agriculture news in marathi, coconut dehusking machine | Agrowon

यंत्रामुळे शहाळे फोडणे, नारळ सोलणे झाले सोपे
डॉ. एस. बी. पाटील
सोमवार, 26 मार्च 2018

शहाळे फोडणे आणि नारळ सोलणे यंत्र महिला तसेच वयस्क व्यक्तींना वापरता येते. यंत्रामुळे एका मिनिटात तीन शहाळी फोडता येतात. यंत्र वजनाने हलके आहे. यंत्राची संपूर्ण जोडणी नट बोल्ट वापरून केल्याने अंशतः तसेच संपूर्ण यंत्र सुटे करून वाहतूक करता येते.

शहाळे फोडणे आणि नारळ सोलणे यंत्र महिला तसेच वयस्क व्यक्तींना वापरता येते. यंत्रामुळे एका मिनिटात तीन शहाळी फोडता येतात. यंत्र वजनाने हलके आहे. यंत्राची संपूर्ण जोडणी नट बोल्ट वापरून केल्याने अंशतः तसेच संपूर्ण यंत्र सुटे करून वाहतूक करता येते.

कोयत्याच्या साहाय्याने शहाळे फोडण्यासाठी कौशल्य आणि ताकदीची गरज असते. आपण शहाळे छाटून नेले तरी त्यातील पाणी लगेच प्यावे लागते, कारण शहाळे अर्धवट छाटल्याने त्यातील पाणी लवकर खराब होते. कोयत्याने छाटलेल्या शहाळ्यांचा कचरा पसरतो. हे लक्षात घेऊन शहाळ्यास छिद्र पाडणे, शहाळे फोडणे, तसेच तयार नारळ सोलण्यासाठी यंत्र विकसित करण्यात आले आहे.

रचना आणि कार्यपद्धती 

  • मुख्य फ्रेम लोखंडी अँगलने बनविलेली आहे. या फ्रेमवर यंत्र जमिनीवर ठेवले जाते.
  • फ्रेमवर शहाळे ठेवण्यासाठी वर्तुळाकार रिंग सेट बसविला आहे. कोणत्याही आकाराचे शहाळे यामध्ये बसेल अशा रीतीने या वर्तुळाकार रिंगसेटचा व्यास ठेवण्यात आला आहे.
  • वर्तुळाकार रिंगसेटच्या मधोमध ठेवलेल्या शहाळ्यास छिद्र पाडण्यासाठी स्टेनलेस स्टीलचा पंच वापरला जातो. हा पंच लोखंडी रॉडमध्ये बसविला आहे. या रॉडच्या दुसऱ्या टोकास नटबोल्डने हॅण्डल जोडलेले आहे.
  • पंच जोडलेल्या रॉडच्या बाहेरून स्प्रिंग बसविली आहे, जेणेकरून हॅण्डलने पंचिंग रॉड खाली ओढला असता पंच शहाळ्यास छिद्र पाडेल आणि त्यानंतर आपोआप पूर्ववत ठिकाणी जाईल.
  • शहाळ्यास पंचिंग रॉडने छिद्र पाडल्यानंतर शहाळे पंचसोबत वर उचलले जाऊ नये म्हणून मुख्य सपोर्ट रॉडवर वर्तुळाकार आकाराची इजेक्‍टर रिंग आहे. पंचमध्ये अडकलेल्या शहाळ्यास ही रिंग पंचमधून बाहेर काढण्यात मदत करते.
  • यंत्राचा वापर करून शहाळ्यास छिद्र करता येते. पंच केलेल्या शहाळ्यात स्ट्रॉ टाकून आतील पाणी सहजपणे पिता येते.
  • शहाळ्यातील पाणी पिल्यानंतर आतील मलईदार खोबरे काढता यावे यासाठी मुख्य फ्रेमच्या दुसऱ्या बाजूस शहाळे फोडण्यासाठी धारदार लोखंडी पट्ट्या लावलेल्या आहेत. नारळ सोलणी यंत्राप्रमाणे त्या कार्य करतात.
  • शहाळे लोखंडी पट्ट्यांवर दाबले असता त्याच हॅण्डलने लोखंडी पट्ट्या फाकतात आणि शहाळे फोडले जाते, त्यामुळे त्यातील मलईदार खोबरे काढणे सोपे जाते. त्याचप्रमाणे शहाळ्याऐवजी तयार नारळ असतील तर नारळाची सोडणे याच यंत्राने सोलता येतात.

