agriculture news in marathi, clean india campaign, jalgaon | Agrowon

जळगाव जिल्ह्यातील ४१८ ग्रामपंचायती हागणदारीमुक्त
चंद्रकांत जाधव
सोमवार, 9 ऑक्टोबर 2017
हागणदारीमुक्तीसंबंधी जिल्ह्यात गतीने काम सुरू आहे. या महिन्यात कामे पुन्हा सुरू होतील. यासोबत जेथे शौचालयांच्या वापराबाबत ग्रामस्थांमध्ये अनास्था आहे तेथे जनजागृतीचे काम हाती घेण्यात आले आहे. 
- राजन पाटील, उपमुख्य कार्यकारी अधिकारी, पाणी व स्वच्छता विभाग, जिल्हा परिषद, जळगाव
जळगाव : जिल्ह्यातील ११५१ पैकी फक्त ४१८ ग्रामपंचायती हागणदारीमुक्त झाल्या आहेत. तब्बल ७३३ ग्रामपंचायती हागणदारीमुक्त झालेल्या नाहीत. यातच मार्च २०१८ पर्यंत सर्व ग्रामपंचायती हागणदारीमुक्त करण्याचे उद्दिष्ट जिल्हा परिषदेने निश्‍चित केलेले आहे, पण कामांची गती संथ राहिली तर हे उद्दिष्ट पूर्ण होणार कसे, हा प्रश्‍न उपस्थित झाला आहे. 
 
हागणदारीमुक्तीसाठी वैयक्तिक शौचालये बांधकामाचे काम हाती घेण्यात आले असून, १२ हजार रुपये अनुदान प्रतिशौचालय बांधणीसाठी दिले जात आहे. ग्रामस्थ शौचालये तयार करून घेत आहेत, परंतु अनुदान नसल्याने यासंदर्भातील कामे जळगाव, अमळनेर, पाचोरा येथे रखडली आहेत. याकरिता आणखी सहा कोटी रुपयांच्या अनुदानाची गरज असल्याची माहिती जिल्हा परिषदेतून मिळाली. सध्या पावसाळ्याचे कारण सांगून कामे ग्रामस्थांनी बंद ठेवली आहेत, पण दिवाळीनंतर कामांना गती येईल, असे जिल्हा परिषदेतील वरिष्ठ अधिकाऱ्यांचे म्हणणे आहे. 
 
जिल्हा परिषदेच्या पाणीपुरवठा व स्वच्छता विभागाने जारी केलेल्या आकडेवारीनुसार हागणदारीमुक्तीचे काम ३६ टक्के झाले आहे. त्यातच जलसंपदामंत्री गिरीश महाजन यांच्या जामनेर मतदारसंघात किंवा तालुक्‍यात १०८ पैकी १८ ग्रामपंचायती हागणदारीमुक्त झाल्या असून, ८९ ग्रामपंचायतींच्या क्षेत्रात कामे अपूर्ण आहेत. अशीच स्थिती सहकार राज्यमंत्री यांच्या जळगाव ग्रामीण मतदारसंघाची आहे.
 
या तालुक्‍यात ७० ग्रामपंचायती आहेत. पैकी २७ ग्रामपंचायती हागणदारीमुक्त झाल्या आहेत. भुसावळ तालुका हागणदारीमुक्त घोषित झाला आहे. परंतु या तालुक्‍यातील गोजोरे, कुऱ्हेपानाचे, वराडसीम आदी गावांच्या क्षेत्रात हागणदारीमुक्तीबाबची कामे अपूर्ण असून, हा तालुका कागदोपत्री हागणदारीमुक्त दाखविला आहे. 
 
जिल्ह्यात १५ तालुक्‍यांतर्गत असलेल्या ग्रामपंचायतींच्या क्षेत्रात चार लाख ९१ हजार ३०१ कुटुंबे आहेत. दोन लाख ८९ हजार ५४९ कुटुंबांकडे शौचालये आहेत. दोन लाख एक हजार ७५२ कुटुंबांकडे अद्याप शौचालये नसल्याची माहिती समोर आली आहे. 
 

इतर ताज्या घडामोडी
सर्वांच्या प्रयत्नांनीच गोवर्धन उचलला...अतिरिक्त दूध झाल्यास प्रक्रिया वाढविणे, त्यासाठी...
सरकारने दूध उत्पादक शेतकऱ्यांना थेट...महाराष्ट्र सध्या दुधाच्या प्रश्नावरून निर्माण...
प्रशासकीय अधिकाऱ्यांना दुग्ध व्यवसाय...‘शेतीपूरक व्यवसाय करा त्यातून आर्थिक स्थैर्य...
अतिरिक्त दूध कमी झाले की दर वाढेल :...राज्यात दूध दराचा गंभीर प्रश्‍न तयार झाला आहे....
पहिला अधिकृत जागतिक मधमाशी दिन आज होणार...संयुक्त राष्ट्रसंघाच्या २० डिसेंबर २०१७ रोजी...
राहुरी येथे मधमाशीविषयक प्रशिक्षणाचे...राहुरी ः मधुमक्षिका पालनाचे शेती उत्पादनात विशेष...
देशव्यापी शेतकरी संपादरम्यान...नाशिक : राष्ट्रीय किसान महासंघाच्या वतीने...
हरितगृहात गुलाब फुलांचे उत्पादन घेताना...जागतिक बाजारात गुलाब फुलांना वर्षभर मागणी असते....
तापमानात घट, ढगाळ हवामानासह पावसाची शक्...महाराष्ट्राचा पूर्वभाग, मध्य प्रदेश, गुजरात,...
लाल गराच्या संत्रा निर्यात वाढीसाठी... ऑस्ट्रेलियामध्ये आतील गर व रस रक्तासारख्या...
पीक सल्ला : बागायती कापूस, उन्हाळी...बागायती कापूस शेंदरी बोंड अळीचा प्रादुर्भाव...
पुणे जिल्ह्यातील साखर कारखान्यांचा गाळप...पुणे  ः पुणे जिल्ह्यातील साखर कारखान्यांचा...
परभणीत लिंबू प्रतिक्विंटल १५०० ते ३०००... परभणी : येथील जुना मोंढा भागातील फळे-भाजीपाला...
शेततळ्यांसाठी १०० टक्के अनुदानाची... बुलडाणा  : शेततळे हा शाश्वत सिंचनाचा...
नगर जिल्ह्यात पाण्याच्या टॅंकरला ‘... नगर  ः जिल्ह्यात यंदा उशिराने टॅंकरद्वारे...
यवतमाळ जिल्हा बॅंक पीककर्ज देणार फक्‍त...यवतमाळ ः आत्महत्याग्रस्त जिल्ह्यातील...
नगर जिल्ह्यात ९४ हजार ८४९ क्विंटल हरभरा... नगर  ः जिल्ह्यात नाफेडने सुरू केलेल्या १३...
शास्त्रज्ञांनी शेतकऱ्यांपर्यंत...  परभणी : हवामान बदलामुळे जगातील सर्वच...
राशी आणि कावेरीला कृषी विभागाची क्‍लीन...नागपूर : गेल्या हंगामात राज्यात विक्रीस बंदी...
पुणे विभागात ‘जलयुक्त’च्या कामांसाठी... पुणे : जलयुक्त शिवार अभियानाच्या २०१८-१९ मधील...