agriculture news in marathi, clean india campaign, nagar, maharashtra | Agrowon

हागणदारीमुक्ती अभियान जोरात; पण शौचालय वापराचे काय?
सुर्यकांत नेटके
बुधवार, 4 ऑक्टोबर 2017

नगर ः जिल्ह्यामध्ये ‘स्वच्छ भारत अभियान’चे काम वेगात सुरू आहे. आतापर्यंत तीन तालुक्‍यांसह ९३५ ग्रामपंचायती हागणदारीमुक्त झाल्याचे जिल्हा परिषदेच्या स्वच्छता कक्षातून सांगितले जात आहे. यंदा एक लाख शौचालये बांधली की जिल्हा हागणदारीमुक्त होईल, मात्र बांधलेल्या किती टक्के शौचालयांचा वापर सुरू आहे, याबाबत मात्र शंका उपस्थित केली जात आहे. स्वच्छता कक्षांकडूनही त्याबाबत फारसे गांभीयाने घेतले जात नाही. 

नगर ः जिल्ह्यामध्ये ‘स्वच्छ भारत अभियान’चे काम वेगात सुरू आहे. आतापर्यंत तीन तालुक्‍यांसह ९३५ ग्रामपंचायती हागणदारीमुक्त झाल्याचे जिल्हा परिषदेच्या स्वच्छता कक्षातून सांगितले जात आहे. यंदा एक लाख शौचालये बांधली की जिल्हा हागणदारीमुक्त होईल, मात्र बांधलेल्या किती टक्के शौचालयांचा वापर सुरू आहे, याबाबत मात्र शंका उपस्थित केली जात आहे. स्वच्छता कक्षांकडूनही त्याबाबत फारसे गांभीयाने घेतले जात नाही. 

जिल्हा परिषदेच्या स्वच्छता विभागामार्फत सध्या ‘स्वच्छ भारत अभियान’चे काम वेगात सुरू असल्याचे दाखवले जात आहे. आतापर्यंत अकोल्यात ९६, जामखेडमध्ये १८, कर्जतमध्ये ६०, कोपरगावात ४८, नगरमध्ये ४७, नेवाशात ७३, पारनेरमध्ये १३०, पाथर्डीत ३८, राहात्यात ५८, राहुरीत ९४, संगमनेरमध्ये ९८ आणि शेवगावात ७३, श्रीगोंद्यात ४७ आणि श्रीरामपूरमध्ये ५५ अशा ९३५ ग्रामपंचायती हागणदारीमुक्त झाल्याचे जाहीर केले आहे. राहाता, पारनेर, श्रीरामपूर, राहुरी हे तालुके हागणदारीमुक्‍तीच्या वाटेवर आहेत. अजून काही गावे हागणदारीमुक्त झाली असून ते जाहीर होणे बाकी आहे.
 
जिल्ह्यामध्ये सहा लाख ३३ हजार २६२ कुटुंबे आहेत, त्यातील ५ लाख २८ हजार ६६२ कुटुंबांनी वैयक्तिक शौचालये बांधली आहेत. यंदा एक लाख चार हजार शौचालये बांधण्याचा लक्ष्यांक आहे. त्यातील काही वैयक्तिक शौचालये बांधून झाली आहेत. यंदा कोणत्याही परिस्थितीत जिल्हा हागणदारीमुक्त करण्याचा चंग स्वच्छता कक्षाने बांधला आहे. मात्र असे असले तरी आतापर्यंत बांधलेल्या सव्वापाच लाख कुटुंबापैकी किती लोक प्रत्यक्ष शौचालयांचा वापर करतात, हे मात्र स्वच्छता कक्षाकडून सांगितले जात नाही.
 
