agriculture news in marathi, compensation decleared for bollworm, marathwada | Agrowon

मराठवाड्याला बोंडअळी नुकसानीपोटी १२२१ कोटींचा निधी मंजूर
टीम अॅग्रोवन
शुक्रवार, 11 मे 2018
परभणी : महसूल आणि कृषी विभागाच्या संयुक्त पंचनाम्याच्या आधारे गुलाबी बोंड अळीमुळे कपाशीचे ३३ टक्क्यांपेक्षा अधिक नुकसान झालेल्या राज्यातील शेतकयांना मदत देण्याचा निर्णय शासनाने घेतला आहे. त्यानुसार मराठवाड्यातील आठ जिल्ह्यांतील बोंड अळीमुळे नुकसान झालेल्या शेतकऱ्यांच्या मदतीसाठी शासनाने १२२१ कोटी ४ लाख ८ हजार रुपये एवढा निधी वितरित करण्यास मंजुरी देण्यात आली आहे. मदतीची रक्कम तीन समान हप्त्यांमध्ये संबंधित जिल्ह्यांना वितरित करण्यात येणार आहे.
 
परभणी : महसूल आणि कृषी विभागाच्या संयुक्त पंचनाम्याच्या आधारे गुलाबी बोंड अळीमुळे कपाशीचे ३३ टक्क्यांपेक्षा अधिक नुकसान झालेल्या राज्यातील शेतकयांना मदत देण्याचा निर्णय शासनाने घेतला आहे. त्यानुसार मराठवाड्यातील आठ जिल्ह्यांतील बोंड अळीमुळे नुकसान झालेल्या शेतकऱ्यांच्या मदतीसाठी शासनाने १२२१ कोटी ४ लाख ८ हजार रुपये एवढा निधी वितरित करण्यास मंजुरी देण्यात आली आहे. मदतीची रक्कम तीन समान हप्त्यांमध्ये संबंधित जिल्ह्यांना वितरित करण्यात येणार आहे.
 
२०१७ मधील हंगामात मराठवाडा विभागातील औरंगाबाद, जालना, परभणी, हिंगोली, नांदेड, लातूर, उस्मानाबाद, बीड या जिल्ह्यांतील बीटी कपाशीचे गुलाबी बोंड अळीच्या प्रादुर्भावामुळे मोठे नुकसान झाले होते. त्यामुळे शेतकऱ्यांना मोठा आर्थिक फटका बसला होता. नैसर्गिक आपत्तीअंतर्गत नुकसानग्रस्त शेतकऱ्यांना मदतीसाठी निधीची मागणी करण्यात आली होती.
 
त्यानुसार आठ जिल्ह्यातील शेतकऱ्यांसाठी १२२१ कोटी ४ लाख ८ हजार रुपये एवढा निधी तीन समान हप्त्यामध्ये वितरित करण्यास मान्यता देण्यात आली आहे.
नुकसानग्रस्त शेतकऱ्यांना मदतीसाठी राष्ट्रीय आपत्ती निवारण बल (एनडीआरएफ) निकषानुसार जिरायती क्षेत्रासाठी प्रतिहेक्टरी ६८०० रुपये आणि बागायती क्षेत्रासाठी प्रतिहेक्टरी १३,५०० रुपये देण्यात येणार आहेत. २ हेक्टरपर्यंत जमीन धारण करणाऱ्या शेतकऱ्यांना पेरणी क्षेत्राच्या मर्यादेत किमान १ हजार रुपये तर २ हेक्टरपेक्षा अधिक जमीन धारणा करणाऱ्या शेतकऱ्यांना क्षेत्राच्या प्रकारानुसार जास्तीत जास्त २ हेक्टरपर्यंत मदत दिली जाणार आहे.
 
