agriculture news in Marathi, co-operation of Netherlands for state agriculture development, Maharashtra | Agrowon

राज्याच्या शेतीसाठी नेदरलँड्सचे सहकार्य घेणार ः कृषिमंत्री फुंडकर
टीम अॅग्रोवन
शुक्रवार, 3 नोव्हेंबर 2017

बारामती, जि. पुणे ः महाराष्ट्राच्या शेतीपुढील समस्या लक्षात घेता राज्याच्या कृषी आराखड्यासाठी नेदरलँड्स्ससारख्या प्रगत देशाची मदत घ्यावी असा शासनाचा विचार आहे. आता राज्याचा कृषी आराखडा करताना नेदरलँड्समधील तज्ज्ञांची समिती स्थापन करून त्यांच्या मदतीने शेतकरी हिताचे प्रकल्प व तंत्रज्ञान महाराष्ट्रात वापरण्यासाठी राज्य सरकार प्रयत्न करेल, असे राज्याचे कृषिमंत्री पांडुरंग फुंडकर यांनी येथील कार्यक्रमात जाहीर केले.

बारामती, जि. पुणे ः महाराष्ट्राच्या शेतीपुढील समस्या लक्षात घेता राज्याच्या कृषी आराखड्यासाठी नेदरलँड्स्ससारख्या प्रगत देशाची मदत घ्यावी असा शासनाचा विचार आहे. आता राज्याचा कृषी आराखडा करताना नेदरलँड्समधील तज्ज्ञांची समिती स्थापन करून त्यांच्या मदतीने शेतकरी हिताचे प्रकल्प व तंत्रज्ञान महाराष्ट्रात वापरण्यासाठी राज्य सरकार प्रयत्न करेल, असे राज्याचे कृषिमंत्री पांडुरंग फुंडकर यांनी येथील कार्यक्रमात जाहीर केले.

अॅग्रिकल्चरल डेव्हलपमेंट ट्रस्ट, बारामतीच्या कृषी विज्ञान केंद्रात उभारण्यात आलेल्या भारतातील पहिल्या इंडो-डच भाजीपाला गुणवत्ता केंद्राचे उद्‌घाटन गुरुवारी (ता. २) नेदरलँड्सचे कृषिमंत्री अल्ड्रेक खिअरवेल्ड व राज्याचे कृषिमंत्री पांडुरंग फुंडकर यांच्या हस्ते झाले.

या वेळी माजी केंद्रीय कृषिमंत्री शरद पवार, पालकमंत्री गिरीश बापट, माजी उपमुख्यमंत्री अजित पवार, खासदार सुप्रिया सुळे, ट्रस्टचे प्रमुख राजेंद्र पवार, राहुरी विद्यापीठाचे कुलगुरू डॉ. के. पी. विश्वनाथा, नगराध्यक्षा पौर्णिमा तावरे, जिल्हा परिषद अध्यक्ष विश्वास देवकाते, कृषी विज्ञान केंद्राचे प्रमुख डॉ. सय्यद शाकिरअली आदी उपस्थित होते.

या वेळी फुंडकर म्हणाले, की सन २०१२ मध्ये भारत व डच सरकारमध्ये झालेल्या सामंजस्य करारातून दोन गुणवत्ता केंद्रे उभारण्यास सुरवात झाली. त्यापैकी शारदानगरमध्ये नेदरलँड्स तंत्रज्ञानावर उभारलेला भाजीपाला प्रकल्प देशातील एकमेव चांगला व पथदर्शी प्रकल्प आहे. या प्रकल्पातून भाजीपाल्याचे अधिक उत्पादन घेण्यासाठी शेतकऱ्यांना दिशा मिळेल. नेदरलँड्स हा भाजीपाला, दूध व फळे-फुलांसाठी प्रगत आहे. तेथील शेतकरी हिताचे तंत्रज्ञान महाराष्ट्रात वापरण्यासाठी अधिकाधिक निधी उपलब्ध करू.

माजी केंद्रीय कृषिमंत्री शरद पवार म्हणाले, की भाजीपाल्याची शेती करणाऱ्या शेतकऱ्यांसाठी हे केंद्र मार्गदर्शक ठरेल. आज भाजीपाल्याच्या बाबतीत करार होत असला तरी भविष्यात दुधाच्या क्षेत्रातही नेदरलँड्सचे सहकार्य आपल्याला घ्यावे लागेल. तेथील गाय सरासरी ५० लिटरच्या आसपास दूध देते. आपल्याला किमान २० ते २५ लिटर दूध मिळाले तरी दूध उत्पादनात आपण अधिक प्रगती करू शकू. तेथील तंत्रज्ञान येथे आणण्याचा ट्रस्टचा यापुढील प्रयत्न राहील. यापुढील काळात केवळ शेती आणि उसावर अवलंबून न राहता भाजीपाल्यासारखे जोडधंदे करावे लागतील. शहरांमध्ये स्वच्छ व ताजा भाजीपाला लोकांना हवा आहे आणि त्यासाठी अधिक पैसे ते मोजण्यास तयार आहेत, मात्र त्यांना तो मिळत नाही, आपण तो उत्पादित करतो आहोत, मात्र बाजारापर्यंत पोचत नाही. या दोन्हीतला दुवा यापुढील काळात साधावा लागेल.

