agriculture news in marathi, cheating of banana growers, jalgaon, maharashtra | Agrowon

केळी उत्पादकांची तीन वर्षांत दोनशे कोटींची फसवणूक
टीम अॅग्रोवन
शनिवार, 25 ऑगस्ट 2018

बाजार समित्यांकडून चूक झाली म्हणून फसवणुकीचे प्रकार घडले. काही जण नामदार म्हणून बाजार समित्यांमध्ये काम करतात. माझी दोनदा केळी खरेदीत फसवणूक झाली. मध्यंतरी तांदलवाडी, निंबोलच्या शेतकऱ्यांना कोट्यवधींचा गंडा केळी खरेदीदारांनी घातला. बाजार समितीला याचे काहीएक देणेघेणे नाही. ते सरळ हात वर करतात; मग जो शेतमालाचा व्यापार सुरू असतो, त्यावर नियंत्रण कुणाचे? हा प्रश्‍न आहे.
- अतुल मधुकर पाटील, केळी उत्पादक, केऱ्हाळे बुद्रुक, ता. रावेर, जि. जळगाव.

जळगाव   ः जिल्ह्यात बिगर परवानाधारक केळी खरेदीदारांनी मागील तीन वर्षांत शेतकऱ्यांची जवळपास २०० कोटींची फसवणूक केली आहे. या प्रकरणांमध्ये पोलिसात तक्रारी आहेत; पण तपास पुढे सरकून कुणालाही न्याय मिळालेला नाही. गावोगावी केळी खरेदीदारांचा सुळसुळाट आहे. बाजार समित्यांकडे त्याची कोणतीही नोंद नसते. बाजार समितीचा डोळा फक्त सेवाशुल्क व इतर शुल्कावर असतो. जर फसवणूक झाली तर सर्वच बाजार समित्या हात वर करीत असल्याचा प्रकार जिल्ह्यात  राजरोस सुरू आहे.

जिल्ह्यात उत्तर व मध्य भारतासह स्थानिक व्यापारी केळीची खरेदी करतात; परंतु अनेक व्यापारी नोंदणीकृतच नसतात. त्यांची कोणतीही नोंद बाजार समितीकडे नसते. कारण जर केळीचा व्यापार करायचा असला तर नोंदणीची सक्ती, नोंदणीसंबंधीची ठोस यंत्रणा जिल्ह्यातील कुठल्याही बाजार समितीकडे नाही. केळीची खेडा खरेदी केली जाते. बाजार समितीत आवक नसते. व्यापारी येतो, थेट खरेदी करतो. दोन - चार व्यवहारांसंबंधी सचोटी दाखवितो, नंतर फसवणूक करून गाशा गुंडाळून पळून जातो. हे असे प्रकार मागील तीन वर्षांत रावेर, चोपडा, जळगाव, यावल, मुक्ताईनगर, जामनेर भागात घडले.

जे व्यापारी खरेदी करतात, ते पावती देतात. पण त्यावर परवाना क्रमांक, संपर्काची सविस्तर माहिती (पत्ता, क्रमांक वगैरे), बाजार समितीशी संबंधित संपर्क आदी कोणतीही माहिती नसते. ते पळून गेल्यावर त्यांचे जे मोबाईल क्रमांक असतात, ते बंद होतात. पोलिसात तक्रार केली तर आठ दिवस तपास केला जातो. मग नंतर काहीएक कारवाई होताना दिसत नाही. सुमारे २०० कोटींची फसवणूक मागील तीन वर्षांत झाली. पण एकाही प्रकरणाचा तपास झालेला नाही.

रावेर तालुक्‍यातील केऱ्हाळे, तांदलवाडी, निंबोल, ऐनपूर, खिर्डी, यावलमधील साकळी, वड्री, भालोद भागातील अनेक शेतकऱ्यांची फसवणूक झाली आहे. चोपडा तालुक्‍यातील वढोदा, विटनेर, गोरगावले बुद्रुक भागातही फसवणुकीचे प्रकार घडले; पण न्याय कुण्या शेतकऱ्याला मिळाला नाही.

