‘निम्न दुधना’तून पाणी देण्याचे मुख्यमंत्र्यांचे आश्वासन

‘निम्न दुधना’तून पाणी देण्याचे मुख्यमंत्र्यांचे आश्वासन
‘निम्न दुधना’तून पाणी देण्याचे मुख्यमंत्र्यांचे आश्वासन

परभणी : निम्म दुधना प्रकल्पातून पिण्यासाठी पाणी राखून ठेवून शिल्लक राहिल्यास सिंचनासाठी पाणी सोडण्यात येईल. ते प्राधान्याने चारा पिकासाठी असेल, असे आश्वासन मुख्यमंत्री देवेंद्र फडणवीस यांनी मंगळवारी (ता.१३) परिवहनमंत्री दिवाकर रावते यांना दिले, अशी माहिती सूत्रांनी दिली.

जिल्ह्यात यंदा अत्यल्प पाऊस झाला आहे. त्यामुळे दुष्काळी परिस्थिती उद्भवली आहे. निम्न दुधना प्रकल्पाच्या लाभक्षेत्रातील शेतकऱ्यांनी रब्बी हंगामातील पिकांच्या सिंचनासाठी दोन्ही कालव्याद्वारे पाणी आवर्तने सोडण्याची मागणी केली होती. सेलू येथे या मागणीसाठी ‘रास्ता रोको’ आंदोलन करण्यात आले. शेतकऱ्यांची मागणी तसेच जिल्ह्यातील भीषण पाणीटंचाई लक्षात घेऊन कालव्याच्या लाभ क्षेत्रातील सेलू, मानवत, जिंतूर या तालुक्यांतील शेतकऱ्यांना डिसेंबर-जानेवारी महिन्यापर्यंत दुधना प्रकल्पातून दोन पाळ्यांमध्ये पाणी सोडण्यात यावे, असे निर्देश जलसंपदा विभागाचे सचिव यांना रावते यांनी दिले, तसेच त्या संदर्भातील आदेश काढण्याच्या सूचना केल्या.

 परभणीच्या शेतकऱ्यांसाठी आणि नागरिकांसाठी निम्न दुधना प्रकल्पातून प्रत्येकी ५ लाख घनमीटर पाणी सोडण्याचे आदेश निघण्याची शक्यता आहे. कालव्याद्वारे पाणी सोडल्यास जिल्ह्यातील रब्बी हंगामातील गहू, हरभरा या पिकांना फायदा होईल. तसेच पाण्यामुळे जनावरांसाठी मोठ्या प्रमाणात चाराही उपलब्ध होईल, असे रावते यांनी सांगितले. दरम्यान, कालवा सल्लागार समितीच्या मंजुरीनंतर निम्न दुधना प्रकल्पातून पाणी सोडण्याचा निर्णय घेतला जाईल, असे सूत्रांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com