वैशिष्ट्ये आणि फायदे 

  • कमी श्रमात शहाळे फोडणे अत्यंत सोपे. महिला तसेच वयस्क व्यक्तींना यंत्र वापरता येते.
  • यंत्र वापरताना कोणत्याही प्रकारची इजा होण्याची शक्‍यता नाही.
  • एका मिनिटात तीन शहाळी फोडता येतात.
  • यंत्र वजनाने हलके (१६ किलो). वापरण्यास सोपे, आकाराने लहान.
  • एकाच यंत्राने शहाळ्यास छिद्र पाडणे, शहाळे फोडणे आणि तयार नारळ सोलणे ही कामे होतात.
  • यंत्राचा पंच स्टेनलेस स्टीलचा असल्याने गंजत नाही.
  • कोयत्याने शहाळे छाटल्यास त्याचे तुकडे इतरत्र विखरून पडतात, कचरा होतो. यंत्राने शहाळे फोडल्यास कचरा होत नाही.
  • व्यवसायासाठी यंत्र फायदेशीर आहे. यंत्राची संपूर्ण जोडणी नट बोल्ट वापरून केल्याने अंशतः तसेच संपूर्ण यंत्र सुटे करून मोटारसायकल किंवा कारच्या डिकीतून सहज नेता येते.
  • एकच पाना वापरून संपूर्ण यंत्र जोडता आणि सुटे करता येते.

संपर्क ः डॉ. एस. बी. पाटील ः ९८२३३८११९१
(पद्मश्री डॉ. डी. वाय. पाटील कृषी अभियांत्रिकी व तंत्रज्ञान महाविद्यालय, तळेसंदे, जि. कोल्हापूर) 

फोटो गॅलरी

इतर टेक्नोवन
योग्य पद्धतीने वापरा मळणी यंत्रसुरक्षित मळणी करण्यासाठी आयएसआय मार्क असलेले...
घरीच तयार करा सौरकुकरआपल्याकडे सौरऊर्जा मोठ्या प्रमाणात उपलब्ध आहे,...
तण काढण्यासाठी पॉवर वीडर उपयुक्तलहान शेतकऱ्यांची गरज ओळखून बाजारपेठेत आता पॉवर...
गुणवत्तापूर्ण अवजारे, ट्रॉली निर्मितीचा...गुणवत्तापूर्ण शेती उपयोगी अवजारे व ट्रॉलीच्या...
डेअरी उत्पादनातील साखर कमी करण्याची...जगभरामध्ये डेअरी उत्पादनांची लोकप्रियता मोठी असून...
ट्रॅक्‍टर, कृषी अवजारे उत्पादकांची...मजुरांचा तुटवडा आणि बैल सांभाळण्यातील चाऱ्यासह...
इलेक्ट्रीक ट्रॅक्टरमध्य फ्रान्स येथील ॲलेक्झांड्रे प्रेवॉल्ट (वय ३०...
ताणस्थितीतही मिळतील अधिक चवदार टोमॅटोतुर्कस्तान येथील इझमीर तंत्रज्ञान संस्थेतील...
दर्जेदार उत्पादनासाठी फ्रिज ड्रायिंगरूढ झालेल्या यांत्रिक ड्रायर्सच्या तुलनेत फ्रिज...
जमीन व्यवस्थापनातून जागतिक तापमानवाढीचा...कर्बवायूचे उत्सर्जन रोखण्यासाठी जमिनीच्या...
योग्य प्रकारे करा विद्राव्य खतांचा वापरपिकांमध्ये अन्नद्रव्याच्या कमतरतेची लक्षणे...
आधुनिक तंत्रज्ञानाच्या वापरातून...नेदरलॅंड येथील पिएट जॅन थिबाऊडीअर (वय ३१ वर्षे)...
ड्रॅगन फ्रूटपासून आरोग्यवर्धक जेली, जॅम...कमी शर्करा असलेल्या फळांमध्ये ड्रॅगन फ्रूट हे...
काकडीच्या फुलांचा खाद्यपदार्थ...खाद्य पदार्थांच्या बाजारपेठेत कंपन्या वेगवेगळ्या...
टाकाऊ घटकांपासून दर्जेदार ‘...बुद्धीचा कल्पक व कार्यक्षम वापर करून जयकिसन...
खते देण्यासाठी ब्रिकेटस टोकण यंत्रसध्या विदर्भातील भात उत्पादक पट्ट्यामध्ये भाताची...
कंपोस्ट खतनिर्मिती यंत्राचे तयार केले... स्वयंपाक घरातील ओला कचरा हा कचरा कुंडीत न...
वनस्पतीयुक्त भिंती सांगतील घराचे आरोग्यवनस्पतिशास्त्र आणि इमारत आरेखनशास्त्र या दोहोंचा...
ट्रॅक्टरचलित कुट्टी यंत्र, खड्डे खोदाई...मजूर टंचाई लक्षात घेता विविध यंत्रांची निर्मिती...
अंड्यापासून रेडी टू कूक उत्पादने अमेरिकेसारख्या विकसित देशामध्ये अंड्यापासून अर्ध...