agriculture news in marathi, Companies agree to ban BT's brand marketing | Agrowon

‘बीटी’च्या ब्रॅंड मार्केटिंग बंदीला कंपन्या राजी
टीम अॅग्रोवन
बुधवार, 10 जानेवारी 2018

पुणे : जनुकीय तंत्रज्ञान मान्यता समितीने (जीईसी) मंजुरी दिलेल्या बीटी बियाण्यांच्या मूळ नावासमोर 'ब्रॅंडनेम' न टाकण्यास कंपन्या अखेर बिनशर्त तयार झाल्या आहेत. त्यामुळे कायद्यानुसार नवे परवाने घेण्यास कृषी आयुक्तालयानेदेखील मुदत वाढवून दिली आहे, अशी माहिती सूत्रांनी दिली.

पुणे : जनुकीय तंत्रज्ञान मान्यता समितीने (जीईसी) मंजुरी दिलेल्या बीटी बियाण्यांच्या मूळ नावासमोर 'ब्रॅंडनेम' न टाकण्यास कंपन्या अखेर बिनशर्त तयार झाल्या आहेत. त्यामुळे कायद्यानुसार नवे परवाने घेण्यास कृषी आयुक्तालयानेदेखील मुदत वाढवून दिली आहे, अशी माहिती सूत्रांनी दिली.

जीईसीने बीटी कपाशी बियाण्यांच्या मान्यताप्राप्त मूळ नावात राज्यातील कंपन्या बदल करून आकर्षक “ब्रॅंडनेम”ने बीटी बियाणे विकत होत्या. याच ब्रॅंडनेमला मान्यता देणारे करारदेखील या मार्केटिंग कंपन्यांनी मूळ बियाणे उत्पादक कंपन्यांसमवेत केले होते. या करारांना कृषी आयुक्तालयाने मान्यतादेखील दिली होती. तथापि, ही पद्धत चुकीची असल्याची भूमिका कृषी खात्याचे प्रधान सचिव बिजयकुमार व कृषी आयुक्त सच्चिंद्र प्रताप सिंह यांनी घेतली. त्यामुळे ब्रॅंड मार्केटिंगवरील बंदी आणली गेली.

"ब्रॅंडनेममुळे शेतकऱ्यांमध्ये होत असलेला गोंधळ मिटवण्यासाठी आम्ही ७४ कंपन्यांचे 'ब्रॅंड मार्केटिंग परवाने' रद्द केले आहेत. ब्रॅंड मार्केटिंगवर लावलेल्या बंदीचे पालन करण्याबाबत चर्चा करण्यासाठी कृषी आयुक्तालयाच्या गुण नियंत्रण संचालकांनी कंपन्यांची बैठक बोलावली होती. या बैठकीत कोणत्याही कंपनीने बंदीला विरोध केला नाही, अशी माहिती सूत्रांनी दिली.

गुण नियंत्रण संचालक मच्छिंद्र घोलप, मुख्य गुणवत्ता नियंत्रण निरीक्षक सुभाष काटकर, मुख्य बियाणे निरीक्षक चंद्रकांत गोरड, सीड इंडस्ट्रीज असोसिएशन ऑफ इंडियाचे डॉ. शालिग्राम वानखेडे, डॉ. एफ. बी. पाटील, तसेच इतर कंपनी प्रतिनिधींनी या वेळी चर्चेत भाग घेतला.

' बॅंड मार्केटिंगवर बंदी घातल्यानंतर मूळ परवाने जमा करण्यासदेखील कंपन्यांकडून सुरवात झाली आहे. जीईसीने मान्यता दिलेल्या नावाप्रमाणे सुधारित परवाने देण्याची विनंती कंपन्याकडून येत आहे. नवे परवाने घेण्यासाठी प्रस्ताव सादर करण्यासाठी आम्ही १० जानेवारीपर्यंत मुदत दिलेली होती. मात्र, कंपन्यांकडून मुदतवाढीची सूचना आल्यामुळे आता ही मुदत २० जानेवारीपर्यंत वाढविण्यात आली आहे, असे सूत्रांनी स्पष्ट केले.

