agriculture news in marathi, complaint against agriculture service centers, fake insecticide, yavatmal | Agrowon

पाच कृषी केंद्रांवर गुन्हे दाखल
सकाळ वृत्तसेवा
सोमवार, 9 ऑक्टोबर 2017

कृषी विभागाच्या या कारवाईचा धसका घेत कृषी सेवा केंद्र संचालकांनी दुकाने बंद ठेवली होती. या प्रकरणात व्यावसायिकांचा नाहक बळी घेतला जात असल्याचे त्यांचे म्हणणे आहे.

यवतमाळ : कृषी कार्यालयाकडून प्रमाणित न करता कीटकनाशक विक्री करणाऱ्या जिल्ह्यातील पाच कृषी केंद्रचालकांविरुद्ध कृषी विभागाने शनिवारी (ता. ७) रात्री उशिरापर्यंत गुन्हे नोंदविले आहेत. यात कळंब एक, दारव्हा दोन व यवतमाळमधील दोन कृषी केंद्र संचालकांचा समावेश असल्याची माहिती सूत्रांनी दिली.

यवतमाळ शहरातील दोन कृषी केंद्रांवर शनिवारी वडगाव रोड पोलिस ठाण्यात गुन्हा नोंदविण्यात आला. जिल्हाधिकारी डॉ. राजेश देशमुख यांनी बुधवारी (ता. ४) कृषी केंद्राची तपासणी करण्याचे आदेश दिले होते. त्यानुसार पथकाने दत्त चौकातील कृषी वैभव व कृषी प्रगती केंद्रांची झाडाझडती घेतली. त्यात परवाना अधिकाऱ्यांची परवानगी नसताना कीटकनाशकांची विक्री होत असल्याची बाब समोर आली.

त्यानुसार वडगाव रोड पोलिस ठाण्यात तक्रार देण्यात आली. याप्रकरणी कृषी वैभवचे दिलीप चिंतावार, कृषी प्रगतीचे दिलीप बोगावार यांच्याविरुद्घ कीटकनाशक कायद्यान्वये गुन्हे नोंद करण्यात आले. पथकात उपविभागीय अधिकारी स्वप्नील तांगडे, उपविभागीय कृषी अधिकारी कैलास गायकवाड, तालुका कृषी अधिकारी एस. ए. भवरे, पंचायत समितीचे कृषी अधिकारी राजेंद्र घोंगडे यांचा समावेश होता.

कृषी केंद्राची तपासणी होत असल्याने खळबळ उडाली आहे. शहरातील कृषी केंद्र बंद ठेवण्यात आल्याने तपासणीत अडथळा निर्माण होत असल्याची माहिती पथकातील सूत्रांनी दिली. तर कळंब तालुक्यातील सावरगाव येथील कृषी केंद्रचालकाविरुद्ध कळंब पोलिसांत गुन्हा दाखल करण्यात आला आहे. या कारवाईमुळे कृषी केंद्रचालकांचे धाबे दणाणले आहे. शेतात फवारणी करताना तालुक्यातील 19 पेक्षा जास्त शेतकरी, शेतमजुरांना विषबाधा झाली आहे.

यात कळंब येथील देविदास मडावी, तर सावरगाव येथील गजानन फुलमाळी या दोघांचा मृत्यू झाला आहे. या प्रकाराने संपूर्ण जिल्ह्यासह राज्यात खळबळ उडाली. जिल्हाधिकारी डॉ. राजेश देशमुख यांनी तालुक्यात एक चौकशी समितीची स्थापना केली आहे. या समितीत तहसीलदार रणजित भोसले, तालुका कृषी अधिकारी पाठक, कृषी अधिकारी किशोर अंबरकर आदी अधिकाऱ्यांचा समावेश आहे.

या समितीने शनिवारी सावरगाव येथील जलराम कृषी केंद्रचालक संजय राजा यांची चौकशी केली. या चौकशीत त्यांनी कृषी विभागाकडून प्रमाणित न करता कीटकनाशकाची विक्री केल्याचे आढळून आले. त्यामुळे त्यांच्याविरुद्ध कृषी अधिकारी किशोर अंबरकर यांनी कळंब पोलिसांत तक्रार दिली. प्राप्त तक्रारीवरून कळंब पोलिसांनी संशयित संजय राजाविरुद्ध गुन्हा दाखल केला आहे. पुढील तपास पोलिस पीएसआय राजकिरण मडावी करीत आहेत.

