agriculture news in marathi, Complete the planning committee's work by December | Agrowon

नियोजन समितीची कामे डिसेंबरअखेर पूर्ण करा
टीम अॅग्रोवन
गुरुवार, 27 सप्टेंबर 2018

सोलापूर : ‘‘जिल्हा नियोजन समितीच्या निधीतून होणाऱ्या विकासकामामुळे लोकांचे जीवनमान उंचावणे महत्त्वाचे आहे. त्याअनुषंगाने विकासकामांची अंमलबजावणी करावी. जिल्हा नियोजन समितीच्या निधीतून होणारी कामे सर्व यंत्रणांनी येत्या डिसेंबरअखेर पूर्ण करण्यास प्राधान्य द्यावे,'' अशा सूचना पालकमंत्री विजयकुमार देशमुख यांनी दिल्या.

सोलापूर : ‘‘जिल्हा नियोजन समितीच्या निधीतून होणाऱ्या विकासकामामुळे लोकांचे जीवनमान उंचावणे महत्त्वाचे आहे. त्याअनुषंगाने विकासकामांची अंमलबजावणी करावी. जिल्हा नियोजन समितीच्या निधीतून होणारी कामे सर्व यंत्रणांनी येत्या डिसेंबरअखेर पूर्ण करण्यास प्राधान्य द्यावे,'' अशा सूचना पालकमंत्री विजयकुमार देशमुख यांनी दिल्या.

पालकमंत्री देशमुख यांच्या अध्यक्षतेखाली जिल्हा नियोजन समितीची बैठक झाली. जिल्हा परिषदेचे अध्यक्ष संजय शिंदे, खासदार शरद बनसोडे, आमदार गणपतराव देशमुख, बबन शिंदे, भारत भालके, नारायण पाटील, प्रणिती शिंदे, जिल्हाधिकारी डॉ. राजेंद्र भोसले, मुख्य कार्यकारी अधिकारी डॉ. राजेंद्र भारूड, जिल्हा नियोजन अधिकारी सर्जेराव दराडे आदी उपस्थित होते.

देशमुख म्हणाले, ‘‘सन २०१८-१९ साठी जिल्ह्याच्या विकासासाठी ३३९.७७ कोटी रुपयांचा आराखडा आखला आहे. त्यापैकी सत्तर टक्के निधी उपलब्ध करून संबंधित यंत्रणांना तो वितरीत केला आहे. संबंधित यंत्रणांनी आपल्या विभागाकडून प्रस्तांवाना तांत्रिक मान्यता घ्याव्यात. जिल्हा प्रशासनाकडून प्रशासकीय मान्यता घ्याव्यात. लवकरात लवकर कामांना सुरवात करावी. कामे वेळेत आणि दर्जेदार होतील याकडे लक्ष द्यावे. गेल्या आर्थिक वर्षात समितीचा जवळपास संपूर्ण निधी खर्च झाला. यंदाही सर्व निधी खर्च व्हावा. त्यामाध्यमातून जास्तीत जास्त विकासाची कामे व्हावीत.

स्वाईन फ्लू, डेंगी आजाराचे रुग्ण जिल्हृयात आढळून आल्यास आरोग्य यंत्रणेकडे पुरेसा औषध साठा उपलब्ध आहे. या आजाराच्या नियंत्रणासाठी प्रभावी जनजागृती करावी. जिल्ह्यात उपलब्ध असलेल्या रुग्णवाहिकांचा आढावा घेऊन आवश्‍यकतेनुसार आणखी रुगणवाहिका उपलब्ध होण्यास शासनाकडे प्रस्ताव पाठविला जाईल, असेही देशमुख यांनी सांगितले.

जिल्ह्यातील टंचाईसदृश्‍ा परिस्थितीबाबत तत्काळ कार्यवाही केली जाईल. यासाठी महसूल, जिल्हा परिषद, कृषी विभाग, सहकार विभाग यांना सूचना दिल्या आहेत, असे डॉ. भोसले यांनी सांगितले.

कृषी, संलग्नसेवांवर ३२ टक्के खर्च

सन २०१८-१९ मधील जिल्हा नियोजन समितीकडील ५२ टक्के निधी यंत्रणांनी मंजूर कामांवर खर्च केला. त्यामध्ये कृषी व संलग्न सेवा -३२.७५ टक्के, ग्रामविकास- २३.७८ टक्के, उद्योग व खाण १४.४१ टक्के, परिवहन ८९.९२ टक्के, सामान्य सेवा विभागाने ४०.७८ टक्के निधी खर्च केला आहे.  अनुसूचित जाती उपयोजनांतर्गत २०१८-१९ साठी १४७ कोटी ५२ लाख निधी मंजूर असून, या निधीपैकी १०३ कोटी २६ लाख ४० हजार इतका निधी खर्च झाला असून खर्चाची टक्केवारी ७० इतकी आहे.

