खानदेशात ‘बंद‘ला संमिश्र प्रतिसाद

खानदेशात ‘बंद‘ला संमिश्र प्रतिसाद
खानदेशात ‘बंद‘ला संमिश्र प्रतिसाद

जळगाव : इंधन दरवाढीच्या निषेधार्थ पुकारलेल्या दोन्ही काँग्रेस आणि मनसेच्या बंदला खानदेशात सोमवारी (ता.१०) संमिश्र प्रतिसाद मिळाला. नंदुरबार, शिरपूर, नवापूर व धुळ्यात कडकडीत बंद होता; तर जळगाव जिल्ह्यात मात्र फारसा प्रतिसाद मिळाला नाही. जळगावात कार्यकर्त्यांनी हातात दांडे, काठ्या घेऊन दुकानांवर चाल करून बंदची सक्ती केली. यामुळे दहशतीचे वातावरणही होते.

शहादा येथे बाजार समितीमधील अडतदार व इतर व्यापाऱ्यांनी बंदमध्ये सहभागी नसल्याचे जाहीर केले. शहादा येथे फारसा प्रतिसाद मिळाला नाही. तळोदा येथेही व्यापारी आस्थापने व इतर भागात व्यवहार सुरळीत झाले. खानदेशात एसटी बससेवा सुरू होती. या बंदचा कुठलाही परिणाम झालेला नसल्याचे एसटी प्रशासनाने म्हटले आहे. नंदुरबार शहरात सकाळीच काँग्रेसच्या कार्यकर्त्यांनी बाजारपेठेत बंदचे आवाहन केले.

धुळ्यातही दोन्ही कॉंग्रेस व मनसेने बंदचे आवाहन केले. त्यास व्यापारी, पेट्रोल पंप चालकांनी प्रतिसाद दिला. मुख्य मार्गांवरील पेट्रोल पंप मात्र सुरू होते. जीवनावश्‍यक सेवांवर परिणाम झाला नाही. जळगाव शहरात सकाळी ११ च्या सुमारास दोन्ही कॉंग्रेस व मनसेच्या नेत्यांनी बाजारपेठेत जाऊन बंदचे आवाहन केले. वल्लभदास वालजी व्यापारी संकुलात पळापळ झाली. महात्मा फुले मार्केटमध्येही गोंधळ झाला. काही कापड इतर वस्तू विक्रेते, व्यावसायिकांनी बंदमध्ये सहभागी होणार नसल्याचे म्हटले. पण कार्यकर्त्यांनी दुकाने बंद करायची सक्ती केली. काही कार्यकर्त्यांनी हातात दांडे, काठ्या घेऊन दुकानांवर चाल करीत जाऊन दहशत माजविण्याचा प्रयत्न केला. काही दुकानदारांनी दुपारपर्यंत बंद पाळला. नंतर आपला व्यवसाय सुरू केला.

बाजार समित्यांतील लिलाव सुरळीत

खानदेशातील सर्व बाजार समित्यांमधील मार्केट यार्डात फळे व भाजीपाला लिलाव सकाळीच झाले. शेतमाल किंवा केळीच्या वाहतुकीवरही बंदचा कोणताही परिणाम झालेला नसल्याची माहिती मिळाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com