सामान्य लोकांना वैयक्तिक शौचालये बांधण्यासाठी बारा हजारांचे अनुदान दिले जाते. आतापर्यंत किती कुटुंबांना अनुदान दिले याबाबतही जिल्हा परिषदेच्या स्वच्छता कक्षाकडे माहिती नाही. त्यामुळे गावे हागणदारीमुक्त करण्याचा जिल्हा परिषदेने धडाका लावला असला, तरी शौचालय वापराबाबत शंका निर्माण होत आहे.
 
जर शौचालयाचा वापर होत नसेल तर हागणदारीमुक्त म्हणता येईल का, असा प्रश्‍न एका ज्येष्ठ सदस्याने व्यक्त केला. जिल्हा परिषदेच्या सर्वसाधारण सभेत स्वच्छता कक्षाच्या कामाबाबत प्रश्‍न उपस्थित करणार असल्याचेही त्यांनी सांगितले. 
टॅग्स

इतर ताज्या घडामोडी
ड्रोनद्वारे निश्‍चित होणार उजनीवरील...सोलापूर - जिल्ह्याची वरदायिनी असलेल्या उजनी...
शेतकरी संघटनेचे आधारस्तंभ रवी देवांग...धुळे : शरद जोशीप्रणीत शेतकरी संघटनेचे माजी...
बोंड अळी लक्षवेधीवरून विरोधक भडकलेनागपूर : विदर्भ, मराठवाडा आणि खानदेशातील कापूस...
शरद जोशीप्रणीत शेतकरी संघटना रस्त्यावर...शेगाव, जि. बुलडाणा : सध्या देशातील सरकारची धोरणे...
कर्जमाफीच्या मुद्द्यावरून विधान परिषदेत...नागपूर : कर्जमाफीच्या मुद्द्यावरून...
ऋतुमानानुसार अारोग्याची काळजीऋतुनुसार काही आवश्‍यक बदल काही पथ्ये सांभाळावी...
सालीसह फळे खाण्याचे फायदेफळांच्या गरात फायबरचे प्रमाण चांगले असते. ए, बी,...
जंगलाच्या अभ्यासातून शेतीमध्ये सुधारणा...महाराष्ट्रात कोठेही फिरत असता, कोणत्याही...
फुलकिडे, करपा नियंत्रणाकडे लक्ष द्यासध्या रांगडा कांदा व लसूण ही पिके शेतात उभी असून...
कीडनाशक फवारणीचा अाणखी एक बळीअकाेला (प्रतिनिधी) ः कीडनाशकाच्या फवारणीतून...
वऱ्हाडात साडेचार लाख शेतकऱ्यांना...अकोला (प्रतिनिधी) ः शासनाने जाहीर केलेल्या...
सांगलीत कर्जमाफीचे १६५ कोटी वर्गसांगली : छत्रपती शिवाजी महाराज शेतकरी सन्मान...
कापूस उत्पादकांना जागतिक व्यापारात...ब्युनॉर्स अायर्स, अर्जेंटिना : येथे सुरू असलेल्या...
हवामान बदलाचे परिणाम केव्हा लक्षात...औरंगाबाद : हवामान बदलाचे ढळढळीत वास्तव व...
नाशिक जिल्ह्यात कर्जमाफीसाठी ३७४ कोटीनाशिक : राज्य शासनाने जाहीर केलेल्या छत्रपती...
नाफेडची मूग, उडीद खरेदी अाजपासून बंदअकोला : या हंगामात उत्पादित झालेल्या मूग, उडीद,...
साताऱ्यात कर्जमाफीसाठी २३३ कोटीसातारा : छत्रपती शिवाजी महाराज शेतकरी सन्मान...
भाजीपाला सल्लाडिसेंबर महिन्यात थंडीचे प्रमाण वाढून दुसऱ्या...
सांगलीत गूळ प्रतिक्विंटल ३३०० ते ४४००...सांगली ः येथील बाजार समितीत गुळाची आवक कमी अधिक...
पंतप्रधान मोदी शेतकऱ्यांबाबत बोलत नाहीत...अहमदाबाद, गुजरात  ः गुजरातमधील विधानसभा...