agriculture news in marathi, cloudy climate in jalgaon, maharashtra | Agrowon

जळगाव जिल्ह्यात दहा दिवसांपासून ढगाळ हवामान
टीम अॅग्रोवन
रविवार, 11 मार्च 2018
पावसाळी वातावरण मागील आठ ते दहा दिवसांपासून कायम आहे. याचा परिणाम केळी पिकावर अधिक होत असून, या पिकाची वाढ हवी तशी नाही. निरभ्र वातावरण नसल्याने शेतीकामांवरही परिणाम होत असून, गहू, हरभरा या पिकांचे नुकसान होण्याची भीती शेतकऱ्यांना आहे. 
- समाधान पाटील, शेतकरी, कुऱ्हे, जि. जळगाव
जळगाव : जिल्ह्यात मागील १० दिवसांपासून ढगाळ वातावरण आहे. शनिवारी (ता. १०) तुरळक पाऊस झाला. सकाळपासून काळे ढग आकाशात जमा झाले होते. पाऊस येऊन नुकसान होईल या भीतीने गहू व हरभऱ्याच्या मळणीचे काम शेतकऱ्यांना उरकून घ्यावे लागले. 
 
गव्हाची मळणी अधिक वेगाने करण्यासाठी शेतकऱ्यांना मोठ्या यंत्रणांचा वापर करून घ्यावा लागला. त्यासाठी एकरी ५०० रुपये जादा खर्चही आला. पंजाबमधून आलेल्या मोठ्या यंत्रणांचा वापर शेतकरी मळणीसाठी करताना दिसून आले. हरभरा कापणीनंतर शेतात गोळा केलेले ढीग ताडपत्रीने झाकण्याचे कामही शनिवारी सकाळीच अनेक शेतकऱ्यांनी केले.
 
अधूनमधून पावसाचे थेंब येत होते. आकाशात काळे ढग जमा व्हायला सकाळपासूनच सुरवात झाली. सकाळी ७.३० ते ९ यादरम्यान तुरळक थेंबही आले. यानंतर तुरळक पाऊस बंद झाला. परंतु ढगाळ हवामान कायम होते. 
 
मागील १० दिवसांपासून ढगाळ हवामान कायम असल्याने केळी पिकावर प्रतिकूल परिणाम होत आहे. आगाप लागवडीच्या बागांची हवी तशी वाढ नाही. करपा रोगाचा प्रभाव आणखी वाढू लागला आहे. झाडांची प्रकाशसंश्‍लेषणाची प्रक्रिया मंदावली असून, परिणामी त्यांना जमिनीतून हवे ते अन्नघटक घेता येत नाहीत. केळी पक्‍व होण्याची प्रक्रियाही संथ झाली आहे. परंतु पावसामुळे कापणीवरील केळीचे नुकसान होईल म्हणून थोडी अपरिपक्व केळीची काढणीही शेतकरी करून घेत आहेत.
 
ढगाळ हवामान आणि गारपिटीची भीती यांमुळे शेतांमधील आपले पशुधन, कुटुंब व पूर्ण बिऱ्हाडासह वास्तव्य करणारे मेंढपाळ बांधव, काठेवाडी बांधव यांच्यासमोर अडचणी येत आहेत. आपले साहित्य रोज ताडपत्रीने झाकून ठेवण्याची कसरत त्यांना करावी लागते. पाऊस आला किंवा गारपीट झाली तर त्यांना मोठे नुकसान सहन करावे लागेल, अशी स्थिती आहे.
 
धुळे जिल्ह्यातही मागील तीन ते चार दिवसांपासून अंशतः ढगाळ हवामान आहे. या भागात कांदा काढणी किंवा खांडणीचे काम धुळे तालुक्‍यातील काही भागांत सुरू झाले आहे. तर दादर, हरभरा मळणीचे काम शिंदखेडा, शिरपुरात जोमात सुरू आहे. परंतु ढगाळ हवामानामुळे शेती कामांवर परिणाम होत असून, नुकसानीची भीती शेतकऱ्यांना आहे.
 

इतर ताज्या घडामोडी
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...
खानापूर घाटमाथ्यावर तीव्र पाणीटंचाई सांगली  : घाटमाथ्यावर पावसाने ओढ दिली आहे....
नगर जिल्ह्यात साडेसहा लाख हेक्‍टरवर...नगर  ः जिल्ह्यात रब्बी हंगामात सहा लाख ५२...
कौशल्यावर आधारित उपक्रम ‘रयत’मध्ये सुरू...सातारा  ः केवळ पुस्तकी नव्हे तर कौशल्यावर...
नियमित कर्ज भरणाऱ्या शेतकऱ्यांचा अकोला...अकोला  ः नियमित कर्जाची परतफेड करणाऱ्या...
सांगली जिल्ह्यात पाणीप्रश्‍न पेटण्याची...सांगली  : पावसाने दिलेली उघडीप आणि पावसाळा...
अकोला, बुलडाण्यात सर्वदूर पाऊसअकोला   ः वऱ्हाडातील अकोला, बुलडाणा या...
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...
धुळे, जळगाव जिल्ह्यांतील पैसेवारी चुकीचीजळगाव   ः धुळे व जळगाव जिल्ह्यांत हवा तसा...
नैसर्गिक आपत्तीत यवतमाळमधील ६२ हजार...यवतमाळ   ः जिल्ह्यात या वर्षी आलेल्या...
पुणे जिल्‍ह्यात पावसाच्या हलक्या ते...पुणे : पावसाच्या मोठ्या खंडानंतर जिल्ह्याच्या...
नगर जिल्ह्यावर दुष्काळाचे सावटनगर  ः जिल्ह्यात आतापर्यंत सरासरी फक्त ६५.५५...