agriculture news in marathi, chief minister dont give any assurance to farmers, solapur, maharashtra | Agrowon

सोलापुरातील अडचणीतील शेतकऱ्यांसाठी आश्‍वासनांचा ‘दुष्काळ’
टीम अॅग्रोवन
गुरुवार, 18 ऑक्टोबर 2018

सोलापूर  ः सोलापूर जिल्ह्यात दुष्काळाची तीव्रता वाढली आहे. पिण्याच्या पाण्यासह जनावरांच्या चाऱ्याचा प्रश्‍न गंभीर झाला आहे. जिल्ह्यात सरसकट हे वास्तव असताना, त्यात दुष्काळाच्या पहिल्या यादीत केवळ नऊ तालुक्‍यांचा समावेश करत दोन तालुके वगळले आहेत. या सगळ्या पार्श्‍वभूमीवर आढाव्यासाठी मुुख्यमंत्री देवेंद्र फडणवीस बुधवारी (ता.१७) सोलापुरात आले.

सोलापूर  ः सोलापूर जिल्ह्यात दुष्काळाची तीव्रता वाढली आहे. पिण्याच्या पाण्यासह जनावरांच्या चाऱ्याचा प्रश्‍न गंभीर झाला आहे. जिल्ह्यात सरसकट हे वास्तव असताना, त्यात दुष्काळाच्या पहिल्या यादीत केवळ नऊ तालुक्‍यांचा समावेश करत दोन तालुके वगळले आहेत. या सगळ्या पार्श्‍वभूमीवर आढाव्यासाठी मुुख्यमंत्री देवेंद्र फडणवीस बुधवारी (ता.१७) सोलापुरात आले. पण ग्रामीण भागातील दुष्काळाच्या या गंभीर संकटाबाबत फारसे न बोलता, शहरातील विविध प्रश्‍नांसह अन्य विभागांचा आढावा घेत, संपूर्ण जिल्हा दुष्काळी जाहीर करणे वा मदत, या सगळ्याबाबत कोणतेही ठोस आश्‍वासन न देता त्यांनी शेतकऱ्यांची निराशा केली.
 

मुख्यमंत्री फडणवीस सकाळी दहा वाजता अगदी वेळेत सोलापुरात पोचले, ते थेट जिल्हाधिकारी कार्यालयात आले. त्यांच्या बैठकांच्या नियोजनानुसार तीन बैठका ते घेणार होते. पहिल्या टप्प्यात त्यांनी विविध शासकीय विभागांचा आढावा घेतला, त्यानंतर महापालिकेशी संबंधित कामांचा आढावा घेतला, त्यानंतर कायदा व सुव्यवस्थेचा आढावा घेतला. पण दुष्काळाच्या आढाव्याबाबत त्यांच्या नियोजनात कुठेच उल्लेख नव्हता. या कार्यक्रमानुसारच सगळ्या बैठका पार पडल्या.
त्यामुळे दुष्काळ इथेही मागे पडल्याचे चित्र होते.

विशेष म्हणजे सोलापूर जिल्ह्यात यंदा हंगामाच्या सुरवातीपासून आतापर्यंत केवळ ३८ टक्के पाऊस झाला आहे. पावसाने पाठ फिरवल्याने खरीप हातचा गेला आहे, पण रब्बीबाबतही आता साशंकता आहे. एवढी भीषण परिस्थिती उदभवली असताना, मुख्यमंत्री फडणवीस काहीसा दिलासा देतील, अशी भाबडी आशा जिल्ह्यातील शेतकऱ्यांना होती.

त्यातच गेल्या दोन आठवड्यात दोनदा ठरलेला मुख्यमंत्र्यांचा दौरा रद्द झाला होता, बुधवारीही ते येणार की नाही, याची शाश्‍वती नव्हती. त्यामुळे मुख्यमंत्र्यांच्या या दौऱ्याकडे सगळ्या जिल्हावासीयांचे लक्ष लागले होते. अखेरीस ते आले, पण हात रिकामे ठेवूनच गेले.

बैठकांपासून लोकप्रतिनिधीही दूर
मुख्यमंत्र्यांच्या या बैठकीत विविध विभागांचा आढावा घेण्यात आला. त्यासाठी संबंधित विभागाचे सर्व वरिष्ठ अधिकारी उपस्थित होते. पण जिल्ह्यातील कोणत्याही आमदार, जिल्हा परिषद सदस्य व अन्य लोकप्रतिनिधींना बैठकीचे आमंत्रण नव्हते. त्यामुळे समोर फक्त अधिकारी, विषय मांडणार कोण? हा प्रश्‍न होता. काही लोकप्रतिनिधी बैठकीसाठी म्हणून आले. पण त्यांना आमंत्रण नसल्याने बाहेरच थांबावे लागले. ज्येष्ठ नेते, आमदार गणपतराव देशमुख, आमदार बबनराव शिंदे, आमदार दिलीप सोपल यांनी याबाबत नाराजी व्यक्त केली.
 
दुष्काळापेक्षा शहरी प्रश्‍नांवर जोर
बैठकीनंतर झालेल्या पत्रकार परिषदेत मुख्यमंत्री फडणवीस यांनी जिल्ह्यात ऑक्‍टोबरअखेर दुष्काळी परिस्थितीची आणखी पाहणी होईल. दुष्काळाकडे जिल्ह्याची वाटचाल सुरू आहे, असे सांगत ट्रीगर दोननुसार काही तालुके त्यात समाविष्ट झाले आहेत. उर्वरित तालुक्‍याबाबत ग्राउंड रिपोर्टनुसार कार्यवाही करू, असे तांत्रिक कारण दिले. टॅंकरची सध्या गरज वाटत नाही, पण चाऱ्यासाठी वैरणविकास योजनेतून १५०० हेक्‍टरवर मका लागवडीसाठी प्रयत्न केले जातील. पाण्यासाठी विहिरी, विंधन विहिरी अधिगृहित करण्यात येतील, असे ठोकळेबाज उत्तर देत दुष्काळाच्या परिस्थितीबाबत ठोस न बोलता, आश्‍वासन न देता हा विषय आटोपता घेतला. पण शहराच्या विविध प्रश्‍नांवर मात्र अगदी दिलखुलास उत्तरे दिली. याच पत्रकार परिषदेत शहरातील उड्डाण पुलासाठी २९९ कोटींचा निधी देण्याचे, मुख्यमंत्री पेयजल योजनेसाठी ३०० कोटी देण्याचे आश्‍वासन मात्र त्यांनी दिले.

इतर ताज्या घडामोडी
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...
सरकारला शेतकऱ्यांचे काहीच पडलेले नाही ः...मुंबई  : ''किडनी घ्या; पण बियाणे द्या...
‘सर्जा-राजा’ला माउलींच्या रथाचा मानमाळीनगर, जि. सोलापूर  : संत ज्ञानेश्‍वर...
पूर्णवेळ संचालकानेच लावले  `केम`...अमरावती  ः कृषी समृद्धी समन्वयित प्रकल्पातील...
तत्कालीन प्रकल्प अधिकारी ‘केम’...मुंबई : विदर्भातील सहा जिल्ह्यांतील कृषी...
कृषी सल्ला : पानवेल, गुलाब, ऊस, मका,...हवामान ः पुढील पाचही दिवस आकाश अंशतः ढगाळ राहील...