agriculture news in Marathi, commissioner not happy on agriculture department work, Maharashtra | Agrowon

कृषी विभागाच्या कामकाजावर आयुक्‍तांची नाराजी
टीम अॅग्रोवन
सोमवार, 8 जानेवारी 2018

योजनांचा लाभ शेतकऱ्यांना मिळावा म्हणून काही विषयांसदर्भात नियमांमध्ये लवचिकता आणली. त्यामुळे ऑफिसमध्ये बसून नव्हे तर प्रत्यक्ष क्षेत्रावर जाऊन योजना शेतकऱ्यांपर्यंत पोचविण्यासाठी येणाऱ्या अडचणींतून मार्ग काढणे अपेक्षित आहे. असमाधानकारक कामांमध्ये सुधारणा न झाल्यास प्रशासकीय कारवाई केली जाईल. 
- सच्चिंद्र प्रताप सिंह, आयुक्‍त, कृषी विभाग

औरंगाबाद : मराठवाड्यातील कृषी विभागाच्या विशेष करून लातूर कृषी विभागाच्या कामकाजावर कृषी आयुक्‍त सच्चिंद्र प्रताप सिंह यांनी नाराजी व्यक्‍त केली. शासनाच्या योजना शेतकऱ्यांसाठी आहेत, त्या शेतकऱ्यांपर्यंत पोचविण्याची जबाबदारी आपली असल्याने त्यामध्ये हयगय खपवून घेतली जाणार नाही, असा इशाराही कृषी आयुक्‍त सच्चिंद्र प्रताप सिंह यांनी दिला.

 मराठवाड्यात कृषी विभागामार्फत राबविल्या जाणाऱ्या योजनांसह त्यांच्या अंमलबजावणी व निधीखर्चाचा आढावा राज्याचे कृषी आयुक्‍त सच्चिंद्र प्रताप सिंह यांनी शनिवारी (ता. ६) औरंगाबाद येथे घेतला. मराठवाड्यातील सर्व अधीक्षक कृषी अधिकारी, तालुका कृषी अधिकारी, कृषी संचालक पी. एन. पोकळे, उपविभागीय कृषी अधिकारी व औरंगाबादचे विभागीय कृषी सहसंचालक प्रतापसिंह कदम यांची बैठकीला प्रामुख्याने उपस्थिती होती.

कृषी विभागामार्फत राबविल्या जाणाऱ्या योजनांसाठी केंद्र शासनाकडूनही निधी दिला जातो. मिळालेल्या निधीचा विनियोग मार्चपूर्वी प्राधान्याने करणे आवश्‍यक असते. योजनांसाठीच्या निधीचा विनियोग तालुका, जिल्हा व विभाग स्तरावरून कशाप्रकारे सुरू आहे. निधी विनियोगातील नेमक्‍या अडचणी कोणत्या, त्यावरील पर्याय वा शासनाकडून अपेक्षित धोरणात्मक मार्गदर्शन सहकार्य आदींविषयी कृषी आयुक्‍तांनी जिल्हानिहाय माहिती जाणून घेतली. 

कृषी सिंचन, कृषी यांत्रिकीकरण, एकात्मिक फलोत्पादन विकास कार्यक्रम, सेंद्रिय बोंड अळीमुळे नुकसान झाल्याविषयी शेतकऱ्यांकडून आलेल्या ‘जी’ फॉर्मच्या तक्रारीनंतर ‘एच’ आणि ‘आय’ फॉर्म स्थिती, कृषी महोत्सव, गटशेतीअंतर्गत प्रस्ताव, शेततळे अस्तरीकरण आदींविषयी पूर्वसंमती, कार्यारंभ आदेश त्यानंतरही कामाची पूर्तता न होणे याविषयी आयुक्‍तांनी प्रचंड नाराजी व्यक्‍त केली.

परभणी व लातूर जिल्ह्यांतील काम असमाधानकारक असून, शेतकऱ्यांपर्यंत योजना व त्याचा प्रत्यक्ष लाभ पोचविण्यात दोन्ही विभागांचे कामकाज फारसे समाधानकारक नसल्याने आयुक्‍तांनी अधिकाऱ्यांचे कान टोचले. राज्यभरात अशाच प्रकारे आढावा बैठका घेतल्या जाणार आहेत. 

या वेळी कृषीचे माजी अतिरिक्‍त सचिव नानासाहेब पाटील यांनी निती आयोगाची भूमिका, शासनाचे धोरण, शेती, ग्रामीण भागाची प्रत्यक्ष स्थिती, शेतकऱ्यांचे उत्पन्न दुप्पट नेमके कसे करायचे, याविषयी शासनाची भूमिका या संदर्भात माहिती दिली. 

 

इतर अॅग्रो विशेष
दहशतवादी आणि त्यांच्या पाठिराख्यांना...पांढरकवडा : आपल्या लष्कराबद्दल आपल्याला गर्व आहे...
शेतीतूनच होते औद्योगिक विकासाची पायाभरणीची नमधील कम्युनिस्ट पक्षाच्या राज्यकर्त्यांनी...
कसा टळेल मानव-वन्यप्राणी संघर्ष? अलीकडे वन्यप्राण्यांकडून शेतपिकांचे होणारे नुकसान...
'मंडळात एकच छावणी'च्या निकषात बदल नगर  : दुष्काळाच्या पार्श्वभूमीवर जिल्ह्यात...
पंधरा एकरांत उत्कृष्ठ हरभरा नंदुरबार जिल्ह्यातील ब्राह्मणपुरी (ता. शहादा)...
विविध प्रयोगांमधून वाढवले उत्पन्नाचे...यवतमाळ जिल्ह्यातील अंबोडा येथील महेश व दीपक या...
परभणीतील शेतकऱ्यांचे कोल्हापुरात आंदोलनकोल्हापूर ः परभणी जिल्ह्यातील नुकसानग्रस्त...
किमान विक्री मूल्यवाढीने साखर उद्योगात...कोल्हापूर : साखरेचे किमान विक्री मूल्य २९००...
जन्मोजन्मी दास । व्हावे हेचि माझी आस ।।जन्मोजन्मी दास । व्हावे हेचि माझी आस ।। पंढरीचा...
शहीद जवानांच्या कुटुंबीयांना प्रत्येकी...तासगाव, जि. सांगली ः छत्रपती शिवाजी महाराज, डॉ....
दीड हजार कोटींचा दुसरा हप्ता...मुंबई  ः गेल्या वर्षी खरीप हंगामात अपुऱ्या...
राज्यात गारठा पुन्हा वाढण्याची शक्यतापुणे : उत्तरेकडून थंड वाऱ्याचे प्रवाह येऊ...
पंतप्रधान मोदी आज करणार महिला बचत...यवतमाळ ः पंतप्रधान नरेंद्र मोदी शनिवारी (ता...
पदव्युत्तर कृषी अभ्यासक्रमात पुढील...नागपूर ः कृषी अभ्यासक्रमात आजची परिस्थिती आणि...
दुष्काळात पीकविम्याचा आधारमुंबई ः यंदाच्या भीषण दुष्काळाच्या पार्श्वभूमीवर...
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
चीनमधील शेतीची विस्मयकारक प्रगतीविसाव्या शतकाच्या मध्यावर भारताला स्वातंत्र्य...
सेस, सेवाशुल्क आणि संभ्रमप्रक्रियायुक्त शेतमाल, फळे-भाजीपाला आणि शेवटी...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...