मदतीची रक्कम संबंधित नुकसानग्रस्त शेतकऱ्यांच्या आधार संलग्न बॅंक खात्यावर थेट हस्तांतर पद्धतीने (डीबीटी) जमा करण्यात यावी. कोणताही पात्र शेतकरी मदतीपासून वंचित राहू नये यासाठी आधार कार्ड नसेल तर अन्य पर्यायी व व्यवहार्य ओळखपत्राच्या आधारे खातरजमा करून मदत देण्यात यावी. मदतीच्या रकमेतून कोणत्याही प्रकारची वसुली करण्यात येऊ नये. जिल्ह्यांना प्रथम हप्ता वितरित करण्यात आल्यानंतर मदतीची रक्कम वाटप केलेल्या शेतकऱ्यांची यादी जिल्हाधिकारी कार्यालयाच्या संकेतस्थळावर प्रसिद्ध करण्यात यावी. त्यानंतर उपयोगिता प्रमाणपत्रासह पुढील मागणी शासनाकडे करण्यात यावी. त्यानंतरच संबंधीत जिल्ह्यांना पुढील हप्ताची रक्कम वितरित करण्यात यावी.
 
शासनाकडून मदतीची रक्कम तीन हप्त्यांमध्ये देण्यात येणार असली तरी शेतकऱ्यांना मात्र मदतीचे वाटप करताना अनुज्ञेय असलेली संपूर्ण रक्कम एकाच वेळी अदा करावी, असे निर्देश संबंधित जिल्हा प्रशासनास देण्यात आलेले आहेत.
 
 
 
जिल्हानिहाय बोंड अळीमुळे नुकसान झालेल्या शेतकऱ्यांना मदतीची रक्कम (कोटी रुपये)
जिल्हा रक्कम 
औरंगाबाद २९६.२५०९
जालना २७५.३७६९
परभणी १५७.९७९२
हिंगोली ३६.६०४२
नांदेड १७६.१२६४
लातूर ८.६००९
उस्मानाबाद १३.५१३०
बीड २५६.५८९३

 

इतर ताज्या घडामोडी
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...
कोल्हापुरात ऊसतोडणीसाठी यंदा पुरेसे मजूरकोल्हापूर  : गेल्या हंगामाच्या तुलनेत...
यवतमाळ जिल्हा दुष्काळग्रस्त जाहीर करा ः...वणी, जि. यवतमाळ   ः केंद्र व राज्यातील सरकार...
ग्रामपंचायत कर्मचाऱ्यांच्या वेतनासाठी...नाशिक (प्रतिनिधी) : कुटुंबाच्या आर्थिक अडचणीच्या...
पीकनिहाय सिंचनाचे काटेकोर नियोजनपिकांच्या अधिक उत्पादकतेसाठी जमिनीची निवड, मुबलक...
नारळासाठी खत, पाणी व्यवस्थापननारळ हे बागायती पीक असल्यामुळे पुरेसे पाणी...
खानदेशात केळीच्या दरात सुधारणाजळगाव : केळीची आवक सध्या कमी असून, थंडी वधारताच...
नाशिक जिल्ह्यातील दुष्काळी तालुक्यात...नाशिक : नाशिक जिल्ह्यातील पंधरापैकी आठ तालुके...
‘निम्न दुधना’तून पाणी देण्याचे...परभणी : निम्म दुधना प्रकल्पातून पिण्यासाठी पाणी...
सर्वसाधारण सभेचा सत्ताधाऱ्यांना धसकाजळगाव : जिल्हा परिषदेची सर्वसाधारण सभा येत्या २८...
शेतकऱ्यांनी चारा पिकांवर भर द्यावा ः...पुणे  : नव्या वर्षाच्या सुरवातीलाच कृषी...
‘वनामकृवि’ तयार करणार दुष्काळी...परभणी  ः मराठवाड्यात उद्भलेल्या दुष्काळी...
कापूस लागवड न करणाऱ्यांना मिळाली मदत;...जळगाव  ः जिल्ह्यात मागील हंगामात बोंड...
पुणे विभागात रब्बीची १८ टक्क्यांवर पेरणीपुणे  ः परतीचा पाऊस न झाल्याने जमिनीत पुरेशी...