जळगावात चवळी शेंगा २००० ते ३००० रुपये क्विंटल

जळगाव : येथील कृषी उत्पन्न बाजार समितीमध्ये चवळीच्या शेंगांची आवक महिनाभरापासून कमी आहे. त्यात फारशी वाढ होत नसून पुरवठा कमी व मागणी कायम, अशी स्थिती आहे. बुधवारी (ता. १७) बाजारात केवळ चार क्विंटल चवळी शेंगांची आवक झाली. तिला २००० ते ३००० रुपये तर सरासरी २५०० रुपये क्विंटल असा दर मिळाला.

जिल्ह्यात तापी व गिरणा काठावरील शेतकरी चवळीच्या शेंगांची लागवड करतात. लागवड फारशी नसते. काही शेतकरी बांधावरचे पीक म्हणून चवळीच्या शेंगा घेतात. त्यामुळे आवक काहीशी कमीच असते, अशी माहिती बाजार समितीमधील सूत्रांनी दिली.

बाजारात बुधवारी कांद्याची ३१० क्विंटल आवक झाली. कांद्याला ११५० ते २७५० रुपये तर सरासरी २४०० रुपये क्विंटल दर होता. वांग्यांची ४१ क्विंटल आवक झाली. त्यांना ५०० ते १००० रुपये तर सरासरी ७०० रुपये क्विंटल दर मिळाला. हिरव्या मिरचीची २८ क्विंटल आवक झाली. हिरव्या मिरचीला १५०० ते २८०० रुपये तर सरासरी २००० रुपये क्विंटल दर होता. पोकळ्याची ११ क्विंटल आवक झाली. पोकळ्यास ७०० ते १२०० रुपये तर सरासरी १००० रुपये क्विंटल दर मिळाला.

गिलक्‍यांची पाच क्विंटल आवक झाली. त्यांना १५०० ते २८०० रुपये तर सरासरी २२०० रुपये क्विंटल दर होता. वाटाण्याची ४० क्विंटल आवक झाली. त्यांना १५०० ते २२०० रुपये तर सरासरी १७०० रुपये क्विंटल दर मिळाला. कोथींबिरीची १५ क्विंटल आवक झाली. कोथिंबीरीस ५०० ते १००० रुपये तर सरासरी ८०० रुपये क्विंटल दर मिळाला.

बटाट्याची २०० क्विंटल आवक झाली. त्यास ५०० ते १००० रुपये तर सरासरी ७०० रुपये क्विंटल दर मिळाला. कोबीची २७ क्विंटल आवक झाली. कोबीला ७०० ते १२०० रुपये तर सरासरी १००० रुपये क्विंटल असा दर मिळाला. टोमॅटोची ३२ क्विंटल आवक झाली. त्याला ३५० ते ६५० रुपये तर सरासरी ४५० रुपये क्विंटल दर होता.

पालकची तीन क्विंटल आवक झाली. त्याला १४०० रुपये क्विंटल दर मिळाला. गाजरांची १४ क्विंटल आवक झाली. गाजरास ६०० ते १००० रुपये तर सरासरी ८०० रुपये क्विंटल असा दर होता.