पुणे जिल्ह्यात ढगाळ हवामान

संग्रहित छायाचित्र
संग्रहित छायाचित्र

पुणे  : जिल्ह्यात आठवड्याच्या सुरवातीला मध्यम ते जोरदार हजेरी लावणाऱ्या पावसाने शुक्रवारी मुख्यत: उघडीप दिल्याचे दिसून आले. इंदापूर आणि पुरंदर तालुक्यांतील पावसाचा एखाद-दुसरा अपवाद वगळता जिल्ह्यात दिवसभर ढगाळ हवामान होते. दिवसभर उकाडाही वाढला होता. पावसाने उघडीप दिल्यानंतर सिंचनासाठी पाण्याची मागणी वाढली असून, धरणांमधील पाण्याचा साठा कमी होण्यास सुरवात झाली आहे.

पावसाच्या मोठ्या खंडानंतर जिल्ह्याच्या विविध भागात हलक्या ते मध्यम स्वरूपाच्या सरी पडत होत्या. बंगालच्या उपसागरात आलेल्या वादळाच्या प्रभावामुळे शुक्रवारी (ता. २१) सकाळपासूनच जिल्ह्यात सर्वत्र ढगाळ हवामान होते. पाऊस पडेल असे वाटत असतानाच प्रत्यक्षात उघडीप होती. इंदापूर तालुक्यातील सणसर आणि पुरंदर तालुक्यातील जेजुरी, राजेवाडी, कुंभारवळण येथे पावसाने हजेरी लावली. जेजुरीत पावसाचा जोर अधिक होता. येथे २२ मिलिमीटर पावसाची नोंद झाल्याचे कृषी विभागातर्फे सांगण्यात आले.

यंदाच्या पावसाळ्यात जिल्ह्याच्या पश्‍चिम भागात सह्याद्री पर्वताच्या उतारावर असलेल्या तालुक्यांमध्ये जोरदार बरसात झाल्याने जवळपास सर्वच धरणे ओव्हर फ्लो झाली. मात्र सप्टेंबर महिन्यात पावसाने उघडीप दिल्याने धरणांमधील पाणी पातळी घटण्यास सुरवात झाली आहे. कळमोडी, भामाअसखेड, आंद्रा, वरसगाव, भाटघर, निरा देवघर धरणांमध्ये १०० टक्के पाणीसाठा आहे. उर्वरित सर्वच धरणांमधील पाणीसाठा कमी होऊ लागला आहे. पिण्याचे पाणी आणि शेतीच्या पाण्यासाठी कालव्यातून आवर्तनेही सुरू करण्यात येत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com