हमीभावात खरेदीसाठी शेतकरी कंपन्यांचा पर्याय

हमीभावात खरेदीसाठी शेतकरी कंपन्यांचा पर्याय
हमीभावात खरेदीसाठी शेतकरी कंपन्यांचा पर्याय

बुलडाणा : मागील हंगामात मूग, उडीद, सोयाबीन, तूर खरेदीमध्ये अनियमितता झालेल्या केंद्रावरील संचालक संस्थांना काळ्या यादीत टाकले. त्यानंतर तेथे पर्याय म्हणून मूग, उडीद खरेदीची जबाबदारी शेतकरी उत्पादक कंपन्यांवर सोपविली अाहे. पर्यायासाठी प्रस्तावच न आलेल्या केंद्राबाबत काही अटी शिथिल करून पुन्हा एकदा जुन्याच संस्थेबाबत विचार केला जात असल्याचे समजते.

या हंगामाला सुरवात करण्यापूर्वी शासनाने कडक धोरण अवलंबून मागील हंगामात अनियमितता झालेल्या खरेदी केंद्रावरील केंद्रचालक संस्थांना या वेळी डच्चू दिला आहे. शिवाय संबंधित खरेदीदार संस्थांना काळ्या यादीत टाकण्यात अाले. यामुळे अशा संस्थांचा यंदा खरेदी प्रक्रियेत सहभाग राहणार नाही. त्यांना पर्याय म्हणून इतर संस्था, शेतकरी कंपन्यांकडून प्रस्ताव मागविले आहेत.

जिल्ह्यात मेहकर, बुलडाणा, सिंदखेडराजा, संग्रामपूर अाणि शेगाव या पाच ठिकाणच्या संस्थांना काळ्या यादीत टाकले आहे. या हंगामात खरेदीसाठी पर्यायी अर्ज यंत्रणांकडून मागविण्यात अाले. संग्रामपूर वगळता इतर ठिकाणांसाठी अर्ज अाले. त्यामुळे तेथील खरेदीचा मार्ग मोकळा झाला. ही स्थिती लक्षात घेऊन या केंद्राबाबत वेगळा विचार सुरू असून, नियम थोडे शिथिल करून सुधारित प्रस्ताव वरिष्ठांकडे पाठवला जाणार अाहे. याला मंजुरी मिळाली तर हे केंद्रसुद्धा तातडीने सुरू होण्याची शक्यता आहे.

आॅनलाइन नोंदणीत २४५०० शेतकरी 

मूग, उडीद, सोयाबीन विक्रीसाठी अाॅनलाइन नोंदणी करण्याचे अावाहन शासनाने केले अाहे. यानुसार जिल्ह्यात अातापर्यंत राज्य मार्केटिंग फेडरेशन व विदर्भ मार्केटिंग फेडरेशनकडे ही नोंदणी झाली अाहे. अाॅनलाइन नोंदणीला शासनाने पुन्हा एकदा १५ नोव्हेंबरपर्यंत मुदतवाढ दिली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com