पालकमंत्री म्हणाले...

  •  मुख्यमंत्री ग्रामसडक योजनेतील कामे   दर्जेदार व्हावीत.
  •      जिल्हा परिषदेच्या शाळांतील शिक्षकांच्या भरतीसाठी बैठक घेणार
  •      पशुसंवर्धन विभागाकडील डॉक्‍टरांच्या रिक्त जागा भरण्यासाठी पशुसंवर्धन मंत्र्यांकडे बैठक घेऊ
  •      अवैध सावकारीस आळा घालण्यासाठी आवश्‍यक कारवाई करा

जिल्हाधिकारी म्हणाले...

  •  नवीन जिल्हाधिकारी कार्यालय व जिल्हा नियोजन समितीचे सभागृह लवकरच पूर्ण करू
  •  जिल्हा नियोजन समितीची पुढील बैठक नवीन सभागृहात होईल
  •  जिल्ह्यात जलयुक्तची ८० टक्के गावांत कामे
  •  तालुका क्रीडा संकुल समितीचा प्रस्ताव आल्यास नावीन्यपूर्ण योजनेतून कामे

इतर बातम्या
बुलडाण्यात चारा छावणी उघडण्यास मुहूर्त...बुलडाणाः जिल्ह्यातील दुष्काळी परिस्थितीत...
अनेर काठावरच्या शिवारातही जाणवू लागली...जळगाव ः जिल्ह्यातील प्रमुख नद्यांमध्ये असलेल्या...
जळगावात १८०; धुळे, नंदुरबारात टॅंकरची...जळगाव ः खानदेशात सुमारे एक हजार गावे टंचाईच्या...
लाकडी अवजारे हद्दपार; सुतारांवर...रिसोड, जि. वाशीम ः आधुनिकतेचे वारे शेतीतही वाहू...
कसणाऱ्यांना प्रोत्साहन दिल्यास...विकसनशील देशांमध्ये कृषी उत्पादकता आणि उत्पन्नाची...
सांगली : सव्वातीन लाख हेक्‍टरवर खरीप...सांगली : यंदा वळवाच्या पावसाने दडी मारली....
जळगाव बाजार समितीती कांदा दरात सुधारणाजळगाव ः लाल कांद्याची आवक अस्थिर असून, दरात मागील...
नाशिक जिल्ह्यात प्रशासनाकडून नवीन चार...नाशिक : दुष्काळी परिस्थितीत जनावरांची चारा...
सुला विनियार्ड्समध्ये ९ हजार टन...नाशिक : देशातील आघाडीच्या वाइन उत्पादक असलेल्या...
जत तालुक्यातील दीड हजार शेततळी कोरडीसांगली :  शासनाच्या योजनेतून जत तालुक्यात...
परभणीत मंगळवारपर्यंत उष्णतेची लाटपरभणी : भारतीय हवामान विभागातर्फे जिल्ह्यात...
`उर्ध्व पेनगंगाचे पाणी सोडा`नांदेड : मालेगाव (ता. अर्धापूर) परिसरातील...
सोलापूर विद्यापीठाकडून वनस्पतींची...सोलापूर : पुण्यश्लोक आहिल्यादेवी होळकर सोलापूर...
दुधाचा कृशकाळ सुरू होऊनही दर कमीच !पुणे: दुष्काळामुळे दुधाचा कृशकाळ सुरू झालेला असून...
उष्ण, कोरड्या हवामानाचा अंदाज पुणे: राज्यातील कमाल तापमानाचा पारा गेल्या काही...
एचटीबीटीविरोधात मोहीम तीव्र पुणे: राज्यात सुरू असलेल्या अनधिकृत तणनाशकाला...
फलोत्पादनासाठी अर्ज करण्यात नगर अव्वलनगर : एकात्मिक फलोत्पादन विकास अभियानअंतर्गत...
बुरशी, जिवाणू, सूत्रकृमीमुळेच आले...औरंगाबाद: जिल्ह्यातील आले पिकाचे २०१५-१६ व २०१८-...
राज्यात पाणीटंचाईचा आलेख वाढताचपुणे: उन्हाचा चटक्याबरोबरच राज्यात पाणीटंचाईचा...
शेतकरी कंपन्या लातूरमध्ये उभारणार डाळी...लातूर : स्पर्धाक्षम बाजार घटक म्हणून शेतकरी...