agriculture news in marathi, CM serious on Drip subsidy disbursment, takes action | Agrowon

'ड्रीप' अनुदान रखडल्याची मुख्यमंत्र्यांकडून गंभीर दखल
टीम अॅग्रोवन
सोमवार, 27 नोव्हेंबर 2017

मुंबई : सूक्ष्म सिंचनाच्या रखडलेल्या अनुदानाची खुद्द मुख्यमंत्री देवेंद्र फडणवीस यांनीच गंभीर दखल घेतली आहे. तसेच येत्या पंधरा दिवसात शेतकऱ्यांना अनुदान वितरित करा, असे स्पष्ट निर्देश मुख्यमंत्र्यांनी कृषी खात्याला दिले आहेत. कृषी खात्याने ही डेडलाइन न पाळल्यास संबंधितांना कठोर कारवाईला सामोरे जावे लागेल, असे मुख्यमंत्री कार्यालयातील सूत्रांनी स्पष्ट केले. 

मुंबई : सूक्ष्म सिंचनाच्या रखडलेल्या अनुदानाची खुद्द मुख्यमंत्री देवेंद्र फडणवीस यांनीच गंभीर दखल घेतली आहे. तसेच येत्या पंधरा दिवसात शेतकऱ्यांना अनुदान वितरित करा, असे स्पष्ट निर्देश मुख्यमंत्र्यांनी कृषी खात्याला दिले आहेत. कृषी खात्याने ही डेडलाइन न पाळल्यास संबंधितांना कठोर कारवाईला सामोरे जावे लागेल, असे मुख्यमंत्री कार्यालयातील सूत्रांनी स्पष्ट केले. 

या संदर्भात शुक्रवारी (ता. २४) अॅग्रोवनमध्ये सविस्तर वृत्त प्रसिद्ध झाले होते. यात राज्याचे कृषी आयुक्त सचिंद्र प्रताप सिंह यांनी ऑक्टोबरअखेर उपलब्ध निधीपैकी साठ टक्के निधी शेतकऱ्यांना वितरित करण्याचे आदेश देऊनही अनुदान वितरण संथगतीने सुरू असल्याचे आकडेवारीसह मांडले होते. हे वृत्त प्रसिद्ध होताच शुक्रवारी सर्व संबंधितांची चांगलीच पळापळ झाली. मुख्यमंत्री कार्यालयातून पुण्याच्या कृषी आयुक्तालयाला दूरध्वनी गेले, चौकशी सुरू झाली. कृषी आयुक्तालयाकडून अनुदान वितरणाची माहिती मागवण्यात आली. यातही तेच वास्तव पुढे आले. कृषी आयुक्तालयातून अनुदान वितरण सुरू असल्याचे सांगण्यात आले. 

मुख्यमंत्र्यांकडून अनुदान वितरण का रखडले आहे याबाबत विचारणा झाली असता, या संदर्भात समाधानकारक उत्तर मिळाले नसल्याचे समजते. त्यामुळे येत्या पंधरा दिवसांत कोणत्याही अडथळ्याशिवाय शेतकऱ्यांना अनुदान वितरित करा, असे स्पष्ट निर्देश मुख्यमंत्र्यांनी कृषीच्या संबंधित उच्चपदस्थांना दिल्याचे सांगण्यात आले. तसेच कृषी खात्याने ही डेडलाइन न पाळल्यास संबंधितांना कठोर कारवाईला सामोरे जावे लागेल, असेही मुख्यमंत्री कार्यालयातील सूत्रांनी स्पष्ट केले.  

सूक्ष्म सिंचनासाठी केंद्र सरकारने राज्याला ३८० कोटी रुपयांचे अनुदान मंजूर केले आहे. राज्य हिश्शाचे मिळून सूक्ष्म सिंचन अनुदानासाठी एकंदरीत ६२० कोटी रुपये निधीची तरतूद उपलब्ध होणार आहे. पहिल्या टप्प्यात त्यापैकी १९० कोटी केंद्र सरकारकडून राज्याला मिळाले आहेत. तर राज्य सरकारच्या वाट्याच्या १२६ कोटींची डीपीडीसीत तरतूद करण्यात आली आहे. असे एकंदर ३१६ कोटी रुपये अनुदान सध्या उपलब्ध आहेत. 

योजनेअंतर्गत उपलब्ध निधी खर्च झाल्यास त्याचे उपयोगिता प्रमाणपत्र सादर केल्यानंतर केंद्र-राज्याचे उर्वरित सुमारे ३०० कोटींचे अनुदान विभागाला मिळणार आहे. त्यामुळे कृषी आयुक्त सचिंद्र प्रताप सिंह यांनी ऑक्टोबरअखेर उपलब्ध निधीपैकी साठ टक्के निधी शेतकऱ्यांना वितरित करण्याचे आदेश विभागाला दिले होते. मात्र, ऑक्टोबरअखेर उपलब्ध निधीपैकी फक्त २० टक्केच अनुदान खर्च झाल्याचे आकडेवारीवरून दिसून आले आहे. दरम्यान, या वर्षी ४०,९६९ शेतकऱ्यांना १११ कोटी २६ लाख रुपयांचे अनुदानाचे वितरण सुरू असल्याचे कृषी विभागाने म्हटले आहे.

इतर अॅग्रो विशेष
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...
वाघाड पाणीवापर संस्थांनी शेतीतून उभारले...नाशिक जिल्ह्यात वाघाड प्रकल्पस्तरीय पाणीवापर...