सातारा : येथील कृषी उत्पन्न बाजार समितीत गुरुवारी (ता. १५) मेथी, कोथिंबीर, गवार, दोडक्‍याचे दर तेजीत होते. काकडी व शेवग्याच्या आवकेत वाढ झाली. मेथीची ३ हजार जुड्या आवक झाली. मेथीस शेकड्यास ५०० ते ७०० रुपये दर मिळाला आहे. मेथीच्या दरात मंगळवारच्या (ता. १३) तुलनेत शेकड्यामागे २०० रुपयांनी वाढ झाली असल्याची माहिती बाजार समितीच्या सूत्रांनी दिली आहे.
बाजार समितीत कोथिंबिरीची ३२०० जुड्या आवक झाली. कोथिंबिरीस शेकड्यास २०० ते ३०० रुपये दर मिळाला आहे. कोथिंबिरीच्या दरात शेकड्यामागे १०० रुपयांनी वाढ झाली. फळभाज्यांमध्ये गवारीची तीन क्विंटल आवक झाली. गवारीस ४०० ते ६०० रुपये प्रति दहा किलो असा दर मिळाला. दोडक्‍याची नऊ क्विंटल आवक झाली.
दोडक्‍यास २०० ते ३०० रुपये प्रति दहा किलो दर मिळाला आहे.
वाटाण्याची २३ क्विंटल आवक झाली. वाटाण्यास ३०० ते ३५० रुपये प्रति दहा किलो दर मिळाला. कांद्याची ६७५ क्विंटल आवक झाली. कांद्यास ७० ते ९० रुपये दहाकिलो असा दर मिळाला. बटाट्याची ६३५ क्विंटल आवक झाली. बटाट्यास ८० ते १३० रुपये प्रति दहा किलो असा दर मिळाला. लसणाची ६४ क्विंटल आवक झाली. लसणास १०० ते २५० रुपये प्रति दहा किलो दर मिळाला.
आल्याची ७५ क्विंटल आवक झाली. दहा किलो आल्यास २०० ते २५० रुपये असा दर मिळाला. हिरवी मिरचीची १२ क्विंटल आवक झाली. हिरव्या मिरचीला २८० ते ३२० रुपये प्रति दहा किलो दर मिळाला. पावट्याची चार क्विंटल आवक झाली. पावट्यास ३०० ते ४०० रुपये प्रति दहा किलो दर मिळाला. काळा घेवड्याची नऊ क्विंटल आवक झाली. या घेवड्यास २०० ते २५० रुपये प्रति दहा किलो दर मिळाला.
टोमॅटोची ४० क्विंटल आवक झाली. टोमॅटोस ४० ते ५० रुपये प्रति दहा किलो दर मिळाला. शेवग्याची १८ क्विंटल आवक झाली. शेवग्यास २०० ते २५० रुपये प्रति दहा किलो असा दर मिळाला. काकडीची २७ क्विंटल आवक झाली. काकडीला ४० ते ६० रुपये प्रति दहा किलो असा दर मिळाला आहे.
