलेने विचारलेल्या प्रश्‍नांमुळे ‘पुरुषी अहंकार’ दुखावला जातोच. त्यातही महिलेला धमकाविण्याचे मार्ग असतात. तरीही मी कामाचा भाग म्हणूनच या सर्वांकडे पाहते. 

तुमच्या मते अशा परिस्थितीवर उपाय काय?
ः तुम्हाला सर्वत्र काही चांगले लोकही भेटतात. अर्थात, त्यासाठी तुम्हाला अनेक दरवाजे ठोठावून निराशाही पदरी पाडून घ्यावी लागते. तुमच्याकडे प्रचंड संयम आणि चिकाटी हवी. मला माझ्या पालकांकडूनही ध्येयावरचे लक्ष्य विचलित न होण्यासाठी पाठिंबा मिळाला.  शेवटी आपल्यामुळे फरक पडत असल्याचे लक्षात आल्यावर पुढील प्रवास सुकर होतो. 

पुरुषसत्ताक पद्धतीचा सामना कसा केला?
ः शहरी भागात राहणे तुलनात्मकदृष्ट्या अधिक सक्षम बनविणारे असते. महिलेच्या हाती अधिकार दिल्याने फरक पडतो. मी बालविवाहाविरुद्धही उघडपणे आवाज उठविला आहे. माझ्यासारखी महिला सरपंच पाहून लोकांना त्यांच्या मुलींना शिकविण्याची प्रेरणा मिळाली आहे. तरीही शिकू न देणाऱ्या पालकांविरुद्ध मुलीच माझ्याकडे तक्रार करतात. सहजसोप्या संवादामुळे ही समस्या सुटू शकते. गावातील अनेक लोकांनी आपल्या मुलीचे नाव ‘छवी’ ठेवले असून, प्रौढ महिलाही शिक्षणासाठी पुढे सरसावत आहेत. हे सकारात्मक चिन्ह असून लोक नव्या कल्पनांचे नेहमीच स्वागत करतात, मुद्दा फक्त पहिले पाऊल उचलण्याचा असतो.
 
एखाद्या राजकीय पक्षाने तुमच्याशी संपर्क केला आहे का? तो केला असल्यास तुमची भूमिका काय आणि राजकीय पाठबळाशिवाय टिकाव धरणे कितपत अवघड आहे?
 अजून तरी कुठल्या पक्षाने संपर्क केला नाही. मात्र, तळागाळात काम करणाऱ्या पक्षाची निवड करण्याचा निकष मी ठेवला आहे. त्याचप्रमाणे, पंचायत स्तरावर पक्षीय राजकारण अभिप्रेत नाही. त्यामुळेच येथील राजकारणाला मुख्य प्रवाहातील राजकारण असे संबोधले जात नाही.

तुमच्या मते ग्रामीण विकासाची गुरुकिल्ली कोणती?
आपल्या देशातील विविधता पाहता सर्व मुद्यांवर अशी कुठलीही एकच गुरुकिल्ली नाही. मात्र, मूलभूत सुविधांच्या पूर्ततेला पर्याय नाही, हे माझे मत आहे. पाणी, घरे, वीज पुरविलीच पाहिजे. शिक्षणाबरोबरच कौशल्ये आणि नागरिकत्वाची जोपासणूक करण्याचे धडेही द्यायला हवेत. सशक्त ग्रामीण अर्थव्यवस्थेसाठी हे महत्त्वाचे आहे. देशाच्या विकासात जातीयवादाचा सर्वांत मोठा अडथळा आहे 

इतर अॅग्रो विशेष
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...
सहकार विभाग आयुक्तांविना पोरकापुणे : गेल्या आठ महिन्यांपासून राज्याच्या सहकार...
आत्मा प्रकल्प संचालक चौकशीत दोषीपुणे: कृषी खात्यातील वादग्रस्त अधिकारी बी. एन....
लोकसभा निवडणुकीत भाजपच्या ‘व्होट शेअर’...पुणे : यंदाच्या लोकसभा निवडणुकीत भारतीय जनता...
खानदेशात पूर्वहंगामी कापूस लागवड सुरू जळगाव ः खानदेशात मुबलक जलसाठे किंवा कृत्रिम...
कोकण वगळता उष्ण लाटेचा इशारापुणे : विदर्भ, मराठवाडा, मध्य महाराष्ट्राच्या...
शेतकऱ्यांनो विकते ते पिकवाः डॉ. भालेअकोला ः येत्या हंगामात पीक लागवड करताना...
हतबलतेतून फळबागांवर कुऱ्हाड अन्‌...जालना : जीवापाड जपलेली बाग वाचविण्यासाठी रानोमाळ...
विषाणूंद्वारे खोल मातीतही पोचविता येतील...मातीमध्ये खोलवर पिकाच्या मुळावर एखाद्या बुरशी...
जळगाव : शिवारात पाणीबाणी, शेतकरीराजा...जळगाव ः गावात तीन वर्षांपासून पावसाच्या लहरीपणाने...
हरवले जलभान कोनाड्यात‘नॅशनल एरोनॉटिक्स अँड स्पेस ॲडमिनिस्ट्रेशन’...
मोदी लाटेचे गारुडसतराव्या लोकसभेचे भवितव्य स्पष्ट झालेले आहे. खरे...
राज्यात महायुतीची त्सुनामी...मुंबई  ः सतराव्या लोकसभेच्या निवडणुकीत देशभर...
चंदन लागवडचंदन मध्यम उंच आणि परोपजीवी प्रजाती आहे....
हुमणीच्या प्रौढ भुंगे­ऱ्यांचा सामुदायिक...गेल्या काही वर्षांत राज्यामध्ये हुमणी अळीचा...
संरक्षित शेतीतून आर्वीतील शेतकऱ्यांची...वाढती पाणीटंचाई आणि  बदलत्या हवामानामुळे...
उन्हाचा चटका ‘ताप’दायकपुणे : सूर्य चांगलाच तळपल्याने उन्हाचा चटका...