agriculture news in Marathi, cold wave will be for 5 days, Maharashtra | Agrowon

थंडीचा जोर पाच दिवस राहणार
टीम अॅग्रोवन
रविवार, 28 जानेवारी 2018

पुणे ः हिमालयातील थंड वाऱ्यांचा दाब वाढत आहे. त्यामुळे वातावरणातील पाण्याची वाफ हिमालयातील थंड वारे खाली ढकलत असून, ते कर्नाटकातील बहुतांशी भागापर्यंत खाली गेले आहे. त्यामुळे राज्यातील थंडीचा जोर अजून चार ते पाच दिवस राहणार असल्याचे हवामान विभागाच्या सूत्रांनी सांगितले. 

पुणे ः हिमालयातील थंड वाऱ्यांचा दाब वाढत आहे. त्यामुळे वातावरणातील पाण्याची वाफ हिमालयातील थंड वारे खाली ढकलत असून, ते कर्नाटकातील बहुतांशी भागापर्यंत खाली गेले आहे. त्यामुळे राज्यातील थंडीचा जोर अजून चार ते पाच दिवस राहणार असल्याचे हवामान विभागाच्या सूत्रांनी सांगितले. 

उत्तरेकडील थंड वाऱ्यांमुळे राज्यातील बहुतांशी भागात सायंकाळपासून थंडी राहत आहे. त्यामुळे ऊन मिळविण्यासाठी थंड पडलेल्या काही शेकोट्या पुन्हा पेटू लागल्या आहे. मात्र रात्री बारानंतर थंडीत वाढ होत असून, पहाटे थंडीचा पारा चांगलाच घसरत आहे. त्यातच हवेत बाष्प असल्याने सकाळी धुके पडत आहे. सकाळी दहानंतर काही प्रमाणात उन्हाचा चटका वाढत असला तरी थंडीच्या उबेमुळे उन्हाचा चटका नागरिकांना हवाहवासा वाटत आहे. शनिवारी (ता. २७) सकाळी नाशिक जिल्ह्यातील निफाड येथे  ६.४ अंश सेल्सिअसची सर्वांत कमी किमान तापमानाची नोंद झाली. 

सध्या राज्यात हवामान कोरडे आहे. तरी थंडीमुळे किमान तापमानाचा पारा दहा अंशांच्या खालीच आहे. मध्य महाराष्ट्र व मराठवाड्याच्या काही भागात, तर विदर्भाच्या उर्वरित भागात किमान तापमानात सरासरीच्या तुलनेत लक्षणीय घट झाली आहे. कोकण, गोव्याच्या काही भागांत तर मध्य महाराष्ट्र व मराठवाड्याच्या उर्वरित भागात किमान तापमानात सरासरीच्या तुलनेत किंचित घट झाली आहे. राज्याच्या उर्वरित भागात किमान तापमान सरासरीच्या जवळपास होते.   

येत्या बुधवार (ता. ३१) पर्यत गोव्यासह संपूर्ण राज्यात हवामान कोरडे राहण्याची शक्यता आहे. मराठवाडा व विदर्भात अजून तीन दिवस थंडीच्या लाट राहण्याचा अंदाज आहे. राज्यातील किमान तापमानात सरासरीच्या तुलनेत सात अंश सेल्सिअसपर्यंत घट झाली आहे. मराठवाड्यातील परभणीच्या कृषी विद्यापीठात ७.५ अंश सेल्सिअस, तर विदर्भातील ब्रह्मपुरी, गोंदिया, नागपूर येथे ८.० अंश सेल्सिअस किमान तापमानाची नोंद झाली आहे. 

