राज्यात थंडी वाढली; नाशिक ११.५ अंशांवर

थंडी
थंडी

पुणे : उत्तरेकडील थंड वाऱ्यांचे प्रवाह दक्षिणेकडे येऊ लागल्याने राज्यात गारठा वाढला आहे. मंगळवारी (ता. १३) सकाळी नाशिक येथे राज्यातील नीचांकी ११.५ अंश सेल्सिअस तापमानाची नाेंद झाली. राज्यात शनिवारपर्यंत (ता. १७) मुख्यत: कोरडे हवामान राहणार असून, पहाटेच्या वेळी गारठा कायम राहण्याचा अंदाज हवामान विभागाने वर्तविला आहे.  राज्यात अनेक ठिकाणी रात्रीचे किमान तापमान सरासरीच्या खाली आले अाहे. विदर्भात किमान तापमानाचा पारा ११.६ ते १५.८ अंश, मराठवाड्यात १२.४ ते १५.४ अंश, मध्य महाराष्ट्रात १२ ते १८.४ अंश आणि कोकणात १९.३ ते २०.५ अंशांच्या दरम्यान अाहे. उत्तरेकडील थंड वाऱ्यांमुळे मध्य प्रदेशातील मंदला येथे देशातील नीचांकी ६.६ अंश सेल्सिअस तापमानाची नोंद झाली असून, महाराष्ट्राच्या तापमानातही घट होत आहे. पुढील काळात थंडी आणखी वाढणार अाहे. मंगळवारी (ता.१३) सकाळपर्यंतच्या २४ तासांमध्ये राज्यातील विविध ठिकाणचे कमाल, किमान (कंसात) तापमान (अंश सेल्सिअसमध्ये) : पुणे ३२.६ (१२.९), जळगाव ३४.२ (१२.०), कोल्हापूर ३१.५ (१८.४), महाबळेश्‍वर २७.६ (१६.२), मालेगाव ३३.२ (१४.८), नाशिक ३२.४ (११.५), सांगली ३२.८ (१३.९), सातारा ३२.५ (१३.४), सोलापूर ३४.१ (१४.८), सांताक्रूझ ३५.४ (२०.०), अलिबाग ३३.० (२०.५), रत्नागिरी ३५.८ (१९.३), डहाणू ३४.२ (१९.८), आैरंगाबाद ३३.४ (१२.४), परभणी ३३.९  (१२.४), नांदेड ३५.०, उस्मानाबाद -(१५.४), अकोला ३४.१ (१४.१), अमरावती ३३.६ (१४.६), बुलडाणा ३२.४ (१५.२), चंद्रपूर ३३.६ (१५.८), गोंदिया ३१.४ (१३.६), नागपूर ३२.९ (११.६), वर्धा ३१.२ (१३.७), यवतमाळ ३३.५ (१३.४). पूर्व किनाऱ्याला ‘गाजा’चा धोका कायम बंगालच्या उपसागरात घोंगावणारे ‘गाजा’ चक्रीवादळ मंगळवारी सकाळी ८.३० वाजता चेन्नईपासून ७४० किलोमीटर, तर नागपट्टनमपासून ८३० किलोमीटर ईशान्य दिशेला समुद्रात होते. चक्रीवादळाची तीव्रता वाढत असून, गुरुवारी (ता.१५) तमिळनाडूच्या पूर्व किनाऱ्यावरील कुड्डालोर आणि पाम्बनलगत धडकण्याचे संकेत अाहेत. दक्षिण आंध्र प्रदेश तमिळनाडू, रायलसीमा, दक्षिण कर्नाटक आणि केरळमध्ये शुक्रवारपर्यंत (ता. १६) जोरदार पाऊस पडणार आहे. शनिवारी ही प्रणाली अरबी सुमद्राकडे सरकणार आहे. चक्रीवादळामुळे ताशी १०० ते ११० किलोमीटर वेगाने चक्राकार वारे वाहणार असून, आंध्र प्रदेश आणि तमिळनाडूच्या किनाऱ्यालगतच्या समुद्रात मासेमारीसाठी न जाण्याचा इशारा देण्यात आला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com