जळगाव येथे आंबा ४५०० ते ८००० रुपये क्विंटल

आंबा
आंबा
जळगाव  ः येथील कृषी उत्पन्न बाजार समितीत बुधवारी (ता. १८) केशर, पायरी आंब्याला ४५०० ते ८००० रुपये तर सरासरी ६००० रुपये क्विंटल असा दर मिळाला. आंब्याची आवक १७ क्विंटल झाली. ही आवक आंध्र प्रदेश, गुजरात व ठाणे, कल्याण येथील मोठ्या व्यापाऱ्यांकडून होत आहे. आवक कमी आहे. त्यातच अक्षय तृतीयेला मागणी अधिक राहिल्याने दर बऱ्यापैकी राहिले.
 
काही व्यापाऱ्यांनी आंब्यांची आगाऊ नोंदणी आंध्र प्रदेशसह गुजरातमधील पुरवठादारांकडे करून घेतली होती. स्थानिक भागातून कुठलीही आवक नसल्याची माहिती बाजार समितीमधील सूत्रांनी दिली. 
 
बाजारात खरबुजाची २५ क्विंटल आवक झाली. त्यास ८०० ते १४०० रुपये तर सरासरी १००० रुपये क्विंटल असा दर होता. लिंबांची पाच क्विंटल आवक झाली. लिंबास २००० ते ४५०० रुपये तर सरासरी ३००० रुपये क्विंटल असा दर मिळाला. कलिंगडाची २० क्विंटल आवक झाली. कलिंगडाला ४०० ते ८०० रुपये तर सरासरी ६०० रुपये क्विंटल दर होता. भेंडीची १० क्विंटल आवक झाली. भेंडीला १००० ते २००० रुपये तर सरासरी १५०० रुपये क्विंटल दर मिळाला.
 
कैरीची १२ क्विंटल आवक झाली. कैरीला १००० ते २००० रुपये तर सरासरी १५०० रुपये क्विंटल दर मिळाला. आलेची (अद्रक) १८ क्विंटल आवक झाली. त्यास १२०० ते २५०० रुपये तर सरासरी १५०० रुपये क्विंटल असा दर मिळाला. बटाट्याची १०० क्विंटल आवक झाली. बटाट्याला ९०० ते १६०० रुपये सरासरी १२०० रुपये क्विंटल दर मिळाला. गवारीची दोन क्विंटल आवक झाली. त्याला ३८०० रुपये क्विंटल असा दर मिळाला. कोबीची ११ क्विंटल आवक झाली. कोबीला ५०० ते १००० रुपये तर सरासरी ५०० रुपये क्विंटल असा दर होता.
 
कारल्याची चार क्विंटल आवक झाली. कारल्याला १५०० ते ३५०० रुपये तर सरासरी २००० रुपये क्विंटल असा दर मिळाला. कोथिंबिरीची सात क्विंटल आवक झाली. कोथिंबिरीला १५०० ते ३००० रुपये तर सरासरी २२०० रुपये क्विंटल असा दर मिळाला. मेथीची सहा क्विंटल आवक झाली. मेथीला २००० ते २५०० रुपये तर सरासरी २५०० रुपये क्विंटल असा दर होता. लाल कांद्याची ५०० क्विंटल आवक झाली. लाल कांद्याला ३५० ते ६०० रुपये तर सरासरी ४५० रुपये क्विंटल असा दर मिळाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com