agriculture news in marathi, cold wave to be remain for three days says IMD | Agrowon

तीन दिवस हुडहुडी राहणार
टीम अॅग्रोवन
गुरुवार, 25 जानेवारी 2018

निफाड ७ अंशांवर; पुढील आठवड्यात पारा वाढणार
पुणे : उत्तरेकडील काही राज्यांत थंडीची लाट आहे. वारे उत्तरेकडून महाराष्ट्राच्या दिशेने वाहत आहे. त्यामुळे येत्या दोन ते तीन दिवस राज्यात थंडी राहणार आहे. पुढील आठवड्यापासून थंड वाऱ्याचा प्रवाह कमी होऊन राज्यातील थंडी कमी होण्यास सुरवात होईल. त्यानंतर किमान तापमानाबरोबर, कमाल तापमानाचा पाराही हळूहळू वाढणार असून उन्हाचा चटका वाढेल, असा अंदाज हवामान विभागाच्या सूत्रांनी वर्तविला.

निफाड ७ अंशांवर; पुढील आठवड्यात पारा वाढणार
पुणे : उत्तरेकडील काही राज्यांत थंडीची लाट आहे. वारे उत्तरेकडून महाराष्ट्राच्या दिशेने वाहत आहे. त्यामुळे येत्या दोन ते तीन दिवस राज्यात थंडी राहणार आहे. पुढील आठवड्यापासून थंड वाऱ्याचा प्रवाह कमी होऊन राज्यातील थंडी कमी होण्यास सुरवात होईल. त्यानंतर किमान तापमानाबरोबर, कमाल तापमानाचा पाराही हळूहळू वाढणार असून उन्हाचा चटका वाढेल, असा अंदाज हवामान विभागाच्या सूत्रांनी वर्तविला.

कोकणात किंचित थंडी
उत्तरेकडील वारे कोकणाकडेही वाहत असल्याने येथेही थंडी वाढली आहे. मुंबई, रत्नागिरी, भिरा, डहाणू येथील किमान तापमानात सरासरीच्या तुलनेत एक अंशाने घटले आहे. भिरामध्ये १३.९ अंश सेल्सिअसचे सर्वात कमी किमान तापमानाची नोंद झाली आहे. अलिबाग येथील किमान तापमान सरासरीएवढे होते. मात्र, दोन ते तीन दिवसांनंतर कोकणातील थंडी कमी होण्याची शक्यता आहे.

निफाड ७ अंशावर
मध्य महाराष्ट्रात थंडीचा जोर आहे. निफाड (जि. नाशिक) येथे ७ अंश सेल्सिअसची सर्वात कमी किमान तापमानाची नोंद बुधवारी (ता.२४) सकाळी आठ वाजेपर्यंत झाली. नाशिकमध्येही ८.८ अंश सेल्सिअस किमान तापमान होते. जळगाव, महाबळेश्वर, नाशिक, सातारा येथील किमान तापमानात सरासरीच्या तुलनेत एक अंश सेल्सिअसने घट झाली. कोल्हापूर, मालेगाव, सांगली येथील किमान तापमानात सरासरीच्या तुलनेत एक अंश सेल्सिअसने वाढले. पुणे, नगर येथील किमान तापमान सरासरीएवढे होते.

मराठवाड्यात थंडीत घट
गेल्या आठवड्यापासून मराठवाड्यातील थंडीत चढउतार सुरू आहे. सध्या कोकण, मध्य महाराष्ट्र या भागात थंडी वाढली आहे. मराठवाड्यातील थंडी कमी होऊन किमान तापमानात सरासरीच्या तुलनेत दोन अंश सेल्सिअसने वाढ झाली आहे. बीड, परभणी येथील किमान तापमानात सरासरीच्या तुलनेत एक अंश सेल्सिअने कमी झाले. औरंगाबाद येथील किमान तापमानात दोन अंश सेल्सिअसने वाढले. परभणी कृषी विद्यापीठाच्या परिसरात ११.५ अंश सेल्सिअसची सर्वात कमी किमान तापमान नोंदविले गेले.

विदर्भात तीव्रता कमी
विदर्भातील अनेक भागांत थंडीची तीव्रता कमी झाली आहे. किमान तापमान पंधरा अंश सेल्सिपर्यंत गेले असून नागपूर, वर्धा येथील किमान तापमान सरासरीच्या तुलनेत दोन अंशापर्यंत वाढले आहे. अमरावती, चंद्रपूर, यवतमाळ येथील किमान तापमान सरासरीच्या तुलनेत १ ते २ अंश सेल्सिअसने घटले आहे. गोंदिया येथे १३.५ अंश सेल्सिअसची सर्वात कमी किमान तापमानाची नोंद झाली आहे. पुढील आठवड्यापासून विदर्भातील किमान तापमानात वाढ होणार असून उन्हाची तीव्रता हळूहळू वाढणार आहे.