विपणन कराराला यापुढे मान्यता नाही
बीटी कपाशीच्या बियाण्यांचे मार्केटिंग करणाऱ्या कंपन्या आणि बीटी बियाण्यांचे उत्पादन करणाऱ्या मूळ उत्पादक कंपन्या यांच्यात होणाऱ्या व्यावसायिक कराराच्या मान्यतेबाबत कृषी खात्याने आता सावध भूमिका घेतली आहे. ‘ब्रॅंडनेम’ला मान्यता देणारे करार यापूर्वी आयुक्तालयात मान्यतेसाठी आणले जात होते. मात्र, यापुढे आयुक्तालयाच्या स्तरावरून कोणत्याही विपणन कराराला मान्यता देण्यात येणार नाही, अशी भूमिका खात्याने घेतली आहे. "उत्पादक व विपणन कंपन्यांनी ३० नोव्हेंबर २०१७ पर्यंत शिल्लक असलेल्या बियाण्यांच्या साठ्याची माहिती कृषी आयुक्तालयास सादर केलेली असल्यास या विपणन कराराअंतर्गत बियाणे उत्पादन व बियाणे विक्री करू नये, असे स्पष्ट आदेश कृषी खात्याने दिले आहेत.

इतर अॅग्रो विशेष
कौशल्य विकास कार्यक्रमातून मिळतोय एकीचा...राज्यात गेल्या दीड दशकामध्ये गटशेतीचे मूळ...
कौशल्य विकासातून गटशेतीसाठी शेतकरी...मुंबई ः शेतीतून उत्पन्न वाढवायचे असेल तर...
पोषणमूल्यावर आधारित कृषी प्रकल्पास...पुणे : राज्यातील कृषी विज्ञान केंद्रांच्या मदतीने...
हमीभाव न देणाऱ्या व्यापाऱ्यांचे परवाने...सोलापूर : हमीभावापेक्षा कमी दराने शेतमाल खरेदी...
खानदेशात कापूस लागवड वाढण्याचा अंदाजजळगाव : खानदेशात आगामी खरिपात कापूस लागवड किंचित...
अाॅनलाइन नोंदणी न झाल्यास शेतकरीच...अकोला ः शासनाच्या आधारभूत किमतीने तूर खरेदीसाठी...
संपूर्ण शेतीमाल नियमनमुक्त करावापुणे ः राज्य सरकारने संपूर्ण शेतीमाल...
कोरडवाहू फळ संशोधन कार्याला गती...परभणी: पोषण मूल्यांच्या सुरक्षिततेसाठी...
राज्यातील सत्तावीस कृषी महाविद्यालयांचे...पुणे : भारतीय कृषी संशोधन परिषदेची आदर्श...
दुष्काळग्रस्त १५१ तालुक्यांसाठी दोन...मुंबई : राज्यातील खरीप हंगाम २०१८ मध्ये...
विदर्भात उद्यापर्यंत पावसाचा अंदाजपुणे : राज्याच्या कमाल तापमानात सातत्याने वाढ होत...
एकात्मिक कीड नियंत्रणासाठी फेरोमोन...रासायनिक कीडनाशकांना किटक प्रतिकारक होत असून,...
परागकणांचा मागोवा घेण्याची कार्यक्षम...दक्षिण आफ्रिकेतील स्टेल्लेनबाऊच विद्यापीठातील...
खानदेशात पाणीटंचाईच्या प्रस्तावात वाढजळगाव : खानदेशात पाणीटंचाईचे प्रस्ताव वाढत आहेत....
कडाक्याच्या थंडीने गव्हाच्या विविध...सातारा ः येथील वेण्णा तलाव परिसरात असलेल्या...
राहुरी कृषी विद्यापीठाचा दर्जा घसरलापुणे: राहुरी येथील महात्मा फुले कृषी...
कणेरी मठावर देशातील पहिले डिव्हाइन...कोल्हापूर : हजारो फुलझाडांसह विविध प्रकारची...
आंध्र प्रदेशातील एका कंपनीचा परवाना `...नागपूर ः आंध्र प्रदेशातील एका बियाणे कंपनीच्या...
आणखी साडेचार हजार गावांमध्ये दुष्काळी...मुंबई : खरीप हंगाम २०१८ मध्ये राज्यातील ५०...
मराठवाड्यात आज पावसाचा अंदाजपुणे : कमाल तापमानात वाढ झाल्याने राज्यात...