शनिवारी (ता. २७) सकाळी आठ वाजेपर्यंतचे किमान तापमान व कंसात झालेली घट (अंश सेल्सिअस)  ः मुंबई (सांताक्रूझ) १५.६ (-२), अलिबाग १८.२ (१), रत्नागिरी १७.३ (-२), भिरा १४.५, डहाणू १४.४ (-३), पुणे १०.३ (-१), नगर ८.६ (-४), जळगाव ८.० (-५), कोल्हापूर १५.८, महाबळेश्वर १३.० (-१), मालेगाव ९.६ (-३), नाशिक ८.८ (-२), निफाड ६.४, सांगली १३.३ (-१), सातारा १०.९ (-३), सोलापूर १४.० (-३), औरंगाबाद ९.८ (-२), परभणी (कृषी विद्यापीठ) ७.५, परभणी शहर ८.५ (-७), नांदेड १०.० (-४), अकोला १०.५(-१),  अमरावती १२.६(-३), बुलडाणा १२.० (-४), चंद्रपूर ११ (-५),  ब्रह्मपुरी, ८.०, गोंदिया ८.० (-६), नागपूर ८.० (-६), वर्धा ११.२ (-३), यवतमाळ ११.४ (-५)

इतर अॅग्रो विशेष
शेतीतील दारिद्र्याचे भीषण वास्तवभारताने खुली व्यवस्था स्वीकारल्याला २०१६ मध्ये २५...
आश्वासक हरभरा; अस्वस्थ उत्पादकराज्यात हरभरा काढणीस महिनाभर आधीपासूनच सुरवात...
इतिहासातील जलसंधारण संकल्पना अन्...मागच्या भागात आपण इतिहासातील सागरी किल्ल्यांवरील...
खानदेशात बाजरी मळणीवरजळगाव : खानदेशात बाजरी पीक मळणीवर आले आहे. आगामी...
शेतकऱ्यांना संपूर्ण कर्जमुक्ती : '...मुंबई ः शेतीच्या शाश्वत सुधारणेला गती देण्यासाठी...
सांगली : कडब्याचे दर पोचले साडेचार हजार...सांगली  ः यंदा दुष्काळी स्थिती तीव्र आहे....
सांगली जिल्ह्यात पाण्याअभावी रखडली खरड...सांगली  ः जिल्ह्यातील द्राक्ष हंगाम अंतिम...
ऊस, कापूस पट्ट्यात कष्टाने पिकविली हळद शेतीचा फारसा अनुभव नाही. पण आवड, जिद्द,...
कृषी विद्यापीठांचे वाण वापरण्यात...वाशीम जिल्ह्यातील शिरपूर जैन (ता. मालेगाव) येथील...
राज्यात अद्यापही २४ टक्के ‘एफआरपी’ बाकीपुणे : ऊस खरेदीपोटी राज्यातील शेतकऱ्यांना...
उत्तर प्रदेशात ऊसबिलावरून धुमशाननवी दिल्ली : लोकसभा निवडणुकीत कोणता मुद्दा...
शेतकरी आत्महत्या रोखण्यासाठी युवकाचा ‘...नाशिक : राज्यात नापिकी, दुष्काळ, बाजारभाव...
उन्हाचा ताप वाढण्याची शक्यतापुणे : राज्यात उन्हाचा चटका अाणि उकाडा...
जेजुरी गडावर देवाची रंगपंचमीजेजुरी, जि. पुणे : जेजुरी गडावर पारंपरिक...
शेतकरी मंडळामुळे मिळाला ९० लाखांचा...वेंगुर्ले, जि. सिंधुदुर्ग : बॅंकेच्या चुकीमुळे...
कोंबडा झाकला तरी...मा  गील सात वर्षांत कृषी आणि सलग्न क्षेत्रातील...
शेतकऱ्यांची दैनावस्था दूर करणारा...गेल्या अनेक वर्षांत शेती आणि शेतकऱ्यांची जी...
तुरळक ठिकाणी पावसाची शक्यतापुणे : राज्यात उन्हाचा चटका वाढल्याने अनेक ठिकाणी...
शिल्लक साखरेचा दबाव पुढील हंगामावर?कोल्हापूर : केंद्राने सुरू केलेल्या कोटा...
‘सॉर्टेड सिमेन’चा प्रयोग यशस्वीनगर : गोदावरी खोरे नामदेवराव परजणे पाटील तालुका...