काजू बोंडापासून इथेनॉल, सीएनजी निर्मितीसाठी समिती स्थापन

संग्रहित छायाचित्र
संग्रहित छायाचित्र

पुणे  ः भविष्यातील इंधनाची टंचाई आणि आयात शुल्कावर होणारा हजारो कोटींचा खर्च कमी करण्यासाठी जैवइंधन निर्मितीला सरकार प्रोत्साहन देत आहे. या पार्श्‍वभूमीवर कोकणातील काजू बोंडापासून इथेनॉल आणि सीएनजी उत्पादनासाठी पथदर्शी प्रकल्प उभारण्याकरिता सरकार प्रयत्नशील आहे. यासाठी पणन संचालक दीपक तावरे यांच्या अध्यक्षतेखाली अभ्यास गटाची स्थापना करण्यात आली आहे. पुढील दोन महिन्यांत समितीने अहवाल सादर करण्याच्या सूचना शासनाने केल्या आहेत.

सिंधुदुर्ग, रत्नागिरी आणि कोल्हापूर या जिल्ह्यांत मोठ्या प्रमाणावर काजूची लागवड आहे. या परिसरात काजू बी करण्याचे प्रक्रिया उद्योग आहेत. काजू बी व्यतिरिक्त काजू बोंडाचे सुमारे २२ लाख मेट्रिक टन उत्पादन होते. मात्र यावर  प्रक्रिया होत नसल्याचे सरकारचे म्हणणे आहे.

या बोंडापासून वाइन, सीएनजी, व्हाइट स्पिरिट आदी उपपदार्थांची निर्मिती करता येते. तर बोंडाच्या चोथ्यापासून फायबर, पोल्ट्री खाद्य, पशुखाद्य निर्मिती शक्य आहे. या दृष्टीने कोकणात पथदर्शी प्रकल्प उभारण्यासाठी पणन संचालकांच्या अध्यक्षतेखाली १० अभ्यासकांची समिती स्थापन करण्यात आली आहे.   हे आहेत सदस्य : अध्यक्ष - दीपक तावरे (पणन संचालक) सदस्य - फलोत्पादन संचालक, साखर सहसंचालक (उपपदार्थ), डॉ. बाळासाहेब सावंत कोकण कृषी विद्यापीठाचे प्रतिनिधी, उदय कुलकर्णी (प्राज उद्योग), संतोष गोंधळेकर (प्रायमोव्ह), अतुल काळसेकर (सिंधुदुर्ग जिल्हा बॅंक), हरीश कांबळे (स्वामी समर्थ प्रक्रिया उद्योग), सुनील उकीडवे (डॉ. हेडगेवार प्रकल्प, मानगाव) सदस्य सचिव - विभागीय कृषी सहसंचालक (कोकण).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com