औरंगाबाद : येथील कृषी उत्पन्न बाजार समितीमध्ये शनिवारी (ता. २) भुईमूग शेंगांची ७७ क्विंटल आवक झाली. या शेंगांना २२०० ते २६०० रुपये क्विंटल असा दर मिळाल्याची माहिती बाजार समितीच्या सूत्रांनी दिली.
औरंगाबाद बाजार समितीमध्ये शनिवारी हिरव्या मिरचीची ५५ क्विंटल आवक झाली. हिरव्या मिरचीला २५०० ते ३००० रुपये क्विंटल असा दर मिळाला. कांद्याची १७५ क्विंटल आवक होती. कांद्याला २०० ते ९०० रुपये क्विंटल दर मिळाले. टोमॅटोची १४६ क्विंटल आवक झाली. टोमॅटोला ५०० ते १५०० रुपये क्विंटल असा दर मिळाला. वांग्याची ३१ क्विंटल आवक होती, त्यास ७०० ते १५०० रुपये क्विंटल दर राहिला. १२ क्विंटल आवक झालेल्या गवारीला २००० ते ३००० रुपये क्विंटल असा दर मिळाला. भेंडीची आवक २० क्विंटल होती. भेंडीला २००० ते २८०० रुपये क्विंटल दर मिळाला. काकडीची आवक ५५ क्विंटल झाली. काकडीला ६०० ते १४०० रुपये क्विंटल असा दर मिळाला. लिंबाची ११ क्विंटल आवक झाली. लिंबाचे दर १००० ते २५०० रुपये क्विंटल राहिले.
बाजारसमितीत दुधी भोपळ्याची २२ क्विंटल आवक झाली. दुधी भोपळ्याला ५०० ते ९०० रुपये क्विंटल असा दर मिळाला. कोबीची ८८ क्विंटल आवक झाली. कोबीला ४०० ते ५०० रुपये क्विंटल दर मिळाले. फ्लॉवरची १५ क्विंटल आवक झाली. फ्लॉवरला १५०० ते २५०० रुपये क्विटंल असा दर मिळाला. शेवग्याची आवक २१ क्विंटल झाली. शेवग्याला २५०० ते ३५०० रुपये क्विंटल दर मिळाला.
बाजारसमितीत कैरीची २७ क्विंटल आवक झाली. कैरीला ७०० ते १५०० रुपये क्विंटल दर मिळाले. मेथीची ७ हजार जुड्या आवक झाली. मेथीचे दर ८०० ते १००० रुपये प्रतिशेकडा होते. पालकाची ९ हजार जुड्या आवक झाली. पालकास ३०० ते ५०० रुपये प्रतिशेकडा असा दर मिळाला. कोथिंबिरीची आवक १९ हजार जुड्या झाली. कोथिंबिरीला ५०० ते ८०० रुपये प्रतिशेकडा दर मिळाल्याची माहिती बाजार समितीच्या सूत्रांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.