तर दारव्हा तालुक्यात दारव्हा येथे व लाडखेड पोलिस ठाण्यातही गुन्हे नोंदविण्यात आल्याची माहिती आहे. दारव्हा येथील प्रवीण प्रभाकर भेलोंडे या कृषी केंद्रचालकावर गुन्हा नोंदविण्यात आला आहे. याप्रकरणी पंचायत समितीचे कृषी अधिकारी राजीव शिंदे यांनी पोलिस ठाण्यात तक्रार दिली होती. लाडखेड पोलिस ठाण्यात अंकिता अ‍ॅग्रो एजन्सीचे प्रीतम सुरेशचंद्र राठी यांच्याविरुद्घ गुन्हे नोंद करण्यात आले.

कारवाईचा धसका
कृषी विभागाच्या या कारवाईचा धसका घेत कृषी सेवा केंद्र संचालकांनी दुकाने बंद ठेवली होती. या प्रकरणात व्यावसायिकांचा नाहक बळी घेतला जात असल्याचे त्यांचे म्हणणे आहे.

इतर ताज्या घडामोडी
कोबीवरील भुरी, घाण्या रोगनियंत्रणराज्यात गेल्या काही दिवसांत अवकाळी पाऊस व गारपीट...
अधिक उत्पादन, साखर उताऱ्यासाठी फुले १०,...ऊस उत्पादक शेतकऱ्यांना अधिक उत्पादन देणाऱ्या...
स्थलांतरित गावांतही मिळणार रेशनचे...नगर : रोजगारासाठी गाव सोडलेल्या कुटुंबांना आता...
नाशिक विभाग ‘मनरेगा’ची मजुरी जमा...नाशिक  : महात्मा गांधी राष्ट्रीय ग्रामीण...
शेतकऱ्यांच्या प्रश्नांसाठी पेटून उठासेलू, जि. परभणी : कधी गारपीट, कधी अवकाळी पाऊस,...
बायफचा फ्रान्स सरकारकडून गौरव पुणे : पशुसंवर्धन, ग्रामविकास व शेती क्षेत्रात...
परभणी जिल्ह्यातील १४ हजार जनावरांना इअर...परभणी : पशुसंवर्धन विभागांतर्गत राबविण्यात येत...
जळगाव जिल्ह्यात हवामानाचा बाजरी उगवणीवर...जळगाव  ः जिल्ह्यात बाजरीची पेरणी काही...
कर्जमाफीच्या २१ लाख शेतकऱ्यांचे खाते '...यवतमाळ : कर्जमाफी अंतिम टप्प्यात आली आहे....
नगर जिल्ह्यात `नरेगा’च्या कामांवर...नगर : मजुरांना रोजगार मिळावा म्हणून राबवल्या...
वऱ्हाडात कांदा बिजोत्पादनाला गारपिटीचा...अकोला ः कांदा बिजोत्पादनाचे मोठे क्षेत्र असणाऱ्या...
हमीभाव : धूळफेकीचे चक्र पूर्ण सत्तेवर येण्यापूर्वी दिलेली आश्वासने सत्तेवर...
सरकारने शेतकऱ्यांची फसवणूक थांबवावी :...दीडपट हमीभावाची सरकारची घोषणा ही शुद्ध बनवाबनवी...
उत्पादन खर्चाबद्दल खुलासा करावा : डॉ....केंद्र सरकारने आगामी खरिपात सर्व अघोषित पिकांसाठी...
मराठवाड्यातील लघू प्रकल्प आले २७ टक्‍क्...औरंगाबाद : मराठवाड्यातील ८६४ लघू, मध्यम, मोठ्या...
गारपीटग्रस्त केळी बाग सुधारणेच्या...अवकाळी पाऊस व गारपिटीमुळे  केळी पिकाचे कमी-...
नांदेड, परभणी, हिंगोली जिल्ह्यांत १५...नांदेड : केंद्र शासनाच्या किंमत समर्थन...
जळगाव जिल्हा परिषदेच्या अर्थसंकल्पात...जळगाव  : जिल्हा परिषदेचा अर्थसंकल्प यंदा सहा...
ब्रॉयलर्स बाजार दहा रुपयांनी उसळला,...ब्रॉयलर्सचा बाजार अपेक्षेप्रमाणे जोरदार उसळी...
पुण्यात कलिंगड, खरबुजाच्या आवकेत वाढपुणे : गुलटेकडी येथील बाजार समितीमध्ये...