बाजार समितीचा फक्त शुल्कावर डोळा
जिल्ह्यात जी खेडा खरेदी केळीची केली जाते, त्यासंबंधी गत वर्षी किंवा गत काळात बाजार समितीने व्यापाऱ्यांकडून सेवा व इतर शुल्काच्या नावाखाली पैसे आकारले. ही आकारणी व्यापाऱ्याकडून केली. शेतकऱ्याकडून कोणतेही शुल्क घेतले नाही. हे शुल्क आकारले, पण ते कुणाकडून आकारले, संबंधितांची सविस्तर माहिती बाजार समितीकडे कशी उपलब्ध नाही.

कारण ज्यांच्याकडून आपण शुल्क घेतो, त्याचा पत्ता, सविस्तर माहिती, अनामत रक्कम बाजार समितीकडे जमा असायलाच हवी. ही अनामत रक्कम २० लाखांवर किमान असावी. कारण फसवणूक झाल्यानंतर संबंधित रकमेतून शेतकऱ्यांचे पैसे अदा करता येतील. नंतर कारवाई, तपास करता येईल व व्यापारीही फसवणूक करण्यापूर्वी नक्कीच विचार करतील, असा  मुद्दा शेतकऱ्यांनी उपस्थित केला आहे.
 

इतर अॅग्रो विशेष
गोकुळकडून गायीच्या दूध खरेदी दरात २...कोल्हापूर: कोल्हापूर जिल्हा दूध संघाने (गोकुळ)...
तीस टन हापूसची रत्नागिरीतून थेट निर्यातरत्नागिरी ः रत्नागिरीतील प्रक्रिया केंद्रातून...
उन्हाचा चटका; उकाडा नकोसापुणे : मे महिन्याच्या सुरवातीपासून कमाल तापमान...
पूर्वमोसमी वळीवाच्या सरींचाही दुष्काळपुणे: उन्हाच्या झळा वाढल्याने राज्याला तीव्र...
ग्राम स्तरावरील पीककापणी प्रयोग रद्द !पुणे: राज्यात येत्या खरिपात पीकविम्यासाठी ग्राम...
पराभव मान्य; पण लढाई संपलेली नाही... :...राज्यातील शेतकरी चळवळीचा चेहरा असलेले स्वाभिमानी...
दुधाचा कृशकाळ सुरू होऊनही दर कमीच !पुणे: दुष्काळामुळे दुधाचा कृशकाळ सुरू झालेला असून...
उष्ण, कोरड्या हवामानाचा अंदाज पुणे: राज्यातील कमाल तापमानाचा पारा गेल्या काही...
एचटीबीटीविरोधात मोहीम तीव्र पुणे: राज्यात सुरू असलेल्या अनधिकृत तणनाशकाला...
फलोत्पादनासाठी अर्ज करण्यात नगर अव्वलनगर : एकात्मिक फलोत्पादन विकास अभियानअंतर्गत...
राज्यात पाणीटंचाईचा आलेख वाढताचपुणे: उन्हाचा चटक्याबरोबरच राज्यात पाणीटंचाईचा...
शेतकरी कंपन्या लातूरमध्ये उभारणार डाळी...लातूर : स्पर्धाक्षम बाजार घटक म्हणून शेतकरी...
देशातील जलाशयांमध्ये २१ टक्के पाणीसाठानवी दिल्ली ः उन्हाचा चटका वाढतानाच देशभरात...
नंदुरबारच्या दुर्गम भागात ‘सातपुडा भगर'...अक्कलकुवा तालुक्‍यातील आदिवासी महिला,...
गटशेती : काळाची गरजशेती शाश्वत व किफायतशीर होण्यासाठी एकट्याने शेती...
शिक्षण, आरोग्य अन्‌ प्रशिक्षणातून...नांदगाव (ता. बोदवड, जि. जळगाव) गावामध्ये विजय...
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...