नेदरलँड्सचे कृषिमंत्री अल्ड्रेक खिअरवेल्ड यांनी कृषी शिक्षण व तंत्रज्ञानाची देवाणघेवाण करून भारतीय कृषी क्षेत्राची गुणवत्ता व दर्जा उंचावण्यासाठी एकत्र काम करण्याचे आश्वासन या वेळी दिले. ट्रस्टचे प्रमुख राजेंद्र पवार यांनी प्रास्ताविकात सेंटर फॉर एक्सलन्सच्या कामकाजाचा आढावा घेत नव्या पिढीला विषमुक्त भाजीपाला देण्यासाठी असे नवे तंत्रज्ञान स्वीकारावे लागेल असे स्पष्ट केले. अशा नव्या तंत्रज्ञानासाठी सरकारी स्तरावर निधी उपलब्ध झाला पाहिजे, असेही मत त्यांनी व्यक्त केले.

इतर अॅग्रो विशेष
दोन आठवड्यांनंतर मॉन्सूनची प्रगती..पुणे : नैऋत्य मोसमी वाऱ्यांनी (मॉन्सून)...
राज्यात दमदार पाऊस; कोकण, विदर्भात...पुणे : मॉन्सून सक्रिय झाल्याने कोकण, मध्य...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील १३९...
बाजारात कांदा टप्प्याटप्प्याने आणा..नाशिक : येत्या काळात देशभरातील कांदा बाजारात आवक...
दागिने गहाण टाकून पीककर्ज भरले...कोल्हापूर ः कारखान्यांनी एफआरपी देताना हात आखडता...
राज्यातील सोसायट्यांच्या दहा हजार...नाशिक : विविध कार्यकारी सेवा सहकारी संस्थांमार्फत...
राज्यातील पाच नदी खोऱ्यांच्या जल...मुंबई : राज्यातील महत्त्वपूर्ण अशा कृष्णा,...
जमिनीची सुपीकता जपत वाढविले पीक उत्पादनकुडजे (ता. हवेली, जि. पुणे) येथील शुभांगी विनायक...
शिक्षण, जलसंधारणातून ग्रामविकासाला गतीमराठवाडा ग्रामीण विकास संस्थेचा आरोग्य सेओवा,...
बॅंकेच्या चकरा अन् कागदपत्रांच्या...धुळे ः मागील दोन - तीन महिन्यांपासून पीककर्जासाठी...
‘ई-नाम’मधील १४५ बाजार समित्यांसाठी हवेत...पुणे ः शेतकऱ्यांना त्यांचा शेतीमाल देशातंर्गत...
सुमारे साठ एकरांवर ‘ड्रीप अॅटोमेशन’पाणी व खतांचा काटेकोर वापर करण्याबाबत अनेक शेतकरी...
भारताकडून अमेरिकेच्या हरभरा, तुरीच्या...नवी दिल्ली ः अमेरिकेने भारतातून आयात होणाऱ्या...
राज्यात अनेक ठिकाणी जोरदार पावसाची हजेरीपुणे ः राज्यातील अनेक भागांत शुक्रवारी (ता. २२)...
माॅन्सून पुढे सरकण्यास अनुकूल स्थितीपुणे : माॅन्सूनला राज्यातून पुढे सरकण्यास अनुकूल...
राज्यात आजपासून प्लॅस्टिकबंदी...मुंबई : राज्य सरकारच्या प्लॅस्टिकबंदीच्या...
धान्याला कीड लागताच सेन्सर देणार माहितीकऱ्हाड, जि. सातारा : साठवणूक केलेल्या ठिकाणी अथवा...
साखर निर्यातीचा कोटा ८० लाख टन करण्याची...कोल्हापूर : साखर निर्यातीची कोटा ८० लाख टन करावा...
सुकाणू समितीच्या कार्यकारिणीची जवळगाव...अंबाजोगाई, जि. बीड : शेतकरी संघटना व सुकाणू...
शेती म्हणजे तोटा हे सूत्र कधी बदलणार? शेती कायम तोट्यात कंटूर मार्करचे संशोधक व शेती...