बुधवारी (ता. २४) सकाळी आठ वाजेपर्यंतचे किमान तापमान व कंसात झालेली घट (अंश सेल्सिअस) : मुंबई (सांताक्रुझ) १५.४(-१), अलिबाग १७.४, रत्नागिरी १७.६ (-१), भिरा १३.९ (-१), डहाणू १५.५ (-१), पुणे ११.०, नगर १२.५, जळगाव ११.६(-१), कोल्हापूर १५.९ (१), महाबळेश्वर १२.२(-१), मालेगाव १२.४ (१), नाशिक ८.८ (-१), निफाड ७.०, सांगली १५.०(१), सातारा ११.८(-१), सोलापूर १६.३, औरंगाबाद १४.० (२), बीड १२.२ (-१), परभणी (कृषी विद्यापीठ) ११.५, परभणी शहर १३.५ (-१), नांदेड १४.५, अकोला १४.५, अमरावती १४.०(-१), बुलडाणा १५.६(१), चंद्रपूर १४.० (-१), गोंदिया १३.५, नागपूर १५.६ (२), वर्धा १५.८ (२), यवतमाळ १४.०(-२)
 

‘‘उत्तरेकडील काही राज्यांत थंडी अधिक वाऱ्याचा प्रवाह उत्तरेकडून कोकण, मध्य महाराष्ट्राच्या दिशेने वाहत आहे. त्यामुळे मध्य महाराष्ट्रात थंडी
वाढली आहे. मात्र, मराठवाडा, विदर्भात गेल्या आठवड्याच्या तुलनेत काही प्रमाणात थंडी कमी झाली आहे. पुढील आठवड्यात आणखी कमी होईल.
- ए. के. श्रीवास्तव, वैज्ञानिक, हवामान विभाग, पुणे. 

इतर अॅग्रो विशेष
गोकुळानं ‘गणित’ नाही मांडलंपशुपालनातून दूध व्यवसाय म्हणजे मुळातच उद्योग आहे...
ब्राझीलचा धडा घेणार कधी?सातत्याने दोन वर्षांच्या चांगल्या पाऊसमानानंतर...
उत्तर प्रदेशातील कारखान्यांची अतिरिक्त...नवी दिल्ली ः बाजारात साखरेचे पडलेले दर आणि...
भारतात गोड्या पाण्याची उपलब्धता घटलीवॉशिंग्टन ः भारतात उपलब्ध पाण्याचा आणि पाणी...
कापसाच्या ३७० वाणांच्या विक्रीला...नगर  ः बोंड अळीच्या नियंत्रणासाठी कमी आणि...
अधिकाऱ्यांनी कोंडून दिली खुनाची धमकीपुणे  : कृषी खात्यातील पाणलोट व मृद्संधारण...
उन्हाचा चटका कायम राहणारपुणे : राज्यात उन्हाचा ताप वाढल्याने विदर्भ, मध्य...
वादळाने बाष्प खेचून नेले; अरबी समुद्रात...पुणे : अरबी समुद्रात मंगळवारी कमी तीव्रतेचे वादळ...
हिरापूरच्या बैल बाजारात चार कोटींवर...बीड : हिरापूर (ता. गेवराई) येथे बैलांचा आठवडे...
दापोलीत उद्यापासून जॉइंट ॲग्रेस्कोपुणे ः यंदा ४६ वी संयुक्त कृषी संशोधन व विकास...
बफर स्टॉकच्या शक्‍यतेने साखर १००...कोल्हापूर : गेल्या अनेक दिवसांपासून मंदीच्या...
कापूस बियाणे सत्यता पडताळण्यासाठी ‘क्‍...जळगाव ः बोगस कापूस बियाण्याला आळा घालण्यासह...
फळपिकांसह एकत्रित क्रॉपसॅप योजना...मुंबई : राज्यातील प्रमुख फळ पिके व इतर पिकांवरील...
‘महावेध’ देणार शेतकऱ्यांना अचूक...मुंबई : लहरी हवामानामुळे नेहमीच नुकसान सहन करीत...
‘वनामकृवि’ कुलगुरू पदासाठी उद्या मुलाखतीपरभणी : वसंतराव नाईक मराठवाडा कृषी...
सिंचनक्षमता बळकट करून फळबागशेती केली...केळीचे मुख्य पीक, त्याचे निर्यातक्षम उत्पादन,...
‘त्या’ कृषी पर्यवेक्षकांच्या ‘डिमोशन’ला...अकोला ः सन २०११ मध्ये कृषी पर्यवेक्षक पदावर...
फळबाग शेती, रायपनिंग चेंबर, थेट विक्रीडोंगरकडा (जि. हिंगोली) येथील वयाच्या पासष्टीमध्ये...
अकोला जिल्हा प्रशासन शेतकऱ्यांना देणार...अकोला ः देशात राबवल्या जात असलेल्या प्रधानमंत्री...
दक्षिण महाराष्ट्रातील कारखान्यांत ८०...सांगली/कोल्हापूर ः साखरेला दर नसल्याने निराश...