agriculture news in Marathi, The city will be repealed in the south of 1991: Sharad Pawar | Agrowon

नगर दक्षिणमध्ये १९९१ ची पुनरावृत्ती होईल ः शरद पवार
टीम अॅग्रोवन
शुक्रवार, 15 मार्च 2019

नगर ः नगर लोकसभा मतदारसंघातील निवडणुकीकडे संपूर्ण देशाचे लक्ष राहील. यात कार्यकर्त्यांना निवडणुकीत व निवडणुकीनंतरही लढत राहावे लागेल. यापूर्वीही अशीच स्थिती निर्माण झाली होती. १९९१च्या निवडणुकीची पुनरावृत्ती होईल. नगरचा मतदार स्वाभिमान गहाण ठेवत नाही, असा विश्‍वास राष्ट्रवादी कॉँग्रेसचे अध्यक्ष ज्येष्ठ नेते शरद पवार यांनी व्यक्त केला. नगरमध्ये सहकारशक्‍ती व संपत्ती निवडणुकीत उतरते, त्या वेळी जनता त्यांना त्यांची जागा दाखवून देते, असेही पवार म्हणाले. 

नगर ः नगर लोकसभा मतदारसंघातील निवडणुकीकडे संपूर्ण देशाचे लक्ष राहील. यात कार्यकर्त्यांना निवडणुकीत व निवडणुकीनंतरही लढत राहावे लागेल. यापूर्वीही अशीच स्थिती निर्माण झाली होती. १९९१च्या निवडणुकीची पुनरावृत्ती होईल. नगरचा मतदार स्वाभिमान गहाण ठेवत नाही, असा विश्‍वास राष्ट्रवादी कॉँग्रेसचे अध्यक्ष ज्येष्ठ नेते शरद पवार यांनी व्यक्त केला. नगरमध्ये सहकारशक्‍ती व संपत्ती निवडणुकीत उतरते, त्या वेळी जनता त्यांना त्यांची जागा दाखवून देते, असेही पवार म्हणाले. 

सध्या राज्याच्या राजकारणात सातत्याने चर्चेत असलेल्या नगर दक्षिण लोकसभा मतदारसंघाच्या पाश्वरभूमीवर राष्टवादीचे अध्यक्ष शरद पवार यांनी बुधवारी सायंकाळी मुंबईतून व्हिडिओ कॉन्फरन्सिंगद्वारे नगरमधील पक्षाच्या कार्यकर्त्यांशी संवाद साधला. पक्षाचे प्रदेशाध्यक्ष आमदार जयंत पाटील पवार यांच्या समवेत होते. लक्ष्मीनारायण मंगल कार्यालयात ही व्हिडिओ कॉन्फरन्स झाली. 

पवार म्हणाले, ‘‘सर्वसामान्य लोक विरुद्ध सहकारशक्‍तीचा लाभ घेऊन बलवान झालेले, यांच्यातील ही निवडणूक आहे. मला आठवते, एका निवडणुकीत आव्हानात्मक परिस्थिती होती. त्या वेळी कॉँग्रेसचे राष्ट्रीय अध्यक्ष राजीव गांधी यांनी मला बोलावून सांगितले होते, की नगर जिल्ह्यातील कार्यकर्त्याला ताकद द्या आणि पक्षाची जागा निवडून आणा. त्या वेळी त्यांनी यशवंतराव गडाख यांना उमेदवारी दिली. ती गाजलेली निवडणूक होती. धनसंपत्ती आणि सहकाराच्या शक्‍तीला नगर जिल्ह्यातील मतदारांनी पराभूत केले. या वेळीही तशीच स्थिती आहे.’’

राष्ट्रवादी कॉँग्रेसकडे काही सहकाऱ्यांनी तिकिटाची मागणी केली होती. पक्षातील उमेदवाराला संधी द्यायची की पक्षाबाहेरील उमेदवाराला? याबाबत चर्चा झाली. यात पक्षाची ध्येय-धोरणे जनतेपर्यंत नेणाऱ्या पक्षातीलच कार्यकर्त्याला संधी द्यावी, असे निश्‍चित केले. त्यामुळे जाणीवपूर्वक हा मतदारसंघ आपल्याकडेच ठेवला. या मतदारसंघात ‘राष्ट्रवादी’चे दोन आमदार आहेत. एका ठिकाणी आपण थोडक्‍यात पराभूत झालो होतो. कॉँग्रेसपेक्षा येथे ‘राष्ट्रवादी’ची ताकद जास्त आहे. त्यामुळे कार्यकर्त्यांची प्रतिष्ठा व मतदारांचा आदर ठेवणारा निर्णय घेतला, असे पवार यांनी स्पष्ट केले. 

काही लोक आपल्या साधनांच्या माध्यमातूनच निवडणुकीत उतरण्याच्या तयारीत होते. त्यांना कोठून उभे राहायचे याची चिंता नव्हती. यशवंतराव गडाखांच्या निवडणुकीत सामान्य कार्यकर्ता व मतदार त्यांच्या मागे उभा राहिला होता. त्याचीच आता पुनरावृत्ती होईल. ही निवडणूक जिंकायचीच, या दृष्टीने तयारीला लागा, असे आवाहनही पवार यांनी केले. या वेळी काही कार्यकर्त्यांनी शरद पवार यांनीच नगरमधून लढावे, असे आवाहन केले.

इतर बातम्या
भाजपकडून लोकसभा उमेदवारांची पहिली यादी...नवी दिल्ली : पंतप्रधान नरेंद्र मोदी वाराणसी तर...
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
पुणे विभागात हरभरा, गव्हाची काढणी...पुणे ः उन्हाचा चटका वाढल्याने रब्बी हंगामातील गहू...
पूर्व भागात कृष्णा, वारणा नद्या पडल्या...कोल्हापूर : जिल्ह्याच्या पूर्व भागात कृष्णा व...
ताकारीच्या तिजोरीत १३ कोटी शिल्लकवांगी, जि. सांगली ः मागील १५ वर्षांपासून दरवर्षी...
गिरणा नदीतून पाण्याची ग्रामस्थांना...जळगाव ः पिण्याच्या पाण्यासंबंधी सोडलेले गिरणा...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
दुबळवेल ग्रामस्थांचा निवडणुकीवर बहिष्कारवाशीम : नागरिकांना अावश्यक असलेल्या पायाभूत...
नांदेड, परभणी, हिंगोलीत अन्नत्याग आंदोलननांदेड : नांदेड, परभणी, हिंगोली जिल्ह्यांतील...
दुष्काळी भागाला मिळतोय चिंचेचा आधारशिरूर कासार, जि. बीड ः दुष्काळाच्या गंभीर झळा...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
छोट्या शेतकऱ्यांच्या समस्या कायम ः...राहुरी विद्यापीठ, जि. नगर : विविध पिकांच्या...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...