agriculture news in marathi, Completion of water supply scheme | Agrowon

'दक्षिण व उत्तर सोलापूर तालुक्‍यांतील पाणीपुरवठा योजना पूर्ण करणार'
टीम अॅग्रोवन
गुरुवार, 18 ऑक्टोबर 2018

सोलापूर : ‘‘दक्षिण व उत्तर सोलापूर तालुक्‍यांतील मुख्यमंत्री पेयजल योजनेतील चार आणि राष्ट्रीय पेयजल योजनेअंतर्गत २१ गावांचा समावेश आहे. या गावांचा पाणीपुरवठा तातडीने सुरू होण्यासाठी अपूर्ण असलेल्या योजना पूर्णत्वास आणण्यासाठी आपण सर्वतोपरी मदत करू, कोणत्याही परिस्थितीत या योजना पूर्ण करू,’’ असे आश्‍वासन पाणीपुरवठामंत्री बबनराव लोणीकर यांनी दिले.

सोलापूर : ‘‘दक्षिण व उत्तर सोलापूर तालुक्‍यांतील मुख्यमंत्री पेयजल योजनेतील चार आणि राष्ट्रीय पेयजल योजनेअंतर्गत २१ गावांचा समावेश आहे. या गावांचा पाणीपुरवठा तातडीने सुरू होण्यासाठी अपूर्ण असलेल्या योजना पूर्णत्वास आणण्यासाठी आपण सर्वतोपरी मदत करू, कोणत्याही परिस्थितीत या योजना पूर्ण करू,’’ असे आश्‍वासन पाणीपुरवठामंत्री बबनराव लोणीकर यांनी दिले.

सहकारमंत्री सुभाष देशमुख यांच्या पुढाकारातून दक्षिण आणि उत्तर सोलापुरातील पाणीपुरवठा योजनासंबंधी नुकतीच लोणीकर यांच्या अध्यक्षतेखाली बैठक झाली. पिण्याच्या पाण्याची टंचाई निर्माण झालेल्या गावांमधील पाणीपुरवठा योजनांची कामे तातडीने पूर्ण करावीत, अपूर्ण योजना पुढील महिन्यात सुरू करून या गावांना सुरळीत पाणीपुरवठ्यासाठी प्रयत्न करावेत, यासाठी निधीची कमतरता नाही, असे मंत्री लोणीकर यांनी स्पष्ट केले. या बैठकीस संबंधित जिल्हा परिषद व पंचायत समिती, ग्रामपंचायतीचे प्रतिनिधी उपस्थित होते.

सहकारमंत्री देशमुख यांनी उत्तर-दक्षिण सोलापुरातील पाणीपुरवठा योजनांची सद्यःस्थिती आणि निर्माण झालेली पाणीटंचाई, याचा आढावा आणि कुंभारी गावासाठी विस्तारीत पाणीपुरवठा योजना, मंद्रुप येथील पाणीटंचाई, याची माहिती देऊन या योजना तातडीने सुरू करण्याची विनंती केली. या पाणीपुरवठा योजना अपूर्ण असणे, ही गंभीर बाब असून, या कामात दिरंगाई करणाऱ्यावर कारवाई करावी, या कामांसाठी लागणारा आवश्‍यक निधी दिला जाईल, असे लोणीकर यांनी या वेळी सांगितले.

जिल्हा परिषद सदस्य अण्णाराव बाराचरे, पंचायत समिती सदस्य एम. डी. कमळे, प्राचार्य विश्रांत गायकवाड, ॲड. राजशेखर कोरे, कुंभारीचे सरपंच सिद्धाराम इमडे, दक्षिण सोलापूर सरपंच संघटनेचे अध्यक्ष पंडित अंबारे, भाजप जिल्हा सरचिटणीस हणमंतराव कुलकर्णी, शिरीष पाटील, तालुका सरचिचणीस यतीन शहा, हत्तूरचे सरपंच धर्मा राठोड, मधुकर चिवरे (वडजी), सिंदखेडचे सरपंच शकील मकानदार, संदीप राठोड (मुळेगांव), प्रधान गुरव (इंगळगी), लवंगीचे सरपंच गुरुनाथ बंदलगी आदी उपस्थित होते.

इतर बातम्या
खानदेशात दुष्काळ निवारणात अडचणीजळगाव : दुष्काळी व पिण्याच्या पाण्याची तीव्र...
सरपंच परिषदेची ताकद दाखवू नगर  ः सरकार शहरांचे पोषण करण्यासाठी...
संत्रा, मोसंबी बागांचे नव्याने सर्वेक्षणनागपूर : जिल्ह्यातील काटोल, नरखेड व कळमेश्‍वर...
पाणीटंचाई निवारणासाठी ३२ कोटीनागपूर : ग्रामीण भागातील पाणीटंचाई...
‘अक्कलपाडा’चे पाणी न पोचल्याने...धुळे : अक्कलपाडा प्रकल्पातून पांझरा नदीत...
नानेगावकरांचा ग्रामसभेतून प्रस्तावित...नाशिक : नाशिक पुणे प्रस्तावित रेल्वे महामार्ग...
सोलापूर जिल्ह्यातील खरीप नुकसानीपोटी ३८...सोलापूर : खरीप हंगामातील नुकसानीपोटी जिल्ह्यातील...
नाशिकच्या धरणांत अवघा ४५ टक्के जलसाठानाशिक : यंदा कमी झालेल्या पावसामुळे धरणातील...
द्राक्ष बागा जगविण्यासाठी शेतकऱ्यांची...पांगरी, जि. सोलापूर : बार्शी तालुक्यातील पूर्व व...
नागालँड राज्य बँक राबविणार पुणे जिल्हा...पुणे ः शेती, शेतीपूरक व्यवसायासाठी पुणे जिल्हा...
सातारा जिल्ह्यात ऊस गाळप वेगातसातारा ः जिल्ह्यातील ऊस गाळप हंगाम वेगात सुरू...
परभणी जिल्ह्यात रब्बी ज्वारीचा अग्रीम...परभणी ः परभणी जिल्ह्यात उद्भवलेल्या दुष्काळी...
पुणे विभागात दहा लाख हेक्टर क्षेत्र...पुणे ः पाणी टंचाईमुळे रब्बीच्या पेरण्यांच्या...
शेतकरी सन्मान योजनेसाठी सात हजार...उस्मानाबाद ः तालुक्‍यातील २४ गावांतून सात हजार...
नांदेड, परभणी, हिंगोली जिल्ह्यांत १२...नांदेड ः चालू कापूस खरेदी हंगामामध्ये नांदेड,...
बेदाणानिर्मिती शेडवर बसू लागली यंत्रेसांगली ः जिल्ह्यातील कवठेमहांकाळ, मिरज...
जातपडताळणीचा ‘ऑफलाइन’ छळ पुणे  : शासनानेच वाटलेल्या जातप्रमाणपत्रांची...
सांगलीत शनिवारपासून सेंद्रिय परिषद,...सांगली ः रेसीड्यू फ्री ऑरगॅनिक मिशन इंडिया...
वाहतूक शुल्कासाठी प्रमाणपत्राची अट नको...पुणे : निर्यातीचा कोटा पूर्ण करणाऱ्या साखर...
राष्ट्रीय जल पुरस्कारांत महाराष्ट्र...मुंबई : राज्यातील जलयुक्त शिवार अभियानमध्ये...